روايه بعد النهاية كاملة بقلم الكاتبه يسرا جمال
المحتويات
جدتك كان زمانك قاعدة جنبه في البلد
عائشة بس في معجزات بتتحقق وانا عاوزة واحدة بس
سما ربنا يرزقك وانا هكرهلك مثلا
عائشة يا رب انا تعبت من التوتر والتفكير
تعلم ان صديقتها محقة وعن اي معجزة تتكلم هي وهل تقبل دنياها تلك المعجزات بل هل تلبي طلبها
________________________________
دخلت دارين المكتب وسط ازعاج
دارين ايه الجنان ده يعني ايه مينفعش ادخل
سميرة يا فندم من فضلك
شريف ينهض خلاص يا سميرة روحي انتي
ذهبت سميرة فجلست دارين في غضب
دارين مش تفهموا اللي بيشتغلوا عند والدك انا مين
شريف ايه يا دارين التصرفات دي هيحصل حاجة لو كنتي استنيتي لما تأخد اذن
دارين شريف اللي بتأخد اذنك علشان تدخلهم دول ناس غيري تمام
وقبل ان يتحدث شريف سمعوا رنين الهاتف
شريف الو خليه يتفضل
وجلس شريف ودخل زياد وجلس
زياد ازيكوا يا عرسان
شريف الحمد لله ازيك يا زياد
زياد الحمد لله
دارين فين الدعاوي
زياد اخود نفسي بس
شريف تشربوا ايه
دارين طب كويس انك افتكرت
نظر اليها بحدة
زياد متجاهلا ما يحدث انا هاخد اي حاجة سقعة
دارين بضيق عصير فواكه
شريف الو حاجة سقعة وعصير فواكه ونيسكافيه
واغلق الخط
اخرج زياد الدعوة واعطاها لدارين
دارين بفرحة واو دي تحفة جامدة جداااااااا
شريف وريني يا دارين
اعطاه زياد دعوة اخرى
نظر اليها بلا اي تعابير
سمعوا طرقات على الباب
شريف اتفضل
دخل الساعي و وضع الطلبات وانصرف
دارين تحفة مش كده يا شريف
شريف كويسة
دارين بذهول كويسة بس
شريف حلوة يا دارين
دارين بس
شريف بضيق تحفة يا دارين كويس كده
دارين لم تجب
زياد هبعتلك الدعاوي النهاردة على الفيلا
دارين بسرعة لا ابعتها لشريف
شريف اعمل بيها ايه
دارين هتبعتها يا شريف للمعازيم ايه صعبة
شريف بحدة دارين
تناول زياد المشروب الغازي وشرب منه وبدأ يتناقش في عدة امور معهم
شريف مين مسؤول عن الأغاني في الفرح
زياد انا مسؤول
شريف طب انا عاوز قائمة باللي هتشغله في الفرح
زياد ليه
شريف من باب الاطلاع وكمان انا مليش في الرقص اوي فعاوز اعرف الاغاني علشان اتدرب عليها
زياد لا مش هينفع انا عاملها مفاجاءة واسأل دارين عن مفاجاءتي
دارين يا شريف حفلات زياد هايلة
زياد وبعدين مش انت بتعرف ترقص سلو
شريف اه بعرف
زياد طب تمام
شريف ايوه بس الرقص الجنان في الحفلة لازم اكون متدرب عليه
دارين لا مش لازم لانه مش هيكون صعب يعني
شريف بإستسلام طيب
زياد استأذن انا بقى علشان الحق اظبط اخر كام حاجة
شريف اتفضل
وذهب زياد
دارين انا كمان ورايا كام حاجة سلام
شريف سلام
وذهبت دارين
شريف في نفسههي برضو مش ملاك علشان متغلطش لازم اكون فاهم ده كويس
خرجت من الشركة رن هاتفها الخليوي
دارين الو
فؤاد حبيبة بابا فين
دارين حبيبتك ايه بقى وانت سايبني من امبارح ومفكرتش تكلمني
