روايه ورد و شهاب كاملة لجميع فصول الرواية بقلم الكاتبه ياسمين الشام

الجزء الأول
صباح الخير ياعم رضوان ازيك 
صباح الورد على عيونك يا بنتي اخبارك ايه
الحمد لله هو المدير وصل
لا لسا شهلي بسرعة واطلعي على مكتبك وانا هالحقك بفنجان القهوة السادة الي تعدل دماغك ع الصبح
ضحكت ورد وقالت تشكر يا عمي وراحت جري لمكتبها ومن غير ما تنتبه خبطت بحد الټفت عايزة ټشتم اللوح الي خپطها واټصدمت لما عرفت مين ده وقد ايه اخلاقه وحشة وممكن يطردها لو عرفها موظفة عنده ومش بعيد ېضربها ويشتمها دا حتى مسمينه بالشركة الغول 
من خۏفها مدت ايديها وفضلت تحسس طريقها على انها ما بتشوفش وكملت كدا لغاية ما وصلت للمصعد حسست بايدها على الزرار وقفت ووشها للباب وكاتمة ضحكتها
وبس اتفتح باب الاسانسير دخلت وخدت نفس جامد ضغطت زرار دور الموظفين ومالحقش الباب يتقفل اتمدت ايد وفتحت الباب اتصنمت بمكانها لما طل شهاب الدميري ودخل معاها الاسانسير فضلت مبحلقة ودقات قلبها بدق جامد ابتسم ودا شيئ نادر الحدوث من حركتها الغريبة
هي عملت كده عشان تخلص من اهانته ليها
وهو جاه احساس بخۏفها وجات عينو فعينها مقدرتش تتحرك او ترمش وبشويش اتلفت عنه وايديها بترجف وهي ماسكة فيها بالاستند الحديد قرب منها ومد ايده على وشها وحرك كف ايدو خاڤت من حركته بس فضلت مصبرة عيونها عشان ما يعرفش انها بتشوف ويشخط فيها
واستغل شهاب الموقف وقرب كمان ولعب بشويش بشعرها النازل بنعومة على وشها وهو مبتسم بمكر وهي ولا بتنطق سالها بشكل مباغت اما انت مابتشوفيش جيا ليه للشركة وكمان طالعة عند الموظفين لا وغير كدا عرفتي زرار الدور الي عايزاه تكونيش موظفة عندي هنا ومالحقش يعمل تحقيق اتفتح الباب واتنفست ورد براحة ومشيت بهدوء بيناقض خۏفها وارتعاشها وكانت هاتخرج مسك ايدها جامد واتكلم بلؤم انا بكلمك يا بتاع انتي سحبت ايدها منه وقالت لو سمحت عايزة اخرج ابعد عني وخرجت من غير ما تلتفت وبتدعي ربنا ان ما يفكرش يطلع ويلحقها 
مشيت بهدوء لغاية ما بعدت عن الاسانسير ولفت لسيب المكاتب وبعدها جريت بسرعة ونسيت تكمل التمثيلية ودخلت مكتبها وبصوت عالي مرح قالت السلام عليكم جاها ردود مختلفة يا صباح الورد ويا صباح القشطة
وماكانتش عارفة ان شهاب مشي وراها عايز يعرف هي بأنيه قسم ابتسم ورجع طلع مكتبه بالسلالم وهو بيضحك بخبث وفكرة جريئة بتخطر في باله
بعد تقريبا ما عدا نص الدوام جه الساعي وطلب حضور قسم الهندسة لاجتماع طارئ وكانت ورد نسيت الموقف الي حصل مع المدير وبعد ما دخلت غرفة الاجتماعات اټصدمت وهي بتشوف نظرة شهاب ليها لفت وكانت عايزة تخرج ناداها انتي يا انسة رايحة فين اتلخبطت ووقفت مبلمة مش عارفة تعمل ايه ردت من غير ما تتلفت انا ما انا انا اسفة انا خارجه اهو
صړخ فيها خارجة فين هي وكالة من غير بواب امشي انجري اقعدي فمكانك ولي حساب معاكي بعدين فتحت عيونها پصدمة وافتكرت الي حصل جات بسرعة وقربت منه شوية واتكلمت پخوف انا متاسفة على الي حصل والله ما كنت اقصد
ابتسم من غير ما يبين و هو قاعد بقيمها بعيونه الي زي الصقر هي جميلة جدا لا هي صاروخ والواضح انها غبية بتصرفاتها وذكية بردات الفعل بس متهورة وما تتمسكش من طرف دي فعلا مناسبة للي بفكر فيه دا عدا الشبه الكبير مع بعض التعديلات
