روايه بعد النهاية كاملة بقلم الكاتبه يسرا جمال
رواية بعد النهاية
الفصل الأول
في مدرج بكلية الطب كانت جالسة منتظرة بدء المحاضرة انتبهت لاهتزاز هاتفها يعلن عن رسالة أرسلت على الواتس آب من نور صديقتها عائشة باركيلي أنا اشتغلت
اتصلت بها لتهنئها قبل بدء المحاضرة
_السلام عليكم و رحمة الله وبركاته
ردت بفرحة وعليكم السلام و رحمة الله وبركاته أنا اشتغلت يا عائشة اشتغلت
_عرفت ياختي خلاص اهدي الف مبروك
_الله يبارك فيكي انتي فاضية
_يعني 5 دقايق أباركلك فيهم قبل ما المحاضرة تبدأ
_تمام
_المهم قوليلي اشتغلتي ايه
نظرت نور بسخافة الى الجوال ثم قالت
_يعني هشتغل سباكة مثلا اشتغلت مهندسة كمبيوتر يا عائشة في شركة تمام كده ولا أعيد كلامي
_ يا بنتي مش قصدي بس انا افتكرتك قبلتي بأي شغلانة حتى لو ملهاش علاقة بمجال دراستك خصوصا انك كلمتيني من كام يوم وكنتي متضايقة وخلاص فكرتي تروحي تشتغلي عند باباكي في المركز
_أنا فعلا فكرت في كده وقررت كمان واشتغلت يوم عنده وكان يوم ذي الزفت ستات داخلة وستات خارجة اللي بتصوت واللي بتولد مكان مربك آخر حاجة
_طب احجزيلي مكان عنده بقى علشان بعد التخرج
_مكانك محجوز ياختي بس خلصي التكليف أول
_انا عارفة اني لازم أتمرمط وبعدين يحنو عليا
_ أدي أخرة الطب
_بس المهم أنجح في الآخر
_ربنا يوفقك
_يارب هكلمك بعدين
_ok سلام
_سلام
نور وعائشة صديقتان من الصغر فقد كانوا جيرانا إلى أن انتقلت نور الى منزل جديد والد نور طبيب ناجح في تخصص نساء وتوليد ويعمل بالمشفى ولديه أيضا مركز طبي لذا فهو مشغول جدا و والدتها ربة منزل وهي وحيدة ليس لديها إخوة لذا تعتبر عائشة أختها
أما عائشة فعائلتها تسكن في احدى القرى الريفية ولولا وجود جدتها من جهة والدتها الراحلة هنا لما انتقلت لدراسة الطب في القاهرة ولما وافق والدها من الأساس والذي كان لايزال يعارض الأمر لولا اصرار جدتها على هذا
فتحت نور هاتفها الخليوي وفتحت تطبيق انستجرام فوجدت دارين صديقتها قامت بإضافة صورتها وهي بمطار القاهرة
فابتسمت قائلة البت دي بتسافر فين كل شوية
____________________________________
ظلت دارين واقفة في المطار لبعض الوقت حتى وجدت شابا طويلا أنيقا تقدم نحوها قائلا
_حمدا لله على السلامة دارين هانم
أجابت بحيرة تعرفني!!
_أنا محمود السواق الجديد
_اه ok هات الشنط
_حاضر يا هانم
التفتت اليه اتفضل امشي قدامي انت الأول
_ميصحش يا هانم
_وانا هعرف العربية منين
_اه ok
ووصلا عند السيارة وفتح لها الباب الخلفي وعندما هم بوضع حقائبها أسقطها فنظرت بعدم رضا لهذا الموقف وقالت
_انت قولتي اسمك محمود صح
رد بقلق آه يا هانم
هزت رأسها إيجابا و ركبت السيارة وهي تشعر بالضيق من هذا السائق وصلت الى الفيلا وضع السائق الحقائب بالداخل وانصرف في هدوء
دارين دادة يا دادة
جاءت علياء مسرعة وبفرحة حمدا لله على السلامة يا بنتي
دارين وهي تشير للشنط طلعي الشنط الأوضة
علياء حاضر
_فين بابا
_في المكتب
اتجهت دارين للمكتب وفتحت الباب
_بونجوووووور
_حمدا لله على السلامة يا حبيبتي
_الله يسلمك انت عندك شغل ولا ايه
_اه عاوزة حاجة
_حاجة بسيطة
_ايه
_السواق الجديد اللي انت جبته ده
_محمود ماله
_شغله مش كويس
_هنجربه أسبوع
_وليه يفضل طالما شغله مش كويس مشيه وخلاص
_وليه نمشيه
_بقولك شغله مش كويس
_طب خلاص يا دارين هيمشي
_وتشوفلي غيره
قال بنفاذ صبر حاضر يا دارين حاجة تانية
قبلته بإبتسامة وحشتني
ابتسم بتلقائية يا سلام
_والله وحشتني
_وانتي كمان وحشتيني
_يلا هسيبك علشان معطلكش
وغادرت فأمسك هاتفه الخليوي واتصل برقم
_الو محمود اطلع على الشركة ومن النهاردة شغلك ليه علاقة بالشركة وبس مفهوم
وأغلق الخط لطالما مر بلحظات ندم فيها على تدليله لدارين وتلك اللحظة من ضمن تلك اللحظات أيضا
دارين صديقة لنور والداها منفصلين منذ كانت صغيرة لديها أخ شقيق يكبرها بعشر سنوات لكن العلاقة بينهم غير جيدة وذلك لعدم تحمل دارين لاي مسؤولية الشئ الذي يثير غضبه ولديها أخ آخر لكنه ليس شقيق فهو من أخ من أمها فقط وهي لا تتواصل معه على الاطلاق بإعتباره أقل منهم وليس من عائلة والدها
____________________________________
فؤاد ايوه يا شريف انت فين