فؤاد معرفتش غير النهاردة
دارين متشكرين للاهتمام
فؤاد خلاص بقى يا دارين انتي فين
دارين لا انا زعلانة ومش راجعة الفيلا
فؤاد ولو قولتلك علشان خاطري
دارين هقولك ابنك بيضايقني
فؤاد معلش ده برضو اخوكي
دارين لا مش اخويا ولا حتى ينفع اقول عدوي ده أسوأ
فؤاد بحدة دارين بلاش كلام فارغ
دارين فارغ اسأل البيه عمل فيا ايه امبارح
فؤاد هو مبيقولش حاجة قولي انتي
دارين البيه زقني امبارح ووقعني على الارض ولولا ستر ربنا كان زماني حصلي حاجة
فؤاد انا هربيه بس ارجعي يا دارين وفهميني المشكلة انا لحد دلوقتي مش فاهم ايه اللي خلاكم تتخانقوا
دارين ولا حاجة يا بابا انا كنت اخدت كرت البنك بتاعك علشان كنت عاوزة شوية حاجات ومكنش معايا فلوس وسحبت مبلغ من عندك قام اتخانق معايا
فؤاد وهو عرف منين انك سحبتي مبلغ من عندي
دارين اهي دي المصيبة التانية البيه شكله بيتجسس على الرسايل
فؤاد منهيا الجدال خلاص يا دارين ارجعي الفيلا وانا هعرفه غلطه
دارين مبتسمة بإنتصار طيب ماشي
فؤاد بحب يلا هستناكي على الغدا
دارين هجيب حاجتي واطلع على الفيلا
فؤاد طيب يا حبيبتي سلام
دارين سلام
واغلقت دارين الخط وركبت سيارتها وقالت بإنتصار YES
الفصل 6 و
وصلت الى الفيلا وصعدت فورا الى الغرفة التي اتخذتها مكانا لاقامتها ولملمت اغراضها بسرعة وانصرفت في فرح وعند باب الفيلا اوقفها صوت والدتها
_ماشية يا دارين
لم تلتفت اليها_اه يا ماما عاوزة حاجة
قالت بحزن مرير_لا سلامتك
وغادرت دارين
____________________________________
في منزل هناء على الغداء
وضعت هناء يدها على قلبها
فزعت عائشة انتي كويسة
هناء تحاول ان تخفي تعبها مفيش حاجة أنا تمام متقلقيش عليا
عائشة مقلقش ازاي بس قومي نروح المستشفى ولا اقولك انا هجيب دكتور
هناء تمسك ايديها قولتلك انا كويسة اقعدي عوزاكي
جلست عائشة في قلق في ايه
هناء انتي عارفة مامتك كان نفسها تشوفك حاجة كبيرة اوي وماتت قبل ما تحقق الموضوع ده
عائشة ايه لازمته الكلام ده دلوقتي
هناء اوعي تنسي نفسك وسط انك تحققي حلمها
عائشة انسى نفسي
هناء ايوه يا بنتي انا نفسي افرح بيكي
عائشة ايه الكلام ده يا نونو انتي عارفة رأيي في الموضوع ده كويس اوي وانه مش وقته
هناء يعني ايه مش وقته
عائشة يعني مش وقته ومش بفكر فيه اصلا انا كل همي دلوقتي الكلية والدراسات بعدها وحاملة هم الموضوع ده
هناء وهيحصل حاجة لو الاتنين مع بعض
عائشة ميجوش ويا بعض
هناء مين قال
عائشة تقدري تلاقيلي حد يستحمل اني ابقى مشغولة في دراستي علطول لو تقدري تلاقيه اهلا وسهلا اتجوز النهاردة قبل بكرا
هناء يعني انتي مش هتفضي ابدا من دراستك
عائشة لسه بدري ومعتقدش حد يستحملني
هناء بس انتي محتاجة حد جنبك
عائشة قصدك حد يقيدني ذي ما بابا واهلي كلهم بيعملوا
هناء والدك بيحبك
عائشة كلام او حب انا مش عوزاه