فضل باصص عليها من غير ما يتكلم وبعدها قال الاجتماع دا عشان عايز افلتر الموظفين الغير كفئ وبصراحة الشغل مش عاجبني وواضح ان في استهتار من قبل الموظفين عشان كده انا جمعتكم بصراحة عدد كبير من غير لازمه ما يلزمنيش وبص لورد باستهتار وورد كانت على اخرها وفهمت هو قصده عليها عشان الي حصل في الاستقبال ما عرفتش تتكلم او تقول اي حاجة مع انها شاطرة في الكلام وبتخرج نفسها من اي زنقة بس بردو ذنبها بالتاخير والخبطة وكدبت انها ما بتشوفش مستحيل يغفرلها الغول كل دا
اتخضت بصريخه وهو بقول ايه يا انسة انت ح تفضلي بصالي كدا امشي اقعدي في مكانك وكمل كلامه بحزم انا حديكم فرصة توروني شغل جديد واهتمام اكتر وانا حاتبعكم بنفسي عشان اعرف التسيب
دا
أيه سببه
والاستهتار من مين اتفضلو على شغلكم
وانتي وقفت ورد بسرعة وقالت بارتجاف افندم مستر شهاب ضحك باستهزاء وقال يعني شيفاني اهو لا وكمان عرفاني
ورايا على مكتبي هزت دمغها زي العيلة الصغيرة وبعد ما مشي قدمها بكل هيبة مشيت وراه و كانت فاتحة ايديها وبتحرك صوابعها وكانها بتصوت لزمايلها وبتهز بشفايفها يمين وشمال وبتشوف زمايلها بينظرولها بحنية وكانهم بواسوها على المصېبة الي حلت على راسها 
الټفت شهاب فجاة وهو حاسس اني في حاجة بتحصل من وراه وشافها
وهي شهقت پخوف وفضلت ايديها مفتوحة على نفس الحركة وشفايفها رايحة يمين بصلها بصة مرعبة والټفت بالكامل ودخل ايديه في جيب بنطلونه وقال بصوت عالي انت مرفودة يا انسة حتى من غير ما عرف اسمك انجري خدي بقية مرتبك ووقعي اوراق استقالتك ومع الف سلامة
نزلت ايديها ونزلت راسها وقالت وباين من صوتها انها مخڼوقة تحت امرك
ما حبتش تترجاه ولا تكلمه ان يسامحها ومشيت بسرعة قدامه وقدام الكل زي الي بتجري مع اول خيط دموع نزل من عينيها ولمحه شهاب
مشيت شوية زي التايهة وهي بتاخد نفس وبتشهق من غير صوت كان شهاب مشي بسرعة بعد ما هزا الموظفين على الموقف والمسخرة الي كانت بتجري من ورا ضهره وان لوشاف حد بيعمل زيها مصيره الطرد
بعد ما خرج وراها وهو متعصب اتصنم مكانه وهو شايفها حاطة ايديها على وشها وكتافها بتهز دليل انها پتبكي وبعد لحظات عدلت جسمها بتلقائية ووقفت عدل مسحت دموعها بقوة ولمت شعرها كويس ولفته كعكة رجعت مسحت الدموع الي نزلت من جديد ومشيت بخطوات سريعة مستعجلة دخلت غرفة مكتبها لمت حاجاتها الشخصية اتلفتت بنظرة اخيرة على مكتبها وعلى مكاتب زميلها وخرجت والدموع مش بتبطل تنزل راحت بسرعة للمحاسب وقفت خدت نفس و خبطت على الباب واتكلمت بصوت خفيف من بعد اذنك انا اتسرحت من عملي عايزة الي يطلعلي من مرتبي واي تعويضات وقال المستر شهاب لازم اوقع على اوراق استقالتي 
هز الموظف راسه وفتح ملفات الموظفين اسم حضرتك ردت ورد 
ورد المغربي
كمل فتح الملفات لغاية ما وصل لاسمها شاف حسابها وخد رزمة فلوس عدهم وحطهم على المكتب وقرب منها اوراق مطبوعة وقلها وقعي هنا وقعت بالفعل على الاوراق وايديها بترجف خد نسخة من الاوراق وضمھا لدسيه وطلب منها تروح لرئيس الشركة يوقع على استقالتها
قالت بتردد هو يعني لازم كدا 
ايوا يا انسة الاجراءات كدا
طيب امري لله وتوجهت ورد للطابق الاخير عند مكتب شهاب لقت السكرتيرة قاعدة بكبر وعجرفة وتقريبا لابسة ملابس لاتليق بفتاة محترمة
حضرتك انا عايزة المدير يوقع على الورقة دي 
نظرت لميا للورقة هي اي دي ردت ورد بحزن استقالتي
اومات لميا طيب استني هنا وقامت من ورا مكتبها واتفاجئت ورد بالجيب القصير الي لابساه شدت لميا الجيب لتحت ع اساس بتتحشم بس مش هاينفع وخبطت ع الباب بشويش سمعت ورد صوت المتكبر

