اسكريبت كامل بقلم مريم وليد حصري على مدونه ايام نيوز

بقولك مترجعش البيت ده تاني أنت فاهم
ي.. يا بني أنا أبوك!
بلا أبويا بلا أمي بقى يا أخي مش عارفين نروح في حتة منك!
خرجت من الشقة وأنا أحساس الكسرة مالي قلبي وروحي ابني! ابني اللي ربيته وعلمته وكبرته بيطردني من بيته اترددت في وداني جملة أبويا ليا في يوم ربنا يردلك اللي عملته فيا أضعافه يا بني ربنا مبيسيبش حق حد وأنا سبت حقي لله كنت ماشي في الشارع والدموع ماليا عيوني قلبي كان حاسس بخذلان وخسارة سنين عمري من صغري لشيبي بتمر قدام عيني قعدت على أقرب عتبة قابلتني وغمضت عيني بتعب.
يارب يارب سامحني على اللي عملته في ابويا يارب أنا شفت ابني عمل فيا إيه..
عيطت أكتر وأنا ببص للسما وبرفع راسي
يارب أنا خايف أموت لوحدي أنا خايف أموت لوحدي يارب.. عارف إني كنت ظ الم وكنت جاح د وحتى أهلي مكنتش بار بيهم بس يارب أنا خايف خايف يارب.
اتسندت بتعب على الرصيف اللي في الشارع واتحاوطت بظل شجرة وغمضت عيوني لقتني فجأة في مكان

فاضي من حواليا رجع الزمن بيا لأربعين سنة ورا.
جرى إيه يا محمود مش ناوي تشوف لأبوك دار كويسة تاخده معدتش قادرة اخدمه وبعدين بياكل ويشرب والاكل معدش كفاية للعيال.
بصيت لها بغضب بسيط
يعني عايزاني أعمل إيه في ابويا يا سهام ما طبيعي يفضل معانا هنوديه فين يعني.
قربت مني وحطت إيديها على كتفي
يا حبيبي مش قصدي حاجة بس ابوك وجوده هنا مضايقني يعني الأكل..
رديت بعصبية
ما هو نفس الأكل.
اتعصبت عليا
يووه يا محمود! براحتك يا أخي بس جيبله أكل من برا بقى أكلي أنا وعيالي لا.. دي مبقتش عيشة.
سابتني وخرجت وقفت دقيقة بفكر اعمل إيه فكلمت محمد أخويا وسألته لو يقدر ياخد بابا فقال إنه معندهوش مانع بس هو مسافر فلما يرجع.. عرفت وقتها إنه بيتهرب بشياكة كلمت هدير أختي ووافقت تاخده يومين واتخانقت هي وجوزها ورجعت ابويا تاني واتكلمت بصوت مكسور
ابوك يومين وهي موت يا محمود وقتها أنا اللي بيتي هيكون مخروب حقك عليا ياخويا أنت الراجل برضوا خلي بالك منه احسن مكنش عايز ياكل ولا يشرب اليومين اللي فاتوا.
ساعتها حسيت إن كلهم رامين أبويا ليا دخلت لقيته قاعد على الكرسي بيسلم من الصلاة قعدت جنبه وبدأت اتكلم.
بص يا بابا..
قبل ما اتكلم ابتسم بكسرة بسيطة وأتكلم
عارف هتقول إيه يا بني كلهم يومين عايشهم في الدنيا وديني مطرح ما توديني المهم الاقي هدمة البسها ولقمة أكلها وفرشة أنام عليها ربنا يسهلكم يا بني ويرحمكم من اللي أنتوا فيه.
بص للسما وابتسم
ده أنا يارب كنت شايل أبويا في عينيا وفوق راسي وأمي كنت تحت رجلها ليه تذلني لعيالي يارب! متذلنيش غير ليك يا كريم.
كلامه ذلذل مشاعري بوست إيده بهدوء وخرجت برا الأوضة عدى يومين ولقيت مراتي جاية بتصوت وبتقول إن ابويا بيبصلها وإنه وإنه وإنه بكل حق ارة مني روحت مسكت أبويا وطردته برا بيتي وأنا بزعق
أنت كبرت وخرفت يا عبد الهادي مش معنى إني دخلتك بيتي وأكلتك وشربتك ونيمتك عندي تبقى تعمل كده مشوفكش قدام بيتي تاني وياريت تشوفلك مكان غير هنا عشان متعملناش فضايح فاهم يا عبد الهادي! روح شوف بنتك ولا ابنك.
رد بصوت مليان قهرة وكسرة
ربنا ينتقم منك يا شيخة منكم لله كلكم حسبي الله ونعم الوكيل فيكم اللي مع ربنا مبيخسرش وأنا ربنا معايا.. ربنا يردلك اللي عملته فيا أضعاف يا بني ربنا مبيسبش حق حد وأنا سبت حقي لله.
تاني يوم الصبح لقيت أبويا ميت والكل رايح جاي بيحسبن عليا في الشارع كله بيتكلم علينا وعلى لسان الكل جملة واحدة ربنا يردله حقه منكم.
فتحت عيوني وأنا ببكي
ردلك حقك يابا ردلك حقك يا غالي وأنت فوق وأحنا اللي على الأرض ولادي كلهم سابوني يا حبيبي وهدير اللي خافت بيتها يت خرب جوزها خان ها ومحمد بنته رمته في دار مسنين وأنا بقيت في الشارع ربنا خدلك حقك يابا وأنت عنده سامحني يابا سامحني.
غمضت عيوني بعد ما حسيت إن قلبي هيقف اتشاهدت وسلمت لله أمري سلمتله أمري وأنا برد دين اتداينت بيه من سنين كتير صحيح ربنا مبيضيعش حق حد ابدا.
مريم وليد محمد.