اسكريبت لست وحدك كامل بقلم الكاتبه ميمي عوالي
المحتويات
.. زى مايكون يعرف حد تصرفاته كده مش مريحة و بيتلكك على كل حاجة و كلها حاجات تافهة مالهاش اى اهمية زى المجلات كده النهاردة
لتظهر معالم الاقتاع على وجه دعاء التى قالت طب و لو ده حصل .. هتعملى ايه
صابرين و هى تمسح على وجهها بحركة رتيبة مش عارفة و مش عارفة لو عملها و اتجوز هيطلقنى و اللا هيسيبنى على ذمته
دعاء بفضول طب و لو عملها انتى موقفك هيبقى ايه هترضى و عادى و اللا رد فعلك هيبقى ايه لازم تبقى واخدة قرار من دلوقتى يا صابرين
صابرين اى واحدة ست مكانى هتثور و تطلب الطلاق عشان كرامتها .. لكن انا .. انا لو عملت كده هروح فين و لمين مانا مرسياكى على القصة و اللى فيها
دعاء و تروحى فين ليه انتى حاضنة و من حقك انتى و ابنك انكم تفضلوا فى بيتكم
صابرين و هنجيب مصاريفنا ازاى
دعاء هو ملزم يكفيكم و يكفى ابنه
صابرين خليكى واقعية يا دعاء الكلام ده عمره ما هيحصل و لا حتى بالقانون
لتسود فترة من الصمت قبل ان تقول دعاء انتى باباكى كان عنده معاش
صابرين ايوة
دعاء خلاص لو لا قدر الله اللى انتى حساه ده طلع صح انتى وقتها من حقك تاخدى معاش باباكى الله يرحمه
صابرين ببارقة امل تصدقى انا كنت ناسية خالص الموضوع ده
صابرين و هى تومئ رأسها بالموافقة عندك حق
دعاء احيانا الواحد لما ذهنه بيبقى مش صافى مابيقدرش يوزن الامور كويس
كان زياد قد صحا من نومه و ابتسم لدعاء ثم نهض من مكانه و اخذ يتجول فى المكان من حولهم حتى امسكته دعاء بمرح و هى تنظر الى عينيه بتركيز و قالت له المدرسة الاسبوع اللى جاى
ليعبس زياد بوجهه و يديره عن دعاء التى مدت كف يدها و أرجعت تواصلهم مرة اخرى و قالت انا جيبتلك هدية انت و ماما عشان انتم الاتنين شطااااار
لينظر زياد الى والدته بفرحة و هو يقول بتهتهة ملحوظة و بشدة ماااا ممما هددددية
لتخرج دعاء من حقيبتها عداد للارقام بالالوان الجذابة ملحق بلوح من الابنوس و برفقتهما قلم خاص سهل المحو و قالت دعاء و هى تتواصل نظريا مع زياد بص يا زياد احنا ممكن نعد هنا على البورد ده لما هتروح المدرسة هيبقى عندكم فى الفصل بورد كبير ليكم كلكم مع بعض لكن البورد ده بتاعك انت و ماما و بس و كمان هجيبلك بورد اكبر شوية تبقى تذاكر عليه الكلمات بتاعتك
لتقول صابرين بمحبة و امتنان تسلم ايديكى تعبتى حالك
دعاء بصدق كنت بجيب واحد لتسنيم طلبوه منها فى الحضانة فقلت لازم اجيب لزياد كمان
صابرين ربنا مايحرمنيش منك ابدا قول شكرا لطنط يا زياد
لينحنى زياد على وجنة دعاء و يقبلها قائلا ششششكككررا
لتقضى
صابرين لا عمره ما عملها و ساب البيت الا و هو عنده مأمورية شغل و مضطر انه يسافر لها
دعاء بفضول هتكلميه
صابرين بحزم اكيد لا
دعاء و ده بقى عشان كرامتك و اللا بتأدبيه
صابرين و لا ده و لا ده يا دعاء
دعاء طب ما تفهميني
صابرين بتنهيدة حارة عشان مابقاش عندى طاقة يا دعاء .. فهمتى
لتربت دعاء على ذراع صابرين بدعم قائلة انتى عندك طاقة تكفى الدنيا كلها انتى بس محتاجة تشحنى طاقتك
صابرين بسخرية و يا ترى اشحنها ازاى بقى اسافر لى يومين المالديف و اللا هاواى
دعاء خدى زياد و انزلوا كلوا ايس كريم .. ايه رايك ادخلى البسى ياللا انا عزماكم
صابرين دلوقتى
دعاء ااه دلوقتى .. ياللا