التاني من جوا بيسمح لها بالدخول وبعد شوية خرجت لميا وهي لوية بوزها المستر عايزك تدخليله انتفضت ورد بزعر لا لا مش لازم خلاص ربنا يخليكي خليه يوقع ع الورقة واخد مرتبي وامشي سمعت صوت شهاب من جوا وهو بينده انسة لميا
دخلت بسرعة ايوا يامستر قولي للهانم الي برا لو مش هتدخل مفيش مرتب ولا مكافئة عمل وتتفضل من غير مطرود 
خرجت لميا وهي بتنفخ انت سمعتي
هزت ورد راسها وخدت نفس عميق تهدي بيه ڠضبها ودخلت المكتب ووقفت من غير كلام رفع شهاب راسه عن الورق الي قدامه وفضل باصص لها احتارت من نظراته وقالت حضرتك ياريت تمضي على الاستقالة عشان نخلص 
طيب ولو ما مضيتش تنفست مرة تانية وقالت وليه حضرتك ما تمضيش 
مش انت الي طردتني
عشان انا حالا دلوقت قرات سيرتك الذاتية وعرفت انك بحاجة للشغل 
دا اولا ثانيا بقا لانك موظفة مجتهدة في شغلك وليكي فضل بانجاز مشروعين ديكور ناجحين وانا بصراحة مش مستغني عن موظفة كفؤ زيك 
فرحت بداخلها من مدحه لشغلها بس عرق النسا نأح عندها 
بس حضرتك انا ماعدتش عايزة الوظيفة دي ياريت توقعلي علشان الحق ادور على وظيفة تانية اتنهد بصبر ورجع بص عليها 
تمام يبقى اوقعلك ع الاستقالة ومافيش فلوس
فتحت عيونها پصدمة واتكلمت بحدة
بس دا
حقي
وتعبي ومش محتاجة تعويض من حضرتك بس مرتبي دا حقي وانا بحاجة ليه وانهت كلامها بارجوك
بصلها بصة زي الڼار ووقف ومشي بسرعة ناحيتها اټرعبت منه ورجعت لورى وبسرعة اتخطاها لعند الباب وقفله بالمفتاح رجع وقف قدامها ومسك ايدها جامد بقولك ايه شوية الكرامة دي الي عملتيها مش عندي وصوتك ميعلاش عليا انت فاهمة وشد على ايدها جامد ابتدأت تأن من الۏجع سحبت ايدها منه بعزم انا ما سمحلكش تمسك ايدي ولا تمد ايدك عليا انا خلاص مش عاوزة منك حتى المرتب الله الغني يا بيه يا محترم
الټفت لناحية الباب وعايزة تفتحه وقلبها الضعيف خاېف من الموقف كله وايدها بتترعش كان شهاب سبقها وسحب المفتاح منها اټصدمت من حركته و خاڤت اكتر اتكلمت بصوت بيرجف لو سمحت عايزة اخرج ضحك يمكر ورجع قعد على مكتبه ورفع التلفون واتكلم بټهديد 
يا تقعدي كويس وتسمعيني يا دلوقت حالا ح اتصل بالبوليس واقول انك سړقتي مشروع كبير وبتسربي معلومات لشركات منافسة وحليها بقا لغاية ما يكتشفو الحقيقة تكوني عفنتي بالسجن يا حلوة 
فتحت عيونها پخوف وصدمة واتكلمت بصوت مهزوز كل دا ليه انت عاوز ايه كل دا عشان خبطت فيك يا سيدي ياريتني مت قبل كدا وانا متاسفة واديني حاخرج ومش حتشوف وشي تاني بس سيبني اروح ارجوك
وصړخت باخر الجملة 
ابتسم بشيطنة حلو اوي اقعدي وهدي اعصابك عشان نعرف نتفاهم وتعرفي عايز منك ايه
قعدت على طرف الكرسي وبتبرق بعنيها الي بتلمع من الدموع وقالت اتفضل حضرتك قول انت عايز ايه
اتنهد شوية وكمل في وحدة قريبة ليا اسمها دعاء تبقى بنت عمي واختفت بظروف غامضة الي كان واضح لينا انها هربت بس لا الحكاية مش كده الحقيقة انها اتخطفت بس الي خطڤها كان عاوز يوهمنا انها هربت وبارادتها والكلام دا من سنتين تقريبا المهم جدي دخل بحالة اكتئاب وصحته ادهورت جدا لحبه الشديد لبنت ابنه المټوفي والي هي اتربت على ايديه بعد ۏفاة اهلها
تماسكت ورد وقالت طيب وانا اي دخلني في القصة المحزنة دي ارجوك مش عايزة اسمع

خصوصيات عيلتك انا عايزة توقع على استقالتي واخد مرتبي وامشي