شريف معلش يا عمي انا عارف ان النهاردة معادنا بس معلش حصلي ظرف طارق
فؤاد إيهخير
شريف والدة واحد صاحبي اتوفيت وانا دلوقتي معاه ومش هينفع اسيبه انت فاهم أكيد
فؤاد اه طيب خلاص نأجلها
شريف طيب يا عمي وأسف
فؤاد لا يا ابني ولا يهمك
أغلق شريف الخط والتفت الى فارس الذي كان يحبس دموعه ولا يحتمل تلك الصدمة ربت على كتفه قائلا
_شد حيلك يا فارس
هز رأسه إيجابا ولم يتكلم
شريف طب على الأقل عيط بلاش تكتم جوا نفسك
فارس لم يتكلم بحرف واحد ربما لانه يعرف انه يود الحديث مع شخص آخر
غادر الجميع المقابر ومازال هو وشريف
شريف طب هو عمو ابراهيم فين
فارس بابا في أمريكا ورفض اننا نأجل الدفن
ثم أردف أنا عاوز أكون لوحدي
ونهض مغادرا وركب سيارته وأمسك هاتفه الخليوي واتصل بصديق
شادي الو
فارس الو انت فين يا شادي بكلمك الفترة اللي فاتت مبتردش
شادي معلش يا فارس انشغلت الفترة اللي فاتت انت عارف بقى لسه متخرج وبدور على شغل وبروح مقابلات و ربنا يسهل انت قولي مال صوتك
فارس ماما ماتت يا شادي مش هشوفها تاني خلاص
صدم مما سمع ثم قال بهدوء فارس انت فين اجيلك
فارس انا سايق حاليا ومش عارف اروح فين اصلا
شادي طب اسمع وقف العربية وقولي مكانك وانا اجيلك
فارس قابلني عند الكورنيش
شادي طب انا جايلك حالا
و ركب سيارته وانطلق مسرعا الى فارس
_________________________________
نور ماما انا نازلة اشتري شوية حاجات مش عاوزة حاجة
ريهام لاء يا نور
نور سلام
ريهام اه صحيح
انتبهت نور خير
_ابقي كلمي نسمة بنت خالتك وباركلها هتتخطب
نور بفرحة ايه الأخبار الحلوة دي نسمة جالها عريس وانا لقيت شغل هو النهاردة يوم المفاجاءات ولا ايه هتتخطب امتى
ريهام يمكن بكرا او بعده
نور وليه مقولتليش
ريهام معلش
نور هي الفرحة بتعمل كده
ريهام قصدك الزعل
نور ليه هي هتتخطب لواحد محروق ولا ايه
نظرت اليها بحزم متهزريش يا نور
نور طب في ايه
ريهام هي هتتخطب وانتي لسه يا نور
نور طبيعي يا ماما ما هي أكبر مني لازم تتخطب قبلي
ريهام لا وانتي الصادقة الصغيرين هما اللي بيتخطبوا وجالك عرسان يا نور وبترفضي
نور مش مناسبين يا ماما اعمل ايه
ريهام لا والله!
نور بقولك سبينا من الحوار ده كله وخلينا نفرح بنسمة الاول
صمتت ولم تتحدث غادرت نور تهربا من الحديث معها في هذا الموضوع الذي يزعجها التحدث فيه
_____________________________________
وصل شادي الى فارس فوجده واقفا أمام مياه النيل واضعا يديه في جيب بنطاله وقف شادي الى جواره
_انت كويس
لم يلتفت اليه وتحدث
_كويس اه كويس لكن هي ماتت
شادي الله يرحمها بس مش هينفع تكون ضعيف كده لازم تكون قوي
فارس مش عارف مالي يا شادي مخنوق متضايق وحاسس ان كل حاجة حلوة راحت
شادي طبيعي لما بنخسر انسان غالي علينا بنحس بالخنقة
لم يتحدث فارس فلم يعد لديه كلام كلام لكنه أخيرا أخرج كل ما بداخله بالدموع
شادي شوف يا فارس مريت بنفس المرحلة دي صحيح كان أبويا مش أمي بس خسارة الأب توجع برضو مش هقولك متزعلش علشان مش هينفع بس هقولك خلي الزعل يأخد وقته بس بحكمة وارجع لحياتك الطبيعية تاني
فارس انت عديت ازاي من المرحلة دي يا شادي
شادي يبتسم سألت نفسي ليه بابا يروح مني عشان أمي تسمعني وتقولي استغفر ربنا ربنا ادالك حاجات كتير اوي تقوم تقوله ليه تأخد مني ابويا وقتها كأن الوقت وقف وحسيت وقتها ان ربنا سبلي أمي و رحم والدي من وجعه وقتها قدرت نعم ربنا عليا
صمت فارس
شادي انا واثق انك قوي وهتعدي من المرحلة دي على خير
هز رأسه إيجابا
___________________________________
دارين مش هقدر اوصفلك بجد اللي انا شوفته المكان تحفة يا نور تحفة
نور انتي مبتهمديش أبدا نفسي مرا اشوفك في مكان 10 ايام على بعض
دارين بقعد على فكرة
نور اه ما هو واضح
دارين ما علينا انتي فين
نور في مول بشتري شوية هدوم
دارين ليه مقولتليش اجي معاكي
نور مش بقولك مبتهمديش مبتتعبيش يا بنتي من السفر تقعدي في بيتك شوية
دارين انا غلطانة اني عاوزة اساعدك اصلا
ضحكت نور الف شكر لحنيتك سلام
_سلام
______________________________
وقف أمام المطار بسيارته وبعد وقت قليل ركب الى جواره شخص
باسم مبروك يا عريس
مصطفى ملتفتا اليه لسه الخطوبة بكرا
باسم انا اول واحد بباركلك انت ونسمة