صابرين بس انا ما اتعودتش اخرج من غير اذن مجدى
دعاء و كنتى بتستأذنيه ازاى
صابرين يعنى .. كنت ببعتله رسالة على الموبايل بتاعه انى نازلة رايحة المكان الفلانى
دعاء و كان بيرد عليكى
صابرين مش كل مرة بس المهم انى بعرفه انى نازلة و ده اتفاقى معاه من زمان
دعاء خلاص ابعتيله الرسالة عادى جدا و ادخلى البسى و هاتيلى هدوم زياد و انا هساعده يلبس
صابرين بابتسامة فرحة انا نسيت اقول لك انه بقى يعرف يلبس لوحده و مابقاش يرضى يخليني اساعده
لتصفق صابرين بضجة متعمدة لتلفت انتباه زياد اليها و ما ان نظر اليها حتى قالت بتشجيع زياد كبر و بقى يعرف يلبس هدومه لوحده برافو زياد
ليبتسم زياد بفرحة ليستمع الى دعاء و هى تكمل حديثها قائلة انا هكافئك و هنخرج انا و انت و ماما ناكل ايس كريم .. موافق
ليهز زياد رأسه بفرحة طفولية و هو يقول ياااااللاااا
دعاء ماشى .. بس لازم تروح تلبس هدوم الخروج عشان ننزل
ليلتفت زياد الى والدته لتقول له ياللا روح البس
فى ذات الوقت .. كان مجدى يجلس فى احد النوادى بصحبة زميلة له بالعمل تقول له طب و انت ناوى على ايه دلوقتى
مجدى لسه مش عارف الخطوة الجاية هتبقى ايه بالظبط يا هند
هند اكيد الطلاق و اللا انت رجعت فى كلامك من تانى
مجدى مش حكاية رجعت او ما رجعتش انا عاوز افكر فى كل خطوة قبل ما اخطيها
هند انت قلقان من ايه انا مش فاهمة المؤخر مش كبير و لو كان على نفقة الولد انت ممكن تراضيها باى مبلغ تقدر عليه و خلاص و اللا هى طماعة بزيادة و اللا ايه
مجدى بدفاع صابرين طماعة !! لا طبعا .. عمرها
هند بامتعاض و اما انت واثق اوى كده انها مش طماعة .. اومال
هند انت مش بتقول انه اصلا مش حاسس بيك
مجدى ماتنسيش انى مهما ان كان لازم اراعى مشاعر ابنى
مجدى بتردد هو الحقيقة الشهرين اللى فاتوا كان ابتدى يبصلى و انا بتكلم عليه و قاللى بابا مرتين تلاتة صابرين الحقيقة بتتعب جدا معاه و مواظبة على تعليمات الاخصائية بالحرف الواحد لدرجة انها ساعات بتنسى تاكل و الحقيقة تعبها جاب نتيجة حتى النهاردة لما كنت بزعق لصابرين لاحظت ان زياد كان زى ما يكون بيبصلى بزعل و كان عصبى لدرجة انه فطع الصورة اللى بيحبها .. قبل كده كان مهما يحصل حواليه ماكانش بيفرق معاه و لا كان بيحس بحاجة من اساسه
شعرت هند ان مجدى يتحدث عن ولده بتأثر فقالت بسخرية و اما انت متأثر و متعاطف معاهم اوى كده ليه اتخانقت و سيبت البيت
مجدى بانكسار لانى تعبت نفسى اعيش زى الناس الطبيعية نفسى يبقى عندى بيت طبيعى و اعيش زى كل الناس و يبقى عندى ولاد طبيعيين اخرج معاهم و العب معاهم واضحك معاهم .. انا محروم من كل ده
هند برضة ماقلتليش هتعمل ايه معاهم لما نتجوز
و قبل ان يجيبها وصله اشعار برسالة جديدة و عندما فتحها وجد رسالة من صابرين تقول فيها رغم انك زهقت مننا بس احنا مسحوبين مع بعض بسلسلة واحدة و لازم اقول لك قبل ما اتحرك فى اى مكان انا نازلة مع زياد و دعاء نغير جو و ناكل ايس كريم
وما ان فرغ مجدى من قراءة الرسالة حتى اغلق هاتفه مرة اخرى و قال باستياء و انا اللى حامل همها طول اليوم و فاكرها مبهدلة روحها من العياط بسبب اللى حصل
هند بفضول فى ايه
مجدى باعتة تقوللى انهم نازلين ياكلوا ايس كريم و لا اكن فى حاجة حصلت