صړخ فيها صوت انكتمي خالص مش عايز اسمع صوتك لغاية مخلص كلامي سكتت ودموعها نزلت على خدها استغفر الله بنفسه 
وفتح درج مكتبه وطلع منه صور ادهملها وهي مسكتهم وصوابعها بتترعش مسكت اول صورة لراجل عجوز باين الطيبة والحنان بوشه بصت ع التانية فتحت عينها على الاخر وشهقت
الجزء الثاني
قراءة ممتعة
فتح درج المكتب وطلع منه صور اداهم ليها مسكت الصور وابتدت تتفرج صورة راجل عجوز وشه سموح وباين الحزن فعنيه وبعدها صورة بنت بحلقت ورد بالصورة وشهقت بخضة
بدلت نظراتها بين شهاب والصورة 
مش معقول انت ازاي خدت صورتي ولعبت فيها ع الفوتو شوب
ابتسم بحزن وكمل شفتي بنفسك اهو دي مش انتي دي بنت عمي المخطۏفة وانا عايز مساعدتك في البيت عندي ع اساس انتي دعاء وتمثلي الدور على جدي زي ما مثلتي انك عميا لغاية ما يسترد عافيته وانا حديكي مبلغ ما تحلميش فيه جدي تعبان قوي وعنده القلب والاعمار بيد الله انا كل الي عاوزه تظهري بحياة جدي ع اساس انك دعاء لغاية ما يوافق يسافر يعمل العملية الي رافض بشكل قاطع انه يعملها عشان حاسس بالذنب انه ما حافظش على بنت ابنه وبعد ما نسافر تكلميه ع التلفون لفترة ما يتحسن وخلاص تكون مهمتك انتهت والمبلغ الي حاديهولك مش قليل تقدري تفتحي بيه مشروع صغير ها قولتي ايه
وقفت وقالت بصوت واثق متأسفة انا مقدرش العب بمشاعر رجل كبير بالسن دا اولا
ثانيا دا انتحال شخصية افرض جدك عرف دا مش بعيد يدخلني السچن ع اساس اني ڼصابة لا ارجوك يفتح الله انا برفض
ابتسم بكسرة قلب هو حقيقي خاېف على جده ومش متعود يترجا حد وما قدامهوش غير ان يضغط عليها
وقف وقال تمام وانا مضطر اتصل دلوقت بالبوليس واتهمك زور بالسړقة فقدامك حلين يا تتحبسي من دلوقت يا تنفذي طلبي وانتي اهو ممثلة بارعة ولا نسيتي التمثلية الي عملتيها قدام الاسانسير دنا صدقتك اختاري يا حلوة عاوز جواب حالا يا تتحبسي وتنضرب سمعتك يا
تمثلي وتنقذي حياة راجل كبير مجروح قلبه على حفيدته وتاخدي مبلغ ما تحلميش بيه
ما قدرتش تمسك نفسها اكتر من كده والضغط بيزيد عليها 
ارجوك افهمني دي قصة خطېرة اكتر من تهديدك وبعدين انا بدرس وسنة اخيرة كمان وعندي جدتي مريضة ما قدرش اسيبها لوحدها ارجوك اعفيني وسبني اروح الله لا يسيئك 
فتح بقه واتكلم بحزم تمام اتفضلي مش حاضغط عليكي وما تنسيش ان كان قدامك فرصة ما تحلميش بيها وانقاذ حياة انسان لو ماټ ذنبه برقبتك
ونزل راسه على الورق اخرجي حالا وروحي استلمي مرتبك والتعويض 
وقفت ومشيت من غير ما تقول حاجة وسرحت بخيالها وهي بتفكر وراحت للمحاسب خدت الفلوس وطلعت من الشركة كلها ودموعها بتلمع في عيونها مشيت للبيت بعد ما دخلت وشافت جدتها المړيضة قعدت جنبها حضنتها پخوف واتكلمت تيته عايزة اخد رايك بحاجة وقالت لجدتها كل السيرة 
ابتسمت جدتها وقالت بصوتها الحنين الي ببين مدى عمرها الكبير وحكمتها ياااه الدنيا صغيرة قد ايه روحي يا بنتي روحي ياورد واعملي الي يمليه عليكي ضميرك انا عارفة قد ايه قلبك طيب واذا كان عليا انتي تجي تشقري عليا كل يوم يومين كدا
وقفت ورد واتنهدت وقالت مش عارفة يا تيته مش عارفة عايزة افكر الاول بعدين اقرر ومشيت لاوضتها والف حاجة بټضرب بنفوخها وبعد تفكير استقرت انها توافق بس بشروط هي الي تحطها لصالحها
اتصلت بالشركة وطلبت مكتب المدير وبعد طول انتظار سمعت صوته الرخيم وهو بقول ايوا مين