مصطفى ده علشان انت اخو العروسة يعني
باسم وابن خالتك كمان ولا نسيت
مصطفى لاء طبعا
باسم تحب نروح نشوف البدل
مصطفى خليها بكرا انا راجع من السفر تعبان وعاوز أنام
باسم ok
______________________________
في المطبخ كانت تعد الطعام
عائشة الله الله على الريحة يا نونو
هناء يا بنتي انا مش قايلالك لما هجهز الاكل هندهلك بتخرجي من اوضتك ليه
عائشة يعني الحق عليا عاوزة اساعدك
هناء لا ياستي متساعدنيش ركزي في مذاكرتك علشان تتخرجي وتفرحيني بقى
عائشة تبوسها حاضر يا قمر
هناء اه صحيح ابن خالك هيتغدا معانا
عائشة اشمعنى يعني
هناء صعبان عليا يا بنتي ابوه مش مراعيه بعد موت مامته
عائشة لا طبعا معاكي حق
انتبهو لقرع الجرس
هتفت هناء ده أكيد رامي افتحيله عبال ما أخلص اللي في ايدي
أومأت برأسها وذهبت مسرعة وارتدت حجابها ثم فتحت الباب
رامي بمرح ازيك يا دكتورة
عائشة لسه بدري على الكلمة دي اوي
رامي ليه انتي مش في سنة خامسة تقريبا
عائشة رابعة يا أستاذ
رامي اه معلش اتلخبطت في العد بقى
عائشة طب ادخل يا سخيف
رامي بقول ايه قبل ما ادخل العزومة دي لو هتقلب نكد وذكريات لبابا وماما امشي من دلوقتي
عائشة مسألتهاش بس ميتهيقليش تعملها ادخل ادخل يلا
دخل رامي وجلسوا لتناول الطعام معا كان يتجنب أن يفتتح أي حديث مع جدته لطالما كانت أحاديثها تريه الجانب السلبي الذي في حياته على الرغم من اصراره على مشاهدة الجانب الإيجابي لذلك تعمد مشاكسة عائشة طوال الوقت كي يثبت لها كما يفعل دائما أنه بخير حتى بعد وفاة والدته وانشغال والده ____________________________
في صباح اليوم التالي استيقظت نسمة على رنين هاتفها الخليوي
نسمة بنعاس الو
نور سمعت ان في واحدة هتتخطب
ابتسمت وأنا سمعت ان في واحدة مبتسألش
نور لا لا كده أزعل منك كنت بكلمك كتير
نسمة أيام الكلية وبعد كده بطلتي
نور اتخرجت وكنت بدور على شغل
نسمة ربنا يوفقك
نور ما هو وفقني والحمد لله لقيت شغل في شركة كويسة كمان
نسمة طب الحمد لله
نور ما هي الأخبار الحلوة بتيجي مع بعضها أنا ألاقي شغل وانتي تتخطبي مبروك يا نسومتي
نسمة الله يبارك فيكي يا حبيبتي
نور اه صحيح مين عريسك المجهول
نسمة مصطفى
نور بدهشة مصطفى مصطفى
نسمة يعني ايه
نور مصطفى ابن خالتو نورهان
نسمة اه ليه
نور لاء أبدا متفاجئة بس
نسمة ليه يعني
نور متوقعتش حد من العائلة
نسمة ok هي الساعة كام
نور 8 وراكي حاجة
جلست على الفراش هستعد علشان اروح الشغل
نور وانا كمان مش عاوزة اروح اول يوم متأخرة
نسمة طيب سلام
نور سلام
وأغلقت الخط ونهضت وغادرت غرفتها متجهة الى الحمام
سامية صباح النور يا نسمة
نسمة صباح النور يا ماما آمال باسم فين
سامية يمكن لسه نايم
نسمة طب صحيه علشان يلحق يجهز ويصلي ويفطر بسرعة علشان يوديني الشغل
سامية شغل ايه والنهاردة خطوبتك
نسمة وفيها ايه
سامية ايه اللي فيها ايه اتصلي خودي اجازة واجهزي لخطوبتك
نسمة الخطوبة بليل وانا هاجي العصر يعني ألحق أجهز وزيادة
سامية وايه لزمة الشغل النهاردة
نسمة ماما شغلي ده مستقبلي ماشي صحي باسم بقى
سامية صحيه انتي بقى
نسمة طيب يا ماما ومالوا
دخلت اليه باسم يلا اصحى علش
فوجئت انه مستيقظ غير نائم
نسمة انت صاحي
باسم اه عاوزة حاجة يا نسوم
نسمة انت صاحي من امتى
باسم من الساعة 4 الفجر
نسمة ايه اللي شاغل عقلك وقلقك
باسم بفكر فيكي وفي خطوبتك
نسمة مالها خطوبتي ما كل حاجة جاهزة متشغلش بالك بيا
باسم ده على أساس إن عندي أعز منك
ابتسمت ولا انا عندي اعز منك
انتبهت الى الساعة على الحائط
نسمة يا خبر اتأخرت جامد على الشغل افطر عبال ما أجهز
باسم لا مليش مزاج اجهزي انتي بس وانا هستناكي
نسمة ok
______________________________
بدأ فارس يستعد أمام المرآة فدخل اليه والده
إبراهيم انت صاحي يا فارس
فارس انا تقريبا منمتش حمدا لله على السلامة
واحتضنه
إبراهيم الله يرحمها أخدت مني كتير اوي لما ماتت
فارس بحزن أخدت من كل حد عرفها
هز إبراهيم رأسه إيجابا ثم ابتعد قائلا
إبراهيم طب انت رايح فين
فارس رايح الشغل
إبراهيم بدهشة الشغل!
فارس اه يا بابا انا كويس وهروح الشغل انت هتسافر تاني
إبراهيم يمكن هبقى اقولك قبلها
فارس طيب سلام
إبراهيم سلام !
