روايه بقلم أنين الجارحي كاملة لجميع فصول الرواية
الفصل الاول
معندناش بنات تشتغل.
بمعني..!
يعني مفيش شغل.
انا تعبت عشان اوصل وف الاخر تقولي لا.
بت انت..انت اخرك للبيت..كفايه اني علمتك اصلا.
وده حقي يا بابا اني اتعلم..!!
كتر خيري اوي اني سيبتك تتعلمي.
هشتغل محدش هيقدر يمنعني.
اتكلم بزعيق
اول واحد هيتقدملك هتتجوزيه وتقعدي ف البيت.
اتكلمت بهدوء
بس انا مش عاوزه اتجوز الوقتي.
لي ان شاء الله.
لسه قدامي حاجات كتير معملتهاش.
ابقي اعمليها لما تتجوزي.
طب ولي معملهاش الوقتي..!!
انا قولت الا عندي.
اتكلمت بضيق
وانا مش موافقه علي الا حضرتك قولته.
توافقي متوافقيش هتعملي الا انا عاوزه
برضاكي او غصب عنك.
ما تقولي حاجه يا ماما..انت ساكته لي.
رأيي من رأي ابوكي..لما تتجوزي اعملي الا انت عاوزاه.
اتكلمت بزعيق
هو انا عبئ عليكم...كل حاجه لما تتجوزي.
بصتلي بخوف
يا انين اسمعي الكلام بقي.
لا مش هسمع..انا ليا كامل الحريه في حياتي واختياراتي..
يا بنتي اسكتي وعدي الليله دي.
بطلي خوف بقي يا ماما بطلي تيجي عليا انت كمان.
كلمه كمان وهتشوفي وش تاني.
وش تاني اكتر من كده اي تاني يا بابا.
ضربني بالقلم واتكلم
انت هتتمردي علينا يا بت..لا متفكريش عشان سيبتك تتعلمي ان هسيبك تعملي اي حاجه بمزاجك سامعه.
بصتله بدموع وقهر
لا مش سامعه...وهشتغل...انت المفروض انك تعلمني...وتسيبني اشتغل..وتوفرلي احتياجاتي...انت ملزم تعمل كده...
بصلي بحده واتكلم بغضب
معنديش بنات للهبل الا بتقوليه ده..انت موجوده عشان تتجوزي بس...وتشوفي البيت...والعيال..!!
اتكلمت بزعيق
علي فكره انا مش مخلوقه عشان اتجوز وبس..انا هنا زيي زيي الولد...انا مش عار...انا من حقي اتعلم...من حقي اشتغل...من حقي اخرج..من حقي اعمل اي حاجه....!!
اتكلم وهو بيشدني من شعري وبيضربني
انت شكلك عاوزه تتربي من اول وجديد لان الظاهر امك دلعتك.
انت كويسه...حصلك حاجه.
بصتلها بدموع وقهر
ابعدي عني متلمسنيش...انت واحده ضعيفه بتخاف تتكلم...بتخافي تدافعي عني...شاطره بس انك تلحقيني بعد ما يخلص ضرب فيا....ياريتك ما جبتيني...انا بكرهكم...!!
انا بطالب بالمساواه بين الست والراجل...مش بقول ان الست تبقي زي الراجل بالظبط...لا فيه حاجات مينفعش فعلا الست تكون فيها زي الراجل...بس انا بطالب بالحاجات المشتركه بينهم...تعليم...شغل...خروج...حريتها...رأيها...البنت مش مخلوقه للجوز والبيت وبس...زي ما معظم الناس ده تفكيرها...البنت من حقها تتعلم وتشتغل...بجانب حريتها ف الزواج...اختيار شريك حياتها...محدش يجبرها...البنت مش عار...مفيش حاجه اسمها انت بنت...هو ولد يعمل الا هو عاوزه...الحرام...مش حرام ليها وحلال ليه...وده الا بيخلي معظم الولاد لما يكبروا ويتجوزوا ميحسوش بقيمه مراتهم..لانه شايف انه هو راجل انما هيا ست ملهاش لازمه...تحضرله اكله...شربه...هدومه...احتياجاته..هيا مش حيو..ان...دي انسانه...ومن غيرها...انت مكنش هيكون ليك وجود...ولا برضوا هتقدر تعمل حاجه من الا هيا بتعملهالك..من حقها تتقدر وتحترم وجودها وتقدرها قدام الكل...وتساعدها من واجب الاحترام والموده...ياريت نفهم.
كتب كتابك الخميس الجاي.
نعم..!!
اظن كلامي واضح.
هو اي الا كتب كتابك..ده انا حتي مقولتش رأيي..!!
معروفه انت هنا ملكيش راي انا الا اقرر.
بس دي حياتي...انا الا هعيش مش انت...
خلصتي الشعر الا قولتيه.
ده انا حتي مشوفتوش...!!
متخافيش هيعجبك اوي...وخصوصا انه غني.
اتكلمت بخنقه
بس انا ميهمنيش غني او لا انا يهمني...
قاطع كلامي
انت بت فقريه اصلا ملكيش في العز..
بصيت لطيفه بدموع
اي يا انين...كنت متوقعه اي يعني فوقي.