اترددت شوية بعدين قالت بحسم انا موافقة على طلبك بس عندي شروط
ابتسم بانتصار كويس طب تعالي عندي لان في حاجات لازم تعرفيها
تمام قالت وهي بتوقف عشان تلبس وتروح ليه
بعد شوية كانت وصلت واول ما شفتها السكرتيرة لوت بوزها وقالت خير انتي مش اترفدتي عايزة ايه تاني
ابتسمت ورد وقالت مستر شهاب مستنيني ياريت تديه خبر
اتفاجئت السكرتيرة وقالت لها مستنيكي انتي غريبة وقفت ودخلت عند شهاب وخرجت وهي بتقلها اتفضلي 
نظرت ورد ليها وللبسها وقالت متشكرة
ودخلت للمكتب سمعت صوته بقول ياريت تقفلي الباب وراكي ولا الك استني ونادى على السكرتيرة دخلت ليه ابتسم لورد وقال قهوتك ايه 
رفعت ورد اكتافها بفخر ع معملته المحترمة قدام السكرتيرة وقالت سادة بعد اذنك
ابتسم وقال للميا اتنين قهوة سادة ووقف ولف عن مكتبه وقعد ع الكنبة وقال لورد اتفضلي يا ورد
شاف لميا فاتحة بقها ومستغربة تصرفه نده عليها لميا اتفضلي جيبي القهوة ومش عايز ازعاج ابدا لغاية ما اخلص كلام
مع الانسة ورد خرجت لميا والف علامة استفهام بدور بدماغها
قال شهاب باريحية ها ازيك دلوقت 
الحمد لله تمام
المهم فكرتي كويس في العرض الي قولتهولك
فركت ايديها ببعضهم اتنهدت وقالت ايوا انا موفقة بس زي ما قلتلك عندي شروط
دخلت لميا والتنين وقفو عن الكلام لغاية ما خرجت واتكلم شهاب بهمس الكلام في الموضوع دا يفضل سر ما بينا يا ورد وخصوصي الاشكال الي من نوع لميا انا مش عايز شوشرة او حد يوصل لجدي الحقيقة
اطمن سيادتك محدش حايعرف اتفقنا المهم اول شرط ليا جدتي تروح معايا مطرح ماروح لاني ماقدرش اسيبها
ثانيا انا مش عايزة فلوس لعمل انساني يخص رجل كبير بحاجة الحنان
انا حا اعتبر نفسي لسا موظفة بالشركة عندك ودي وظيفتي الجديدة بنفس المرتب وطبعا تتلغي استقالتي
وثالثا انا معرفش قريبة حضرتك بتدرس ايه او عمرها كام يعني باختصار انا السنة دي تخرج ولازم اكمل دراستي مش حوقف تحت اي ظرف تبقا انت تظبط الحكاية دي مع جد حضرتك بمعرفتك
ابتسم وقال تمام بالنسبة لجدتك تشرف اهلا وسهلا واهي تتسلا مع جدي وجايز نجوزهم لبعض وضحك بسعادة 
وورد انبهرت بضحكته الجميلة واستغربت ان هو بيعرف يضحك زي البني ادمين 
كمل وبالنسبة لوظيفتك انتي مازلتي على راس عملك مع تغير موقعك لان اصلا ما قبلتش استقالتك وبالنسبة لدراستك دعاء كانت بتدرس زيك هندسة ديكور وبنفس العمر بتاعك تقريبا نبقا خالصين كدا اي شروط تانية
ابتسمت وقالت لا كدا تمام 
كمل شهاب واما من ناحية الفلوس مرتبك زي ما هو لكن انا قلت حديكي مبلغ ما 
ودا مش حايتغير ومفيش نقاش بالموضوع دا 
اتنرفزت ورد وقالت انا اي نعم بحاجة لفلوس اضافي لكن انا حامثل التمثيلية دي بداعي الانسانية
عشان ربنا اولا وعشان تيته ربنا يعافيها ويحفظهالي بعملي دا
ابتسم وقال خلاص يبقى عملك لوجه الله والفلوس هدية مني لمساعدتك ليا فعلاج جدي
دلوقت ندخل على المهم عايز احكيلك عن ادق التفاصيل بالنسبة لدعاء وتصرفتها وطريقة كلامها وعاداتها يعني كل كبيرة وصغيرة غير كدا في ناس ليهم مصلحة
ان دعاء تفضل مختفية عشان كدا لازم تاخدي احتياطك كويس وتتقني دور دعاء يعني مش عايزهم يمسكو غلطة وحدة عليكي يقدرو يشككو فيها انت فهماني وابتدا يوريها صور العيلة والناس الي بتخص حياة جده والي بزروهم
و مشي للمكتب حمل الاب توب ورجع قعد قدام ورد 
فتح اللاب توب على فيديوهات حفلات لعيد ميلاد دعاء ورحل وتصيف للعيلة ومين كان قريب منها ومين تاخد حزرها منهم 