_________________________
جلسوا يتناولون الفطور معا ودارين منشغلة بمشاهدة بعض الصور على الآيباد الخاص بها
يسمعوا رنين جرس الباب يتبعه دخول شريف
فؤاد كويس انك جيت يا شريف تعالا افطر معانا
شريف بإبتسامة يتقدم صباح الخير
دارين صباح الخير
وجلس معهم
شريف جاهز يا تامر
تامر جاهز هو مش بليل السفر
شريف انا بتأكد انك مش ناسي
تامر لاء اتطمن مش ناسي
فؤاد هتغيبوا
شريف هو يوم يا عمي هعرفه على صاحب الشركة في باريس ونرجع
دارين بإنتباه ايه حكاية باريس دي
تامر بسرعة شغل يا دارين
دارين شغل ايه
تامر وانتي من امتى ليكي في الشغل يا دارين
دارين لا انا مش بتكلم علشان الشغل انا بتكلم علشان انا عاوزة حاجة من باريس طالما انتو رايحين
تامر قولت شغل مش هنكون فاضيين
شريف مفيش مشكلة يا تامر هيكون عندنا وقت
دارين حقيقي يا شريف
شريف اه لو عاوزة حاجة قولي
دارين انا عاوزة شنطة
تامر يضع كأس العصير بغضب على الطاولة
دارين في حاجة يا تامر
تامر كابحا غضبه وعيبها ايه الشنط اللي هنا
دارين شنطة من باريس مش ذي شنطة من هنا
تامر محاولا الهدوء انا شايف ان كله واحد
دارين وانت هتفهم منين في حاجة ذي دي
تامر قصدك اي
فؤاد مقاطعا خلاص يا تامر ابقى هاتلها اللي هي عوزاه
تامر ايه
دارين قاصدة استفزازه ده لو انت مش عاوزني اسافر معاك
غضب تامر والتفت الى شريف خلصت يا شريف نمشي
شريف ينهض اه يلا بينا
تامر تستناني في العربية معلش هجيب حاجة واجي
شريف مفيش مشكلة
ونهض شريف مغادرا
تامر علياااااء
تأتي علياء ايوه يا بيه
تامر في ملف أزرق على مكتبي هاتيه
علياء حاضر يا بيه
وذهبت علياء
تامر لدارين انتي امتى هتكبري وتبطلي التفاهة اللي انتي فيها دي
دارين انت اخر واحد يتكلم معايا اصلا
تامر دارين قوليلي انتي بتعملي ايه مهم في حياتك
دارين لا بعمل كتير وكفايا اصلا اني موجودة في الحياة
تامر لا بجد ده احنا على كده هنتحسد يا فؤاد بيه ان دارين بنفسها عايشة معانا
دارين بغضب تامر بطل
فؤاد خلاص يا تامر
تامر لا مش خلاص
دارين بابا اتصرف مع الانسان ده علشان انا تعبت من وجوده في حياتي
تامر مش قد تعبي
دارين انا امتى ربنا يرحمني منك
تامر يلا اتعصبي ذي العيال الصغيرة ولا اقولك لمي هدومك و روحي عند صفاء هانم ونروح نصالحك تاني يوم
دارين انا مش ه
فؤاد مقاطعا بحدة بس خلاص هتتخانقوا قدامي
دارين ما هو اللي بيضايقني
تامر انا اروح الشركة احسن ما يتحرق دمي من القعدة معاكي يا شيخة
دارين احسن برضو
جاءت علياء واعطته الملف الذي طلبه
تامر بغضب ساعة علشان تجيبي ملف
علياء بإنكسار كنت بدور عليه
غادر تامر الفيلا و تبعه فؤاد
_____________________________
الفصل 2 و
رن هاتفه الخليوي
باسم دارش حبيبي ازيك
مصطفى مش في بينا اتفاق نروح نشوف البدل
باسم اه وانا عند اتفاقي بس انا حاليا في الشغل
مصطفى اه معلش نسيت
باسم اصحى يا مصطفى هو احنا فاضيين ذيك
مصطفى انا اساسا مش فاضي المهم انت هتيجي امتى
باسم هخلص شغلي العصر واجيلك نروح سوا
مصطفى لو مشغول أروح لوحدي عادي
باسم عيب يابني مفيش الكلام ده انا معاك
مصطفي تسلم يا حبيبي
باسم بمرح لا هو مش حبا فيك انا رايح اشتري اصلا
مصطفى اقفل يا رخم
باسم طيب سلام
مصطفى سلام
وأغلق باسم الخط فوجد المدير أمامه
صلاح احنا هنقضيها مكالمات في الشغل ولا ايه
باسم محافظا على هدوءه لا يا فندم
صلاح ركز في شغلك بدل ما تكون النهاية غير سعيدة
باسم ببرود لا ان شاء الله كل النهايات سعيدة
صلاح بغضب شوف شغلك
ابتسم باسم ببرود وغادر صلاح
اقترب كريم بكرسيه من باسم هو لسه مخنوق منك
باسم سيبك منه خلي متغاظ
كريم هو ايه الحكاية بالظبط مخنوق منك كده ليه
باسم علشان معرفش يوصل للي انا وصلتله يا كريم و والده كمان كان بيقول اني احسن موظف عنده
كريم والده كان ارحم منه في الادارة وكان بيعامل الناس كلها كويس
باسم الله يرحمه بقى
كريم الله يرحمه اه صحيح ايه حكاية الخواطر اللي انت بتنزلها على الفيس دي
باسم فضفضة مشاعر
كريم يغمز له بس ايه الكلام الجامد ده
باسم يبتسم متكبرش الموضوع يا كيمو
كريم لا بتكلم جد وعندي اقتراح
باسم ايه
كريم تجمع كل الخواطر في كتاب وتطلق عليه عنوان وتنشره
باسم ما شاء الله أوام عملتني مؤلف
كريم وايه المشكلة
باسم اقفل الموضوع بقى
كريم والله فرصة حلوة اوي
باسم كريم انا مصمم اعلانات مش كاتب
كريم عادي لما المهنتين يبقوا مع بعض مش جريمة هي
باسم بقولك خلينا نشوف شغلنا بدل ما دراكولا ده ييجي ونتهزق ونترفد
كريم انت حر كان اقتراح
باسم واترفض
وأردف وهو يدفع كرسيه كمل بقى شغلك
__________________________
كانت نور تتحدث في الهاتف الخليوي الى دارين
نور مش عارفة هو الشغل تمام بس انا حاسة ان المدير مزاجه مش حلو
دارين تلاقي بس علشان انتي روحتي متأخر
نور دي ربع ساعة بس
دارين احمدي ربنا انها جت على قد المشاعر ومرفدكيش تماما
نور نعم! رفد ليه
دارين يا بنتي بتوصل لاصعب من كده
نور وانتي عرفتي منين وانتي مشتغلتيش اصلا
دارين يا بنتي ما انا عايشة في عالم ال
نور الله يكون في عونك الصراحة الحياة بتاعتك خنيقة
