إعملي شفط دهون ج 1 حكايات منــال عـلـي

الجزء الأول

"اعملي شفط دهون... أصل مرات أخويا جسمها أحلى منك!" 😳😳😳

بعد ما خلفت ابني التاني، جسمي اتغيّر طبيعي جدًا. وزاد الطين بلة إني اكتشفت إن عندي مشكلة في الغدة الدرقية، وده خلّى نزول الوزن يبقى بالعافية مهما عملت.حكايات منال علي 

ورغم كده، ما استسلمتش. بطلت الأكل اللي ملوش لازمة، وبقيت أنزل أتمشى كل يوم الصبح، وكل كيلو كان بينزل كنت بفرح بيه كأني كسبت الدنيا.

بس جوزي كريم بقى عنده عادة تقرف... يقارنّي بأي ست يشوفها، وأكتر واحدة كان بيجيب سيرتها هي مرات أخوه دينا.

بعد عزومة غدا عند حماتي في يوم جمعة، وإحنا راجعين البيت، فضل يبصلي من فوق لتحت وبعدين ضحك ضحكة مستفزة وقال:

ـ "شفتي دينا؟ بصي جسمها عامل إزاي... وبصي لنفسك! والله اللي يشوفكم جنب بعض يقول دي أختك الكبيرة!"

متوفره على روايات واقتباسات 

حسيت إن الأرض انشقت وبلعتني.

دخلت الحمام وقفلت الباب عليّا، عشان العيال ما يشوفونيش وأنا بعيط.

لكن ابني الكبير عمر كان بقى فاهم كل حاجة.

كان كتير يسمع أبوه وهو بيرمي عليّا كلام يوجع، أو يدخل المطبخ يلاقيني بمسح دموعي بسرعة أول ما أحس إنه جاي.

ولا مرة اتكلم مع أبوه...

بس مرة حضني وقال بصوت واطي:

ـ "ماما... متزعليش من كلام بابا. إنتِ أحلى واحدة في عيني، وأحن أم في الدنيا."

ابتسمتله بالعافية...

وأول ما خرج من الأوضة، انهرت من العياط.

أما كريم، فكان كل مرة بعد ما يجرحني، يغير نبرة صوته ويبقى هادي كأنه بيعمل فيا معروف.

ـ "أنا بقولك كده عشان بحبك. غيري كان زمانه ساب مراته وجاب غيرها."

وبعد فترة، الكلام مبقاش مكفيه.

بقى كل شوية يبعتلي إعلانات دكاترة تجميل، وعيادات شفط دهون، ويقولي:

ـ "اعملي شفط دهون وشدي جسمك... ولو كبرتي صدرك كمان هتبقي زي الفل."

مع إنه عارف كويس إن حالتي الصحية ما تسمحليش أعمل أي عملية تجميل، والدكتور بنفسه كان محذرني.

لكن ده ما فرقش معاه.

في ليلة، دخل الأوضة وقف قدام الباب ومنعني أخرج، وقال وهو باصصلي ببرود:

ـ "لو ناوية تفضلي بالشكل ده، متتوقعيش إني أفضل مستحملك العمر كله."

وقتها كنت نفسي أطرده بره البيت...

لكن خوفي على ولادي، وعلى البيت اللي بنيناه سنة ورا سنة، خلاني أبلع الإهانة وأسكت. حكايات منــال عـلـي 

لحد ما جه يوم الأحد اللي فات...

ووو يتبع