هناء محدش يقدر يعيش من غير اهله
عائشة اكبر كدبة ما انا و رامي اهو كل واحد فينا عايش في ملكوت تاني خاااالص ومرتاحين والله
هناء متقارنيش رامي بيكي على الأقل هو و والده بيتقابلوا ويقعدوا سوا وبنهم كلام
عائشة لو على كده فأحب أطمنك بابا بيكلمني كل يوم يديني محاضرة ونقفل تاني
هناء شوفي انتي بتتكلمي ازاي عنه
عائشة ممكن نقفل الموضوع ده يا نونو بعد اذنك
صمتت هناء ولازالت تشعر بالقلق موقنة تماما انها ان رحلت فتلك المسكينة سينتهي بها الحال كحال والدتها الراحلة في قرى الريف حيث خطأ عمرها الذي ندمت عليه طول حياتها لا تذكر ان والدتها الراحلة قالت لمرة انها سعيدة هناك ولا تريد لحفيدتها نفس النتيجة
________________________________
جلسا يتناولان الغداء
دارين انا خلاص حددت يوم الجمعة الجاية الفرح
فؤاد بفرحة مبروك يا حبيبتي
دخل تامر الى الفيلا وعندما رآها
تامر نورتي يا أميرة كنت عارف اني هاجي الاقيكي
أشاحت دارين بوجهها بعيدا عنه في غضب
فؤاد بغضب لتامر انت ازاي تمد ايدك على اختك وانا على وش الدنيا
تامر يجلس في برود هي اشتكتلك
فؤاد طبعا تشتكيلي امال تشتكي لمين يعني
تامر وقد هم بتناول الطعام اسأل الهانم سحبت كام من حسابك
فؤاد انا ادتها الكرت وانا موافق على اي مبلغ تسحبه
نظر اليه تامر ده في حالة ان المبلغ يخصك
فؤاد بغضب انت اتجننت يا ولد طبعا يخصني دي فلوسي
تامر انا تعبت معاك علشان الشركة تكبر والهانم مش مهتمة وبتتصرف بانعدام للمسؤولية
فؤاد ليك حق يا تامر في الشركة بس ملكش حق في مبلغ في حسابي في البنك ودي آخر مرة تتعامل فيها مع اختك بالطريقة دي فاهم ولا لاء
ألقى السكين بغضب على الطاولة ونهض
فؤاد بغضب مخلصتش كلامي
صعد الى الأعلى ولم يرد
دارين خلاص يا بابا سيبك منه
فؤاد محاولا الهدوء تصرفاته بقيت لا تحتمل
دارين اهدا معلش ربنا يهدي
فؤاد يا رب قوليلي انتي عزمتي مامتك على الفرح
دارين قولتلها بس شكلها مش ناوية تيجي
فؤاد كلميها خليها تيجي
دارين انا مش هتحايل على حد ييجي فرحي لاني اصلا مش محتاجة لحد يحضر فرحي وخصوصا هي
فؤاد دارين دي مامتك
دارين بابا ارجوك بلاش نفتح الموضوع ده
فؤاد بضيق طيب
دارين انا شبعت هقوم علشان ورايا حاجات كتير
فؤاد طيب
ونهضت دارين وانتظر فؤاد حتى صعدت للطابق الثاني ودخل غرفة مكتبه واتصل بصفاء
_الو
تردد للحظات ثم قال ازيك يا صفاء انا فؤاد
صفاء بضيق خير
_فرح دارين يوم الجمعة الجاي
_عرفت
_هتيجي
_فارق معاك تعرف
_انتي عارفة كويس ان
قاطعته انا عارفة انك عاوزني احضر علشان منظرنا قدام الناس لكن انا هحضر علشان ده فرح بنتي حبيبتي
لم يجد رد فأغلق الخط
____________________________________
عادت الى المنزل دخلت الى غرفتها وقبل ان تبدل ثيابها سمعت طرقات على الباب
نسمة ادخل
دخلت سامية وبخفوت مصطفى برا تعالي
نسمة بتوتر ايه اللي جابه