دارين فين الخنقة دي ما انا بتفسح وبعمل كل اللي نفسي فيه هما اللي تاعبين نفسهم
نور سيبك من ده كله انا رايحة أجيب
دارين اكيد طبعا وانتي هتعرفي تختاري فستان عدل
نور غيرت رأيي
دارين خلاص يا بت بهزر
نور طب اعدي عليكي امتى
دارين تعدي على مين يا ماما انا اللي هعدي عليكي وبالسواق كمان علشان منتعبش من اللف
نور ملوش لزوم
دارين لا له لزوم اخلصي اعدي الساعة كام
نور تعالي ناو انا كلها نص ساعة واخلص شغل عبال ما تجهزي وتيجي
دارين اجي على الشركة
نور لا البيت
دارين لا بقولك ايه مش هروح واتلطع هناك قولي امتى بالظبط
نور خلاص هكلمك لما اوصل البيت سلام
دارين سلام
وأغلقت الخط والتفتت الى الآيباد الخاص بها وبدأت تحتسي النسكافيه فوجئت برسالة لها عبر الواتس آب فوجدتها من والدتها فانزعجت كثيرا فهي لا تتحدث الى أمها وترى أن والدتها ظلمتها عندما تزوجت بأخر وأنجبت منه أيضا فتجاهلت رسالتها تماما
________________________________
شادي يجلس يراجع الملفات بسخط فهذا العمل مجهد للغاية كما أن صاحبه لا يتعامل مع الموظفين بإحترام
وبينما كان مشغولا انتفض على هجوم المدير على الغرفة
أخذ نفسا عميقا واستعاد هدوئه خير يا فندم
_في موقع جديد عاوزك تروح تشرف عليه
شادي والملفات اللي معايا مين يشوفها
_جر ايه مش هتعرف تشوفها وانت في الطريق
شادي يا فندم صعب اسوق واشوف الملفات في نفس الوقت
_لا في عربية هتوديك الموقع يلا اتحرك
كتم غيظه ونهض حاضر يا فندم
بدأ يلملم الاوراق
_اقعد ضيع الوقت بقى
شادي يا فندم مش بأخد الأوراق
_ما بسرعة شوية
شادي حاضر
أخذ شادي الأوراق وذهب في غضب واستقل السيارة التي كانت تنتظره
_______________________________
وقفا بإحدى المحلات ينتقون بدلة مناسبة
مصطفى وهو يتأمل نفسه ايه رأيك في دي
باسم جميلة اوي
مصطفى خلاص هخدها
باسم تمام بس اعتبرها هدية مني ليك
مصطفى بإبتسامة ايه المناسبة
باسم المناسبة انك هتخطب اختي الوحيدة
مصطفى بمرح اه رشوة يعني علشان اعاملها كويس
باسم بغضب مصطنع جرب تفكر تضايقها بس الكل هيسمع عن حادث طيارة والكل عاش الا الطيار
مصطفى هههههههه يا مفتري
باسم دي نسمة مش أي حد
مصطفى بمرح اسفين يا صلاح
وأردف بجدية انا هدخل اغير وانت شوف هتشتري ايه علشان نمشي
باسم مفيش حاجة عجباني هنا تعالا نشوف محل غير
مصطفى ماشي
وبعد وقت خرجوا من المحل
في نفس الوقت كانت دارين ونور بإحدى المحلات
دارين والله حلو الفستان اللي كان في المحل التاني
نور لا يا دارين ده لونه يجيب عمى انا شايفة ده كويس
واشارت الى فستان اسود اللون يتوسطه حزام ذهبي
دارين ده فستان تحضري بيه خطوبة
نور يا بنتي الحفلة عائلية يعني اي حاجة تقضي بس انا برضو قولت اشتري
دارين طيب
نور فجأة ايه ده نسمة هنا
دارين نسمة مين
نور بنت خالتي اللي هتتخطب
وذهبت نور لنسمة وتعانقتا
نور بفرحة صدفة جامدة
نسمة اه والله
نور مش تقولي انك جاية علشان اجي معاكي واهو اساعدك تختاري
نسمة لا ياختي متشكرة بتعقد لما بأخد حد معايا اخر مرا اخدت باسم وكرهني في الهدوم كلها
نور ههههههههه
واشارت نور الى دارين لتأتي فأتت دارين
نور مشيرا لدارين دي دارين صحبتي
دارين بإبتسامة بسيطة اهلا
نسمة اه دارين الحكيم اهلا وسهلا
دارين تعرفيني
نسمة اه شركتنا تعاقدت مع شركة والدك قبل كده واتقابلنا قبل كده في حفلة من حفلات الشركة يمكن مش هتفتكريني لانك كنتي مشغولة يومها
دارين اه معلش انا فعلا مش فاكرة
نسمة ولا يهمك تنورينا في الحفلة
دارين لا ما نور قالتلي انها حفلة عائلية وانا مش حابة اتدخل وسطكم
نسمة ايه الكلام ده لاء طبعا تنوري ما تقولي حاجة يا نور
نور هقول ايه بعد كلام العروسة نفسها
نسمة خلاص يا دارين يبقى هتيجي
دارين خلاص ان شاء الله
نسمة تحبوا نكمل تسوق سوا ولا عاوزين تكونوا لوحدكدوا
دارين لاء لوحدنا ايه بنت خالتك كآبتني اصلا بألوانها العجيبة دي
نسمة هي طول عمرها كده
نور الله الله انتو الاتنين عليا ولا ايه
نسمة بمرح الحق ميزعلش
دارين لا ما هو كلمة الحق بتقف في الزور
نور هو مين مصاحب مين بالظبط
دارين ونسمة هههههههههه
_____________________________
كانت السيارة تسير بسرعة في طرق غير ممهدة
شادي براحة شوية
السائق متخافش يا بشمهندش
شادي مش خوف بس مش عارف اشتغل
السائق يبقى ده عيب الطريق مليش دخل
شادي بغضب طب امشي براحة
السائق لا متتعصبش لا انزلك
شادي بغضب تنزل مين يا عم انت
السائق انزلك الله اقعد ساكت بقى صدعتني
شادي بغضب صبرني يا رب
السائق امين
شادي طب الجو حر ممكن تفتح المكيف
السائق بايظ افتح الشباك
شادي يفتح النافذة بإنزعاج وفتحها كذلك السائق ومع السرعة كان الهواء قويا وكان شادي ما يزال يدرس تلك الملفات وفجاءة طارت بعض الأوراق عبر النافذة
صاح شادي اقف بسرعة
اوقف السائق السيارة بسرعة و وضع شادي الأوراق جانبا ونزل بسرعة يلملم الأوراق من الشارع حتى كادت أن تصدمه سيارة
عاد الى السيارة وهو في قمة الغضب وأغلق النافذة ونظر الى السائق
شادي اقفل الشباك
_لا الجو حر
شادي وانت افتكرت من شوية بس انه حر
_بقولك ايه انت بتتكلم كتير ليه
شادي لا والله !!