الاغلب بيبصوا للفلوس...بس مبيفكروش...هل يتري ده هيعامل
انا عارف ان كل حاجه جت بسرعه..حتي الفرح اتعمل بسرعه كبيره ولا عارفه حاجه عني بس بعد ما نسافر وهتعرفي كل حاجه عني..
نسافر...نسافر فين...!
ايوه هو والدك مقالكيش..هنسافر الكويت لان في لخبطه بس هناك ف الشركه..هفهمك كل حاجه بعدين..بس متقلقيش احنا هنقضي كام شهر هناك بس.
اتنهدت بضيق
بس انا مش حابه اسافر.
اتكلم بهدوء
انا كنت هاخدك عشان مش عاوز اسيبك لوحدك..وكمان ف اول جوازنا وامشي واسيبك...بس مش هجبرك...ممكن تبقي هنا لحد ما ارجع.
هنقضي كام شهر.
اتكلم بإبتسامه
3شهور بس مش هنطول اخلص بس كل الا حصل ده.
اتنهدت وانا بهز راسي
زياده عن كده هنزل واسيبك.
بصلي بإبتسامه وهو بيمسك ايدي
جهزي نفسك عشان بكره هنمشي.
سحبت ايدي منه واتكلمت بهدوء
تمام عن اذنك.
اتنهد بابتسامه
طب اتفضلي هفضل شايل كتير.
بصتله باستغراب
اي ده.
حاجه بسيطه شوفيها يارب تفرحك.
اتنهدت وانا بشوف الا جوا الصندوق بصراحه فرحت من جوايا واتبسطت جدا بيها بس مبينتش
شكرا مش عاوزاها.
اتكلم بهدوء
معجبتكيش..انا ممكن اجبلك غيرها المهم تفرحي..!
بصتله بإبتسامه
لا هيا حلوه اطمن.
اتكلم بإبتسامه
يبقي خلاص الهديه لا ترد..هتاخديها.
هزيت راسي بنفي
شكرا بس...
قاطع كلامي
من غير بس مش هترجع فاهمه.
تاني يوم الصبح
جاهزه.
هزيت راسي
ايوه جاهزه.
طب عنك الشنط يا ست البنات.
عندي ايدين علي فكره.
بصلي بإبتسامه
عاوز ادلعك يا ستي فيها حاجه دي.
بصتله بضيق
مبحبش الدلع مدلعنيش.
من ورا قلبك يا رشدي.
لا.
ابتسم وهو بيقرب عليا
عيني في عينك كده.
اتكلمت بتوتر
انت
ولو مبعدتش.
هضربك.
اضربيني.
ابعد احسنلك..الناس بتتفرج علينا
اتكلم بغمزه وقالي
ماشي هبعد بس لينا بيت يلمنا.
قليل الادب مش محترم.
عاوزاني ابقي محترم مع مراتي يعني.
ده انت لسه عارفني من يومين.
اتكلم بتوهان
لا يا انين..مش من يومين..انا عارفك اكتر مني..انت بس الا مش عرفاني.
محصلنيش الشرف بصراحه.
وماله هيحصلك.
مش عاوزه اصلا.
طب يالا يا ست معاد الطياره.
انا اول مره اركب طياره.
ومش اخر مره اي مكان نفسك تروحيه هنروحه سوا.
اه ما انت معاك فلوس بقي مش عارف توديهم فين.
اتنهد واتكلم بنبره حزينه بانت علي صوته
معايا فلوس اه بس فيه حاجات كتير مش معايا.
بصتله بقله حيله بحاول افهمه بس شخصيته غامضه
بتغري انت الناس بالفلوس لسه بكمل كلام الطياره طارت.. شهقت بخضه وانا بمسك ايده...يا ماما هنموت.
اتكلم بضحكه
قلبك جامد يولا.
سحبت ايدي بضيق
علي فكره عادي جدا..انا بس اروترت..اترورت...يوه قصدي اتوترت..
ضحك ضحكه رجوليه خطفت قلبي
واضح واضح.
اتكلمت بتوتر
انا مش عاوزه اموت كده.
بصلي بعدم فهم
تموتي كده ازاي انت تعبانه.
اتكلمت بخوف وانا بغمض عيني
مش عاوزه اموت والطياره بتقع بينا.
اتكلم بضحكه وهو بيمسك ايدي
متخافيش يا روحي مش هنموت شكلك متابعه افلام كتير.
انت رخم بجد وانا بكرهك.
وانا بحبك.
ايي.
ايي.
يالا يستي هنروح علي الفندق.
اخيرا وصلنا.
فرهدتي صح.
فرهدت بس ده انا هقع من طولي.
جعانه تعالي ناكل.
لا مش جعانه.
متأكده.
وطبعا بطني كان عندها راي تاني
علي فكره انا مش جعانه بطني بس بتحب تعمل صوصو.
تعمل اي...!
صوصو.
اتكلم بضحكه
واضح انك مش جعانه.
بصتله بضيق
انا هنام فين.
شاور بإيده علي السرير
هنا.
وانت هتنام فين.
جنبك.
يتبع...
الفصل الثاني
انت يا مجنونه فكي الحبل ده.
كلمه كمان...وهقوم احط
كل ده عشان قولت هنام جنبك.
تعرف تسكت مش عارفه انام من الدوشه بتاعتك.
امال لو قولتلك هاخد بو سه هتعملي اي.
يا مش محترم والله لابلغ عنك بوليس الاداب.
اتكلم بسخريه