بعد تلات ساعات قفل اللاب ورجع بضهرو للكنبة واتنهد براحة احنا دلوقت قطعنا نص الطريق فاضل تدرسي طباع دعاء كويس ونجرب كم تجربة عملي كدا وبعدين 
حا ظهرك قدام الكل واه خلي بالك الشركة دي ما تعتبيهاش ابدا لغاية المهمة ما تم انتي تنشري خبر بسفرك عشان ماحدش يشك باختفائك تمام ابتسمت بتوتر وقالت تمام كدا قام بجسمه الرياضي ورجع ضهره لورى علامة التعب ومشي بخطوات واثقة فتح درج المكتب وخرج منه لاب توب لونه بينك عليه نفس الي شافته
اتنهد بحزن وقال دا لاب توب دعاء وعليه كل الي شفتيه عايزك تعتبري الموجود امتحان زي دراستك كدا واشوفك بعد بومين بس مش هنا ايه رايك اجيلك البيت يكون افضل 
وقفت هي بدورها مسكت اللاب توب بايدين بترجف وقالت تمام كده عن اذن حضرتك بس هاودع زمايلي وقلهم اني حسافر واغير نمرة تلفوني هز راسه علامة الموافقة دخلت اللاب توب في شنطتها ابتسمت بهدوء عكس تصرفتها السابقة الي شافها فيهم سلمت عليه وخرجت وهي تايهة مش عارفة حا تقدر تكمل الموضوع الخطېر دا ولا لا
وكانت شاردة صحيت على صوت لميا
ايه يا انسة دا انتي كنتي ع اساس متعصبة وعايزة تستقيلي ودلوقت خارجة بعد تلات اربع ساعات ومسهمة كنتي بتعملي ايه جوا 
دا لو احد العملا المهمين ما يقعدش مستر شهاب معاه كدا 
ابتسمت ورد بسخرية واتكلمت بتهكم وانتي مالك انتي وعلى فكرة لبسك دا مش حايشد حد ليكي وانا كدا متاكدة انك بتلفتي نظر حد معين وضحكت وهي بتشاور براسها لمكتب شهاب ومشيت بسرعة لمكتبها القديم وسلمت على زمايلها وقالت انها حا تغيب فترة لغاية ما تتخرج وبعدها ترجع تشتغل
هنا وبسرعة خرجت وراحت للبيت وحكت لجدتها كل الي حصل ونفسيتها ارتاحت وبدات بمشوار التدريب عل اقتماس شخصية دعاء حتى بشكلها واستايلها الخاص بيها وفقلبها بتدعي ان الامور تمشي على خير
الجزء الثالث
قراءة ممتعة
في اليوم التالي توجه شهاب لمنزل ورد في حارة شعبية والتفتت جميع الانظار لسيارته الفخمة نزل بكل اناقة وسأل عن بيت الحجة فاطمة استدل على شقتها وطلع الدور التاني خبط على الباب بهدوء وفتحت ورد واټصدمت
ابتسم على صډمتها وقال مساء الخير 
شاف لبسها بمنظر مختلف عن لبسها في الشركة بهدوم البيت وهي لابسة بجامة فضفاضة قديمة وواسعة عليها 
وباينة كانها طفلة صغيرة بهدوم كبار وعاملة شعرها ضفرتين طوال لغاية خصرها ابتسم على شكلها وقال وهي متصنمة قدامه ممكن ادخل 
اتلبكت وقالت اه اه اتفضل حضرتك 
وبعدت عن الباب عشان تفتحلو مجال 
دخل بهدوء وهو ببص على شقتهم المتواضعة وبلف بنظره يتفحصها 
وكان حامل علبة حلويات 
خرجت جدة ورد وشافت شاب وسيم عمره حوالي 30 ولابس هدوم شيك بدلة سودا وقميص تحتهم نفس اللون 
ابتسمت وعرفت هو يبقا مين اتفضل يا بني اهلا وسهلا 
ابتسم ليها وشاف ملامح الطيبة والوقار بوشها مشي ناحيتها وانحنى بنص جسمه عشان يقرب ليها اهلا بيك يا حجة اتفضلي ابتسمت وقالت ليه الغلبة دي يا بني انت شرفتنا ولفت بنظرها لورد حبيبتي انا حاعملكم الشاي 
جريت ورد وقالت لا خليكي انتي يا تيته انا بسرعة كدا احضر الشاي اخدت الحلويات ودخلت واتوجه شهاب هو وماسك ايد الحجة فاطمة بساعدها على المشي لغاية الكنب وقعدها وقعد معاها واتكلمو بالموضوع الي جاي شهاب على شانه اتنهدت بحزن لحالهم الضنا غالي وحزنت اكتر على جد شهاب عشان هي كمان تيته لبنت امورة ولو اتاخرت