_هششش خلاص بقى اسكت لحد ما نوصل الموقع وقسما بالله ما مرجعك الشركة تاني
شادي انا اللي قسما بالله ما راكب معاك تاني اخلص وصلني
_ما انا سايق اهو
شادي قدامنا قد ايه
_ساعة ساعتين تلاتة كده يعني
شادي ايوه يعني قد ايه بالظبط
_انت زهقت مني يا هندسة
شادي كلك نظر
_طب تعالا نسلي بعض في الطريق
شادي لا أنا هنام احسن ولما نوصل صحيني
_والشغل يا هندسة
شادي وانت مالك شغلي ولا
شغلك
وحاول شادي النوم وهو في قمة الغضب
____________________________
عاد مازن من الخارج وجد والدته جالسة على الأريكة تقرأ احدى المجلات اقترب منها وقبل رأسها بونجوووور
وسقط على المقعد في تعب
صفاء قول مساء الخير الساعة 8
مازن بتعب مساء الخير
صفاء كنت فين
مازن ما انتي عارفة يا ماما آخر سنة وبنذاكر بقى
صفاء لحد الساعة 8 بليل
مازن لاء
صفاء طب كنت فين
مازن روحت كام مشوار مع أحمد
صفاء طب كنت عوزاك في موضوع
مازن خير
صفاء بإرتباك كلمت دارين او تامر النهاردة
ظهر على ملامحه الضيق لاء
صفاء ليه
مازن قبل ما تسأليني اسأليهم
صفاء يا حبيبي خليك انت البادئ
مازن وليه مش هما
صفاء علشان يعني أص
قاطعها أصل ايه ما تكملي ولا تحبي أكمل انا عنك واقولك ان ولادك بيتكبروا عليا وياريت أعرف ليه بس في يوم من الأيام هثبتلهم اني أحسن منهم كلهم
صفاء ده بدل ما تقولي في يوم من الأيام هتلم الشمل
مازن لو عاوزة تسمعيها أهلا وسهلا بس هكون كداب
صفاء يعني انت مش عاوز تريحني يا مازن
مازن ماما من فضلك مش انا بس اللي مش عاوز اكلمهم هما كمان مش عاوزين يكلموني
صفاء طب لو قولتلك علشان خاطري
مازن هقولك انتي على عيني ورأسي بس هما لاء وبلاش تحطي مشاعري ناحيتك قصاد حاجة ذي دي بلاش نخسر المشاعر اللي بينا
صفاء يعني ده ردك يا مازن
مازن اه يا ماما وعن إذنك هطلع أنام
وصعد الى غرفته بينما هي خانتها الدموع ونزلت
_________________________________
وفي منزل سامية كانت حفلة الخطبة بين أفراد العائلة بإستثناء دارين التي حضرت الحفلة ولم تكن تعجبها أبدا ولكنها ظلت متصنعة الابتسامة
أحضرت نورهان الشبكة وقامت بإلباسها لنسمة
نور لدارين عقبالك يا حبي
دارين نفرح بيكي انتي أول يا بنتي
نور يا ستي انا لسه بدري
دارين ليه ان شاء الله ده انتي قمر
نور مش قصة جمال
دارين آمال عرسان يعني في عندك واحد واقف أهو خوديه
وأشارت برأسها الى باسم
نور ههههههه ده باسم ابن خالتي وذي أخويا بالظبط
دارين سيبك من أخوكي او مش اخوكي كفايا انه ابن خالتك
نور مش فاهمة
دارين طالما ابن خالتك يبقى هيعملك حفلة ذي دي
نور ومالها الحفلة
دارين عبيطة
نور نعم
دارين كان يعملها حفلة في قاعة ولا مطعم
نور ده الفرح بإذن الله
دارين بلامبالاة وانا مالي كان قصدي نصيحة
نور متشكرين ياختي اعملي انتي خطوبتك في باريس لو تحبي
دارين لا باريس ايه انتي مش هترضي تيجي باريس
نور هي دي المشكلة عندك صح
دارين طبعا
نور قومي نبارك للعروسين قومي
دارين يلا
_________________________________
عاد الى المنزل يبدو عليه التعب
سناء بلهفة الحمد لله انك جيت قلقتني عليك كنت فين يا ابني
شادي معلش يا ماما عبال ما لاقيت عربية تأخدني
سناء وعربيتك فين
شادي في الشركة
سناء ليه
شادي يأخذ نفسا عميقا محاولا الهدوء بصي يا ست الكل انا على اخري النهاردة عمال من الصبح اشتغل في ملفات يارتني خلصتها وفوق كده رايح موقع مع سواق يستاهل القتل والموقع اللي روحته العمال فيه مش شايفين شغلهم صح وفوق كده دوغت علشان اروح علشان حلفت مش راكب مع السواق اللي وداني فأنا عاوز أنام بقى علشان أصحى بدري ماشي تصبحي على خير
وتركها واتجه الى غرفته
سناء ربنا يصلح الحال يا ابني
___________________________________
في صباح اليوم التالي
وصل فارس الى الشركة وبينما كان متجها الى مكتبه اصطدم بشخص ما كان يحمل عصيرا فاتسخ قميص الشخص بالعصير
فارس متأسف
الشخص
فارس بغضب في ايه يا أستاذ ما تتكلم بأدب
الشخص بغضب انت مش عارف انت بتكلم مين ولا ايه
فارس بهدوء مش عارف ولا احب اعرف كمان
واتجه فارس الى مكتبه
سمير أستاذ فارس المدير عاوز حضرتك
فارس بخفوت هو اليوم باين من اوله
ذهب فارس الى مكتب المدير طرق الباب ودخل
فارس متصنع الابتسامة صباح الخير يا فندم
عماد صباح النور تعالا يا فارس اقعد
اغلق فارس الباب وجلس
فارس خير يا فندم
عماد خير جدا انا بس حابب أعرفك على ابني
فارس ابن حضرتك
عماد اه
فارس اوي اوي ده شئ يشرفني طبعا
عماد شوف يا فارس هكون صادق معاك انا مش هقولك وليد ابني شاب ممتاز وهايل لاء انا عارف ابني مستهتر ومهمل بس انا عندي أمل تكونوا اصحاب
فارس اكيد يا فندم ده شرف ليا
شعر فارس بالغرابة في الموضوع فلماذا يحدثه عن ابنه بل لماذا يريد صداقة بينهما ما القصة!
