خطيب بنتي خبط علي بابي الساعه سته ج 2حكايات منال علي
الجزء الثاني
نور فضلت باصة لكريم، والدموع في عينيها، وهو لسه راكع على ركبة واحدة، ماسك علبة الدبلة، ووشه كله كدمات.
وفجأة...
حكايات منــال عـلـي
بدل ما تمد إيديها تاخد الدبلة...
بصت له من فوق لتحت وقالت ببرود:
- يعني أنا فضلت ألف وراك في نص البلد... والناس كلها جريت تضربك... وإنت كنت عامللي مفاجأة؟!
كريم هز راسه بسرعة.
- والله العظيم أيوه... كل اللي قولتهولك كان كدب علشان المفاجأة متتحرقش.
مروان صاحبه دخل في الكلام وقال:
- والله يا آنسة نور، الراجل ده من أسبوعين وهو بيجري في كل حتة يحجز القاعة ويجيب الورد ويختار الدبلة، وأنا شاهد على كل كلمة.
أنا بصيت لبنتي وقلت:
- يا نور... اسمعيه للآخر.
فضلت ساكتة كام ثانية.
وبعدين قالت:
- طيب... وريني الدبلة.
كريم ابتسم لأول مرة من ساعة ما دخل الشقة، ومد إيده بالعلبة.
لكن أول ما فتحها...
اتجمد مكانه.
وشه قلب ألوان.
قال:
- يا نهار أبيض...
نور عقدت حواجبها.
- في إيه؟
بص داخل العلبة تاني، وقعد يقلب فيها.
وبعدين بص لمروان وقال بصوت مخنوق:
- الدبلة... مش موجودة!
كلنا بصينا لبعض.
مروان قال:
- إزاي؟! أنا كنت ماسك العلبة بإيدي طول الطريق.
كريم قلب العلبة يمين وشمال.
فاضية.
الدبلة اختفت.
نور اتنهدت وقالت وهي بتحاول تضحك:
- هو ده كمان جزء من المفاجأة؟
كريم كان خلاص هيعيط.
- والله كانت هنا.
وفجأة...
رن تليفون مروان.
رد بسرعة.
وسكت وهو بيسمع.
بعدها قال:
- إيه؟!... نعم؟!
كلنا بصينا له.
قفل المكالمة وهو بيبلع ريقه.
قلت:
- خير؟
قال:
- صاحب القاعة بيقول إن في عامل نظافة لقى علبة صغيرة واقعة في الجنينة بعد ما كريم جري من نور... وفيها دبلة.
كريم نط من مكانه.
- الحمد لله!
لكن مروان كمل كلامه وهو مكشر:
- بس...
- بس إيه؟
- العامل سلّمها لواحد قال إنه صاحبها... والراجل خدها ومشي.
الابتسامة اختفت من على وش كريم.
قلت بسرعة:
- يعني حد سرق الدبلة؟!
مروان هز راسه.
- غالبًا.
نور بصت لكريم وقالت:
- أهو... ربنا ستر إنك مجبتش مع الدبلة عربية كمان، كانت هتضيع هي كمان.
رغم الموقف... كلنا ضحكنا.
لكن كريم كان متوتر جدًا.
قال: متوفره على روايات واقتباسات
- دي مش أي دبلة... دي أنا كنت مجمع تمنها من أكتر من سنة.
وقبل ما حد يرد...
جرس الباب رن.
حكايات منــال عـلـي
فتحت الباب.
ولقيت راجل كبير في السن، لابس جلابية بلدي، واقف مبتسم.
وفي إيده...
علبة الدبلة.
وقال:
- هو في حد هنا اسمه كريم؟... أصل واضح إن النهارده يومه طويل... والدبلة دي كانت هتروح منه لولا ستر ربنا!
ياترى الراجل ده لقى الدبلة فعلًا؟... ولا وراه حكاية تانية خالص؟
يتبع...