سامية بشك قصدك ايه
نسمة بسرعة لا لا مفيش انا جاية وراكي اهو
سامية لا يلا معايا
وذهبتا سويا الى غرفة الصالون جلست نسمة بجوار باسم على الاريكة
نسمة خير يا مصطفى
مصطفى علطول كده مفيش ازيك
نسمة بنفاذ صبر ازيك يا مصطفى
مصطفى الحمد لله انتي عاملة ايه
نسمة الحمد لله خير ايه سر الزيارة
مصطفى مش المفروض نحدد معاد كتب الكتاب بقى طولنا في الخطوبة دي ده احنا داخلين على سنة
نسمة معلش يا مصطفى انا مش مهيئة نفسيا للجواز دلوقتي
سامية بحدة
باسم يشير لوالدته ان تصمت فصمتت
مصطفى وهتكوني مهيئة امتى
نسمة معرفش ربنا يسهل
مصطفى اخر كلام
نسمة اه اخر كلام
مصطفى ينهض طب عن اذنكم
نسمة وانا كمان عن اذنكم
وذهبت الى غرفتها
سامية بإحراج ما تخليك شوية يا ابني
مصطفى لا يا خالتوا انا كده اتأخرت سلام
وغادر مصطفى سريعا وهو يشعر بالغضب من تصرف نسمة
سامية لباسم عجبك التصرفات دي
باسم اهدي يا ماما اما نفهم ليه مش مستعدة نفسيا للجواز يمكن عندها سبب مقنع
سامية بغضب طيب خلينا نروح نشوف الست هانم مالها
باسم لاء خليكي انتي انا هعرف اتكلم معاها
سامية طيب يا باسم خلصني من الموضوع ده بقى
باسم طيب اهدي
وذهب باسم لغرفة نسمة وطرق الباب
نسمة بنفاذ صبر ادخل
دخل باسم بإبتسامة ممكن شوية من وقتك
نسمة بهدوء اتفضل يا باسم
دخل وأغلق الباب وجلس بجوارها على طرف الفراش وحاوطها بذراعه
_في مشاكل بيتك وبين مصطفى
_لا والله يا باسم مفيش
_آمال ليه يا حبيبتي مش عاوزانا نكتب الكتاب دلوقتي ويبقى في شئ رسمي بينكوا
_يا باسم انتو مستعجلين ليه بس
_يا حبيبتي انتوا داخلين على سنة خطوبة
_معلش يا باسم انا عاوزة شوية وقت
_ما انتي لازم تديني سبب مقنع برضو
تنهدت بتعب انا عندي شوية مشاكل في الشغل
_ايه خير
_حاجات كده انا ملبوخة فيها ومش فايقة اركز في حاجة تانية فخليني اخلص من الحاجات دي اول وبعدين افكر في موضوع الجواز ده
_عاوزة مساعدة
_لا يا باسم انت عارف انا بعرف احل مشاكلي في الشغل
_طيب يا حبيبتي ربنا معاكي
وقبل جبينها تقومي تأكلي
_لا انا هنام شوية
_طيب تصبحي على خير
_وانت من اهله
وتركها وغادر الغرفة وهو لا يشعر بالارتياح ابدا لكن كالعادة تحدث مع والدته بطريقة طبيعية وبث في داخلها الارتياح
_________________________________
في صباح اليوم التالي لاحظ عدم وجودها على مائدة الطعام
مازن ماما فين
كمال مش عاوزة تأكل
مازن ليه
كمال متضايقة
مازن ايه السبب
كمال مقالتش حاجة
مازن طيب انا هطلعلها
صعد مازن الى والدته طرق باب الغرفة وخل فوجدها في الشرفة ذهب و وقف الى جوارها
_صباح النور
ابتسمت بحزن صباح النور مروحتش كليتك ليه
_بلغني انك زعلانة قولت اجي اشوفك
_شكرا يا حبيبي متقلقش عليا انا كويسة روح انت شوف مصلحتك
_اروح وانتي زعلانة
_لا انا مش زعلانة انا كويسة