رن هاتف عماد الخليوي الو اتأخرت ليه معلش تعالا يلا مش كفايا مروحتش المدرسة النهاردة اغمض عيني افتحها الاقيك قدامي
واغلق الخط مش عارف اعمل ايه مع الولد ده
فارس بإحراج لو هو مش فاضي نشوف معاد غير عادي يا فندم
عماد لا مش فاضي ايه بس ده مش وراه حاجة اصلا
صمت فارس وبعد دقائق سمعوا طرقات على الباب تبعها دخول وليد وفوجئ فارس بأنه الشخص الذي اصطدم به
وليد غير مستوعب وبدا على ملامحه الغضب
عماد اقعد يا وليد واقف ليه
جلس وليد ولم يرفع نظره عن فارس
بينما التفت فارس الى عماد في صدمة ده وليد
عماد اها وليد اعرفك ده فارس احسن واحد عندي هنا في الشركة انسان منضبط في شغله ومتقن لدرجة انه وصل لمركز عالي جدا هنا في شهور قليلة
وليد بسخرية ده أحسن واحد عندك في الشركة!
عماد بحدة وليد اتكلم بأدب
وليد ايه يا بابا ما ده اللي وقع العصير عليا
عماد اكيد ميقصدش وتلاقيك انت اللي كنت ماشي باصص في موبيلك
وليد نعم
يقاطعه عماد خلاص اقفل الموضوع انا متأكد ان فارس مكنش يقصد مش كده يا فارس
فارس ده مؤكد يا فندم
وليد يعني انا اللي غلطان في النهاية مش كده
فارس لا انا اللي غلطان بس انت كمان كلمتني بأسلوب مش كويس
وليد انت هتعلمني اسلوب الكلام
عماد خلاص يا فارس خلاص يا وليد انا جايبكوا اعرفكوا على بعض مكنتش حابب المقابلة بينكوا تكون كده
فارس متأسف يا فندم
ثم وجه كلامه لوليد تشرفنا يا وليد
وليد بسرعة طيب تمام
عماد خلاص يا فارس روح انت شوف شغلك
فارس عن اذنك يا فندم
ونهض فارس واتجه الى مكتبه
انشغل وليد بقميصه الذي اتسخ ونظر اليه بضيق
عماد يعني مكنش في طريقة افضل تعامله بيها
نظروليد لوالده والله بقى انا مودي كده دلوقتي
عماد مودك
وليد اه ولو مش عاوز مني حاجة تانية ياريت تسمحلي امشي
عماد بكرا تروح المدرسة يا وليد وبلاش الاستهتار ده
وليد ربنا يسهل سلام
عماد سلام
وليد لازال بالمرحلة الثانوية بالصف الثاني الثانوي يتغيب كثيرا توفيت والدته عندما كان في عمر الخامسة عشر وعلاقته بوالده غير جيدة فهما لا يتحدثان كثيرا كما أن وليد يرى ان والده لا يفهمه لكن مع ذلك فهو يحب والده كثيرا ويخشى فقدانه
________________________________
كانت دارين تتناول الفطور متأخرا فقد استيقظت متأخرة وفجأة وجدت تامر يجلس ويعطيها كيسا أخذته وفتحته فوجدت حقيبة ذات ذوق رفيع
دارين بفرحة واااو ميرسي يا تامر اول مرا تعمل حاجة تفرحني
تامر مش انا اللي جبتها ده شريف واتكسفت اقوله لاء رجعها
دارين طبعا لازم تتكسف مش معرفك على رجل أعمال كبير يعني شغلك هيكبر صعب تقوله حاجة تضايقه
تامر دارين بلاش نتخانق على الصبح راجع مخنوق اصلا
دارين ليه المقابلة فشلت
تامر انتي عارفة اني مبفشلش في شغلي
دارين لا مكنتش عارفة كويس انك عرفتني
تامر انا عارف اني غلطان اني قاعد بفطر معاكي اصلا
دارين ممكن تفطر في الشركة
تامر بإنفعال علياااء
أتت علياء مسرعة ايوه يا بيه حمدا لله على السلامة
تامر اعمليلي نسكافيه
علياء حاضر يا بيه
تامر وطلعي الشنطة
علياء حاضر يا بيه
دارين وشوفيلي السواق خليه يجهز عربيتي وخودي الشنطة دي طلعيها فوق
علياء حاضر
دارين هقوم اخرج احسن من القعدة معاك
ونهضت
تامر يكون احسن برضو
سناء صباح الخير يا شادي
رد بضيق وتعب صباح الخير
سناء مالك يا حبيبي
شادي مليش يا ماما بس عاوز انام
سناء طب ما تنام شوية ده لسه شوية على الشغل تلحق تنام
شادي مش هينفع لازم انزل الحق اوقف تاكسي ما انا سايب العربية عند الشركة
سناء طيب يا حبيبي استنى اشرب قهوة علشان تفوق وتعرف تشوف شغلك وافطر اي حاجة عبال ما أعملك القهوة
شادي حاضر يا ماما
اخرج هاتفه واتصل بفارس
فارس الو
شادي الو فارس ازيك
فارس الحمد لله انت عامل ايه
شادي تمام الحمد لله
فارس ايه خير في حاجة
شادي لا ابدا بس بقالي مدة مسألتش عليك وانت كمان متصلتش قولت اكلمك اشوفك
فارس اه معلش يا شادي انشغلت بالشغل
شادي ولا يهمك انا كمان انشغلت
فارس بس قولي ايه اخبارك اشتغلت
رد بضيق اه الحمد لله
فارس بإستغراب مالك بتقولها من غير نفس ليه
شادي لا ابدا متشغلش بالك
فارس ده على اساس انك بعد اللي قولته ده فعلا مش هشغل بالي
شادي اصل في شوية مشاكل في الشغل مش مرتاح له ابدا
فارس طب ليه مكلمتنيش اساعدك
شادي متشكر يا فارس انا اصلا في الشغل ده مؤقتا لحد ما أشوف شغل تاني
فارس طب اسمع هبعتلك عنوان تروح عليه دي شركة كويسة جدااا وانا اعرفها روح وانا هبلغهم انك هتروح واعمل مقابلة مش هتخسر حاجة