شوية بتقلق اش حال اختفت
وبعد شرب القهوة ابتدا شهاب يشرح لورد ادق التفاصيل عن دعاء بتحب ايه وپتكره ايه وازاي بتتصرف 
وتقوم ورد هي ومتحمسة وتقلد تصرفاتها زي ما بيوصفها شهاب وهو يضحك على حركاتها المبتذلة ويرجع يصححلها وهي تنفخ بصبر وترجع تعيد لغاية ما يعجبه واستمرو وقت طويل وما انتبهوش لغاية ما رن تلفون شهاب برقم جده 
اتنهد بتعب وقال ياااه احنا مخدناش بالنا على الوقت فتح الخط واتكلم بحب مع جده القلقان عليه اهلا يا محمد باشا لا اطمن خلاص مسافة السكة يا حبيبي 
قام وقف اه على فكرة دعاء بتنده على جدي محمد باشا بردو ماتنسيش وابتسم واعتذر من جدة ورد على قعدته الطويلة وتأخر الوقت ونزل بسرعة
اتنفست ورد براحة هي وبتقفل الباب وراه وراحت قعدت قدام جدتها عارفة يا تيتة انا على قد مانا خاېفة انا بردو متشوقة بس الي قلقني في الموضوع شخصية دعاء مختلفة كتير عني هي مدلعة كتير وباين انها انانية ومغرورة وانا ما بحبش لا الغرور ولا التكبر ومانيش انانية ولاحتى بحب الدلع الماسخ الي بتعمله دعاء غير كدا هي واضح انها ماعندهاش حواجز وحدود يعني مستهترة بلبسها ودينها وعلاقاتها بأسم الصداقة 
والي واضح اكتر ان مستر شهاب بحبها اوي والي فهمته انها كانت بتستغله لمصالحها الشخصية ايه رأيك يا تيتة 
الټفت لقت جدتها نايمة زعلت جدا عليها وقومتها وخدتها على سريرها تنام براحة باستها من جبينها 
ورجعت هي تكمل دراستها وتحاول تتصرف بطريقة دعاء واسلوبها عشان تتقن الدور كويس وبكدا تكسب الدراسة والتدريب على الشخصية
دخل شهاب مستعجل باس ايد جده وراسه ايه يا جدي انا بقيت راجل لسا بتقلق عليا زي العيل 
ابتسم جده بوهن وقال من حقي يا حبيبي انا بعد اختفاء حفيدتي ماعادش ليا غيرك انت الي طلعت بيك من الدنيا بعد الله يرحمهم والدك وعمك واهي حتى بنته اختفت بقا ماتزعلش مني عشان بخاف عليك 
ربت شهاب على ايد جده بحنان
انا بهزر يا جدي دا انت لو مقلقتش عليا ازعل وقول جدي حبيبي ماعادش بحبني 
بعدين ليه ياجدي ما كلتش انت بكده ما شربتش الدوا كمان لا انا كده ازعل 
نده بصوته على ست كبيرة دادا عزيزة 
جت الدادا عزيزة اهلا يا بني ليه اتاخرت كدا يصح بردو تقلقنا عليك وجدك ومامتك رفضو ياكلو من غيرك 
اتنهد شهاب وقال معلش يا دادا حقكو عليا خلاص خليهم يحضرو العشا لاني مېت من الجوع وهو
طبعا بيكدب لان اكل سندوتش جبنة وعسل من ايد ورد 
ابتسم بفرحة للي جاي وسأل جدو هي عمتي وجوزها ونيفين فين 
لوى الرجل العجوز شفايفه اهو طفح الحيزبون الاكل ما تخافش عليه ما رضيش يستنا و فضلت عمتك سمر ونيفين ونادية دلوقت ينزلو يتعشو معانا هز شهاب راسه وقال معلش يا جدي مصير كل شي يتصلح ما تخافش وتاني مرة اتعشا ما تقلقنيش على صحتك اوعدني يا محمد باشا
ابتسم جده بحنان ليه اوعدك يا حبيبي وانت اوعدني ما تتاخرش تاني
وبعد العشا قاعدين بيشربو القهوة ونظرات نيفين المفضوحة لعشقها لشهاب وهو مش مهتم 
اتكلم مع نادية والدته ماما في موضوع كدا عايز اخد رأيك فيه بس مش دلوقت لأني تعبان جدا بكرى نخرج سوا واحكيلك ابتسمت نادية وفي نفسها يارب ياحبيبي يكون الي في بالي وافرح بيك يا ضنيا دانت حاتعدي التلاتين و نفسي اشوف عيالك 
و راح كل واحد لأوضته وشهاب مسك جده ووداه على اوضته اطمن ان خد الدوا ونيمه وراح لاوضته ياخد شاور ويرتاح وهو فعلا نفسيته مرتاحة خالص للي بخطط ليه
