عزومه حماتي بقلم منــال عـلـي
سبت الفلوس قاصدة في البيت قبل ما أنزل مع جوزي ليلة ذكرى جواز حماتي.. السهرة مشيت عكس ما هما خططوا لها تماماً، بس مشيت زي ما أنا كنت عايزة بالظبط. بقلم منال علي
قبل ما نخرج من الشقة، مروة راجعت شنطتها للمرة الأخيرة. المفاتيح، الموبايل، البطاقة، وظرف صغير فيه مبلغ على قد بوكيه الورد. لا فيزا ولا مليم زيادة. قفلت السوستة بضمير وأخدت نفس طويل بتهدي بيه ضربات قلبها.
من عند الباب، جه صوت جوزها الزهقان
يا بنتي حرام عليكي، بقالك ساعة بتعملي إيه؟ الناس مستنيين تحت في العربية! متوفره على روايات واقتباسات
خرجت مروة وهي بتظبط طرحتها. أحمد بص لها بنظرة فيها تقطيمة، وهو واقف بقميصه المكوي وشياكته وريحة برفيوم مالي المكان.
مالك وشك أخطفت كده ليه؟ إنتِ متوترة؟ سألها بآلية، من غير ما يستنى منها رد حقيقي.
أنا كويسة، كذبت بدم بارد.
الحفرة اللي اسمها العيلة
مكنتش كويسة، ولا حتى قريبة من الكلمة دي. تحت ضلوعها، رجعت لها النغزة الباردة بتاعة الخوف. من سنة، وفي لمة
وهي بتلبس الجاكيت، قالت بصوت واطي
افتكرت بس اللي حصل المرة اللي فاتت يا أحمد.
أحمد كشر وكأن ريحة وحشة طلعت فجأة
تاني السيرة دي؟ إنتِ مش هتزهقي؟ كريم هيرجع الفلوس، كانت ظروف ضيقة وضغط عليه، وهو أولى من الغريب. ما تكبريش الموضوع، النهاردة عيد جواز أمي.. الكل موجود وهننبسط!
هننبسط.. ردت مروة في سرها بمرارة.
بالنسبة لأحمد، الانبساط يعني قعدة رجالة، وهزار بصوت عالي، وقصص هو بطلها، وشعور إنه ابن العيلة البار اللي شايل الكل. أما بالنسبة لها، فكان يعني نظرات الست سعاد اللي بتقص الخبر، وتلقيح الكلام، وزن مبيخلصش عن القرشين اللي مركونين في البنك.
حاولت تمسك أعصابها وقالت
أنا مش بكبّر الموضوع. بس إنت شوفت المرة اللي فاتت عملوا فينا إيه.
رد أحمد وهو بيفتح باب الشقة ببرود
إنتِ حساسة زيادة.. دي عيلة، أهلك. لازم تستحملي صراحتهم شوية.
الأمان في كيس البسلة
مشت وراه وهي ساكتة. جوه جيب الجاكيت، لمست الكارت الوحيد اللي جابته معاها؛ كارت فيه 3000 جنيه بس للطوارئ. أما تحويشتها الحقيقية، وفيزا المرتب، وكل مليم حيلتها، فكانوا متأمنين صح.. في ظرف في قاع كيس بسلة متلجة في الفريزر وسط الخضار.
تصرف هبل؟ يمكن. بس ده كان الحاجة الوحيدة اللي محسساها بالأمان في البيت ده. بقلم منال علي
في الأسانسير، أحمد مسك إيدها. إيده كانت دافية، بس برودة قلبها كانت أقوى.
عشان خاطري اهدي. ده يوم مهم لأمي، خلينا نعدي الليلة على خير.
بص لها بنظرة الرجاء القديمة اللي حفظتها ما تبوظيش الليلة.. ما تعمليش مشكلة.. خليكي طيبة. هزت راسها وهي ساكتة.
بره، كانت العربية مستنية. وهي قاعدة في الكرسي اللي قدام، بصت لشبابيك شقتهم. في الفريزر مكنش فيه خضار بس؛ كان فيه كرامتها وأمانها
جاهزة؟ سأل أحمد وهو بيدور العربية.
جاهزة، ردت وهي باصة قدامها.
المواجهة في بيت الست سعاد
بيت حماتها كان منور والريحة واصلة لآخر الشارع. وفي الركن، شافت عربية كريم الجديدة اللي جابها بفلوسهم. التناقض كان يفرس.
فلوسنا.. فلوس أوضة العيال، الفكرة دي كانت بتنهش في دماغها.
أول ما نزلوا، أحمد رسم الابتسامة العريضة الرسمية على وشه. مروة دخلت وراه وهي حاسة بخنقة بتزيد مع كل خطوة.
فتحت الباب صاحبة الليلة الست سعاد. كانت لابسة جلابية استقبال شيك، وفي عينيها نظرة فحص وتمحيص لمروة من ساسها لراسيها.
يا حبيبي يا ابني! أهلاً يا أحمد.. نورتي يا مروة، الكل جوه.
دخلوا على دوشة العيلة وريحة المحاشي والبط. أول ما مرات كريم شافت مروة، صاحت بسخرية
يا أهلاً يا أهلاً.. الهوانم