شادي ايوه يا فارس لكن
قاطعه مفيش لكن ولا حاجة اعمل اللي بقولك عليه اعتبر الشغل التاني جه يا سيدي
قال بإحراج متشكر اوي
فارس بمرح يا عم اشكرني لما يقبلوك اصلا
شادي ههههههههه ايه ده بقى مش هيقبلوني كمان
فارس لو عجبتهم هيقبلوك متنساش الشركة معروفة
شادي تمام
فارس بسرعة معلش يا شادي هقفل دلوقتي علشان عندي اجتماع
شادي تمام شوف شغلك سلام
فارس سلام
واغلق شادي الخط جاءت والدته ووضعت القهوة امامه
سناء انت لسه مفطرتش
شادي هفطر اهو
سناء بقول ايه يا شادي
شادي خير يا ماما
سناء ما بلاش الشغل ده لو صحتك هتتعب
شادي يبتسم بحنان متقلقيش عليا يا ست الكل انا هبقى كويس
سناء يا ابني الاهم صحتك
شادي قولتلك متخافيش عليا انا كويس
سناء ربنا معاك يا ابني
شادي يا رب انا هنزل قبل ما اترفد بقى
سناء والقهوة
شادي هشربها هناك
سناء طيب خود بالك من نفسك
شادي حاضر وانتي كمان سلام
وقبل رأسها بحب
______________________________
جلس فؤاد بمكتبه يباشر عمله وبعد وقت سمع طرقات على الباب
فؤاد اتفضل
دخلت السكرتارية استاذ شريف برا يا فندم
فؤاد خليه يتفضل
دخل شريف صباح الخير يا عمي
فؤاد صباح النور يا شريف تعالا اقعد
وجلس شريف
فؤاد تشرب ايه
شريف ملوش لزوم
فؤاد لاء ازاي لازم تشرب حاجة
شريف خلاص هأخد ليمون
فؤاد سلمى واحد ليمون وواحد قهوة مظبوط
سلمى حاضر يا فندم
وذهبت السكرتارية
فؤاد ها يا شريف ايه سر الزيارة السعيدة
ارتبك شريف هو بابا مقالكش
فؤاد بإنتباه مقاليش ايه
شريف انا كلمته النهاردة الصبح في الموضوع وقالي انه هيكلمك
فؤاد يبقى اكيد نسي قولي انت
ارتبك بشدة هو الموضوع انا عارف انه مفاجاءة ومش عارف بقى هتكون سعيدة ولا حزينة بالنسبالك
قلق فؤاد قول يا شريف متنشفش دمي
شريف بصراحة يا عمي انا جاي بخصوص دارين
فؤاد بإستغراب مالها دارين
استجمع قواه انا جاي طالب ايد دارين على سنة الله و رسوله
تفاجأ فؤاد من الطلب
ودخل الساعي و وضع الليمون والقهوة وانصرف
ارتبك شريف لعدم سماعه رد من عمه
فؤاد يفيق من تفاجئه ويرتشف رشفة من فنجان القهوة ويعيده
فؤاد بص يا شريف انت انسان ممتاز جدا وانت عارف اني بعتبرك ذي تامر وانا عمري ما ألاقي احسن منك طبعا
قلق شريف وبعدين
فؤاد انا مش حابب اديك رد دلوقتي غير لما اشوف رأي دارين بعد كده نبقى نتكلم
شريف ده الطبيعي يا عمي بس في النهاية انت ليك رأي وانا حابب اعرفه
فؤاد انا مش عاوز اقول رأيي غير لما اعرف رأي دارين
قال بأسى ذي ما تحب يا عمي
فؤاد مغيرا الموضوع احكيلي بقى عملتوا ايه في السفرية تامر الندل جه على مكتبه علطول مكلفش نفسه يجيلي يقولي حصل ايه
شريف متصنع الإبتسامة كل خير يا عمي
فؤاد عرفت تامر على رجل الاعمال
شريف اها واندمجوا جدا مع بعض وهيكون في شغل قريب بينهم
فؤاد بمرح قصدك بنا إنت ناسي إن أنا وتامر سوا سوا
شريف لا طبعا مش ناسي
كان فؤاد يلاحظ أن نبرة صوت شريف تغيرت لكنه حقا لا يستطيع أن يعطيه ردا فالموضوع بالنسبة له مشوش بعض الشئ
______________________________
وصلت نور متأخرة إلى عملها لا تدري أهو حظ أم ماذا !
دينا نور المدير طلبك تروحي له أول ما توصلي
نور يا الله بقى أعمل إيه
دينا بتقولي إيه
نور مبقولش
وتركت حقيبتها وإتجهت إلى مكتب المدير طرقت الباب وإستجمعت قواها ودخلت
نور قالولي حضرتك طلبتني
سامر واضح إنك بتحبي التأخير
نور اطلاقا يا فندم
سامر آمال
نور حظ !
سامر بدهشة حظ
نور شعرت بالخجل وصمتت
سامر شوفي يا أنسة نور أنا مبحبش الأسلوب ده وبحترم الصراحة أكتر حاجة في حياتي وبحترم الشخص الملتزم بمواعيده
نور أنا
قاطعها أنا مبحبش الأسف اللي ممنوش فايدة أحب أفعال لا كلام
نور حاضر يافندم
سامر في شركة عندها مشكلة في أجهزة الكمبيوتر وأنا اخترتك تروحي تحلي المشكلة دي
وأكمل بسخرية أصل واضح إنك بتحبي تتفسحي
كتمت نور غيظها منه فهي تعلم أنه يعاقبها بتلك الطريقة بينما كتب هو العنوان وأعطاها الورقة أخذت الورقة وانصرفت في غضب إلى مكتبها وحملت حقيبتها
دينا إيه اللي حصل
نور بغضب مفيش
دينا آمال بتأخدي حاجتك ليه هو رفدك
نور ما تخليكي في حالك يا دينا بقى الله
وانصرفت في غضب
____________________________
عائشة يا بابا انا كويسة
أمين طب خودي بالك من نفسك
عائشة حاضر
أمين تخلصي محاضراتك وعلى البيت فاهمة
عائشة حاضر يا بابا مش معقولة كل يوم نفس الكلام
أمين بغضب مش عاجبك ولا إيه ولا العيشة هناك نسيتك انك هترجعي