هند بسخرية و هو انت بقى كنت فاكرها هتقعد تبكى على الاطلال ماحدش بيبكى على حد دلوقتى يا حبيبى كل واحد بيدور على مصلحته و اللى يريحه و بس
مجدى بتردد بس صابرين مش كده
هند بحدة هو انت بقى كل شوية هتقعد تقوللى كده و مش كده
مجدى بمحاباة انا ما اقصدش اضايقك بس برضة ماينفعش انى اتهمها بحاجة انا عارف و متاكد انها مش فيها
هند باستياء قصره .. ناوى على ايه معايا .. انا كمان اهلى بقوا يتضايقوا من خروجى كل يوم و التانى و عاوزين يعرفوا الحدوتة دى اخرتها ايه
مجدى بتردد خلاص .. ممكن تحدديلى معاد مع اخوكى
هند بفضول و الشقة
مجدى فى شقة ايجار جديد عجبتنى كنت عاوزك تشوفيها معايا و لو عجبتك نمضى العقد على طول
هند بامتعاض ايجار جديد .. انت عاوزنا نتجوز فى شقة ايجار جديد و تسيبها هى فاعدة فى تمليك
مجدى مانا ماينفعش اطلعها من الشقة بالولد .. هتروح بيه
هند ايوة بس انت كده دخلك هيروح منه كتير على النفقة بتاعتهم و كمان ايجار الشقة
مجدى ماتقلقيش .. انا عامل حسابى و لو ماكنتش ادها .. ماكنتش ابدا هخطى خطوة زى دى دلوقتى و لا حتى بعد كده
الجزء الثاني
فى مدرسة زياد و فى مكتب الاخصائية الاجتماعية .. كانت صابرين تجلس بقلق و هى تفرك كلتا يديها بقلق بالغ حتى دخلت عليها الاخصائية قائلة سامحينى اتاخرت عليكى
صابرين بلهفة ما يهمكيش يا مدام سامية بس طمنينى الاول ايه الاخبار
سامية احسن الحمدلله .. اهدى ماتقلقيش
صابرين ممكن افهم ايه اللى حصل بالظبط خلاه وصل للعصبية دى كلها
سامية بتعاطف انتى عارفة ان الاطفال فى السن ده بيبقى صعب انك تسيطرى عليهم .. و طبيعى هتلاقى البعض منهم بيتنمروا على بعض باستمرار
صابرين بحزن برضة بيتتريقوا على طريقة كلامة .. مش كده
سامية اوعى تفكرى انهم بيتتريقوا على زياد بس هم بيتتريقوا على الكل صدقينى
صابرين بتنهيدة بس الكل بيعرفوا يدافعوا عن نفسهم بالكلام لكن زياد لسانه مابيسعفهوش و عشان كده ايده على طول سبقاه
سامية بعملية بحتة مش هكدب عليكى المدير كان عاوز يعمل له فصل النهاردة لولا اتنين من زمايله نزلوا لى و قالوا لى ان الولاد التانيبن هم اللى ابتدوا يضايقوا فيه من الاول بس طبعا زياد كان وصل لمرحلة من الغضب ماكانش حد قادر يسيطر عليه و عشان كده كلمتك تيجى بسرعة بعد ما كلمت باباه و قاللى انه مش فاضى
صابرين ياريت اى حاجة بعد كده تكلمينى انا على طول باباه مالهوش اى علاقة بيه
سامية مالوش اى علاقة بيه ازاى مش فاهمة
صابرين بتوضيح احنا منفصلين
سامية و افرضى .. بيفضل برضه هو ولى امره
صابرين بس هو مش عاوز و سابلى كل حاجة تخص زياد
سامية طبعا انا اول مرة اسمع الكلام ده بس طالما الحكاية كده .. فانتى محتاجة تعملى حاجة اسمها ولاية تعليمية
صابرين ليه
سامية لان ببساطة لو حبيتى تاخدى اى اجراء يخص زياد مش هتعرفى لان قانونا باباه هو الوصى عليه و هتبقى متكتفة و اعتقد انه طالما سايبهولك كده بمزاجه و مافيش نزاع عليه .. هيتحكملك بيها على طول
..
فى منزل صابرين كانت دعاء على وشك الانتهاء من جلستها العلاجية مع زياد فقالت له احنا بقينا شطااار خالص يا زياد .. بس عاوزبن نذاكر كويس مع ماما عشان نجيب درجات حلوة
زياد ااااناااا بببببعررررف احلللل لوحدى
دعاء بتشجيع طبعا لازم تعرف تحل لوحدك .. و كمان احنا كبرنا .. و اوعدك
زياد بحماس ووووو
متابعة القراءة