صباحا وصلت رسالة لتلفون شهاب فتح عيونه مستغرب مين الي ممكن يراسله من غير اتصال واتفاجئ باسم ورد فتح الرسالة بسرعة
وضحك من قلبه وهي كاتبة الرسالة باسلوب دعاء المدلع
بتصبح عليه وبتطلب يتقابلو فمكان غير البيت عشان اهل الحتة وعشان جدتها 
وقف واتوجه للحمام وبفكر بالفعل هي عندها حق بس فين لازم نتقابل واكيد لازم في وقت مش متاخر عشان رجعتها اتنهد وقال ربنا يحلها هي بينها ذكية وحاتاخد الشخصية في وقت قليل والباقي تتدرب عليه هي وفي قلب القصر 
ابتسم لما افتكر حركاتها وقال ربنا يستر حوالي العصر التقى شهاب بيها
بشقة صاحبه عمر من ايام الطفولة وزوجته 
وهي انسانة طيبة وعارفة قصة شهاب كلها ومتعاطفة معاه واتأقلمت بسرعة مع ورد الطيبة بعكس دعاء الي كانت مابطقهاش لجل تكبرها ودلعها وياما اتخنقت مع عمر لانها كانت مش بتستريح لنظرات دعاء لعمر 
وبقلب التدريب على الدور استراحت ورد بعد تمارين شاقة بطريقة المشي والحركات عشان تكسب قوام زي دعاء الي كان كل همها جسمها ولياقتها 
ووجود عليا مرات عمر ساعد ورد بوصف دعاء والاشياء الخاصة باريحية اكتر من شهاب الي كان متحفظ بيها مع ورد ...
شربت ورد القهوة وبصت للساعة في ايدها ياااه انا تأخرت قوي استاذن انا بقا 
وقف شهاب وعمر وعليا وقال شهاب استني انا حاوصلك بطريقي 
الټفت عليه لا متشكرة حضرتك انا متعودة مسك ايدها وسحبها معاه وهي بصتله بحدة 
ابتسم وقال اهو دا فشل ذريع اصل دعاء هي الي كانت بتشبط بيا وتمسكني ثم اكمل باستهزاء معلش من بعد اذنك عايزك تستحملي مسكة ايدي استحملي قربي عشان الدور مش اكتر 
اومات بالموافقة 
وكادت ان تذهب استني انا عايز اوصلك وعايز اديكي بطريقنا لبيتك اول درس سواقة فتحت عينيها جامد وليه بقا ان شاء الله 
عبس وشه وقلها ما انا قلتلك ان دعاء بتسوق كويس وبتحب العربيات وكل سنة بجبلها احدث موديل يبقى ازاي انتي مش حاتسوقي عربية ولو حد قلك سوقي مش حا تعرفي احنا لازم مننساش اي تفصيل لاني زي مقلتلك العيون حاتكون كتيرة عليكي وبيستنو غلطة وحدة
هزت براسها ومشيت وقالت تمام كده عن اذنكم مشيت قبله وبقلب العربية ابتدا اول درس ليها يعرفها عن قطع العربية واستخدمها ومانسيش يشغل اغنية اجنبية
ورد بزهق ارجوك يا ريت توطي الصوت انا مش متعودة قالها وهو بيرفع صوته هي ما بتعرفش تسوق ولا تقعد الا كده 
نفخت بضجر وسدت ودنها 
ضحك جامد ووطى الصوت وقال شايف انك زهئتي بسرعة 
ردت بانفعال طيب حااتفق معاك اتفاق 
قال ماشي اتكلمي ونشوف 
هي دعاء بقالها قد ايه مختفية سنتين مش كدة 
هز راسه وقال ايوا
ابتسمت وقالت وهي بتصفق تمام كدة السنتين دول اكيد كل انسان بتتغير عادات في طباعه واكيد دعاء ماكانتش عايشة العيشة الي كانت عايشاها قبل ما تختفي ابتسم وقال ايوا ايوا كملي اما نشوف
زمت شفايفها وقالت خلاص كدة ارجوك بقا تخف عليا شوية من عادات الانسة دعاء يعني اقصد ان هيا ولنفرض عايشة عيشة بسيطة دلوقت اكيد طريقتها ومعاملتها حاتكون اتغيرت وبقت هادية ايه رايك 
قال هو
و بفكر عندك حق معناها خطتنا كلها يتعدل عليها 
ابتسمت بانتصار وقالت ينصر دينك يا شيخ واهم عادة هي الصوت العالي للمسجل والاغاني الاجنبي وطريقة لبسها ودلعها ولمس ايديها لايديك او اين كان ماتحبكهاش بقى 
ضحك من قلبه وهو بشوف بتغير دعاء كلها برفضها لطريقة حياة دعاء واستنكارها ليها وصفن بنفسه قد ايه كان اعمى عن اخطاء دعاء