_يا ماما هو انا غريب علشان تضحكي عليا انتي متضايقة قولي السبب
نظرت الى النيل بلاش اقول حاجة تخلينا نتخانق من بداية اليوم
_هو انا عمري اتخانقت معاكي
نظرت اليه وضحكت بسخرية ثم عاودت النظر للنيل
_في ايه يا ماما
قالت بنفاذ صبر دارين مشيت
_وانا بقول البيت بقى حلو ليه
نظرت اليه في حدة ثم نظرت الى ساعة معصمها
_اتأخرت يا مازن يلا روح شوف مصلحتك
_بصي يا ماما دارين مش اول مرة تيجي وانتي عارفة انها بتيجي تقعد ليلة وتمشي فمتعمليش انك متفاجئة من اللي حصل
قالت منهية الجدال انا عاوزة انام
مازن بحزن انا بحاول ابسطك بس مفيش فايدة
وذهب وتركها
صفاء محدش فيكوا حاسس بيا
_________________________________
طرق باب غرفة تامر وبعد لحظات فتح تامر الباب وقد بدا بملابس المنزل
فؤاد منزلتش تفطر ليه
تامر مليش مزاج افطر مع حد
فؤاد طب غير هدومك بسرعة عندنا اجتماع في الشركة كمان ساعة
تامر مش رايح الشركة النهاردة
فؤاد ليه
تامر تعبان
فؤاد تعبان مالك
تامر من الآخر انا قررت افصل النهاردة من الشغل تمام
فؤاد ده بسبب حوار امبارح
تامر افهمها ذي ما تفهمها
فؤاد يهز رأسه ايجابا طيب يا تامر على راحتك
تامر شكرا عن اذنك
واغلق الباب ومدد على سريره وبعد لحظات سمع ضجيج في الخارج مما زاد من غضبه وبعدها سمع طرقات على الباب
تامر ادخل
دخلت علياء واخذت بعض الملابس
تامر علياء
علياء ايوه يا بيه
تامر هاتيلي فطار هنا
علياء حاضر
تامر وايه الدوشة اللي برا دي
علياء العمال بيطلعوا اوضة دارين الجديدة
تامر يشعر بالغضب ويشير اليها ان تنصرف
وامسك جهاز التحكم الخاص بالتلفاز وبدأ يقلب القنوات وهو يشعر بالغضب فإذا كانت ستتزوج وتنتقل الى بيت آخر فلماذا تكلفهم ترتيب غرفة جديدة
جاءت علياء بعد دقائق و وضعت طعام الفطور وانصرفت حاول تامر ان يصرف الأمر عن تفكيره لكنه لم يستطع فنهض وارتدا جاكيته الرياضي وغادر الغرفة فوجدها تشرف على نقل الأثاث بنفسها ولاحظ ان الأثاث مختلف وجذب انتباهه
لاحظت دارين ذلك فاقتربت منه وقالت بفرحة قاصدة اغاظته
_مش تباركلي جبت اوضة جديدة
قال بعدم فهم ايه لازمتها وانتي هتتجوزي
_هو انا مقولتلكش
عندها نظر اليها في حذر
_انا وشريف هنتجوز هنا في الڤيلا
صدم تامر من كلامها
فقالت هي بقصد اثارة غضبه مفاجاءة مش كده
تركها تامر ودخل الى غرفته وهو في حالة غضب وصدمة فقد كان يعد الايام لزفافها كي يرتاح من وجودها في المنزل وها هي تفاجئه بمكثوها في الڤيلا بعد الزفاف
شعر انه سيفعل بها شيئا ان ظل هنا فبدل ملابسه سريعا وغادر في غضب
كانت دارين تعلم انه لن يقدر على التفوه بكلمة امام الغرباء فهو يهتم كثيرا لسمعة العائلة
عاد عصرا من الخارج وجدها جالسة على الأريكة اقترب منها وقبل رأسها
مازن زعلانة مني
صفاء لا يا حبيبي وازعل منك ليه
مازن حسيت اني ضايقتك الصبح
صفاء هو انا اتضايقت الصراحة
مازن طب اعمل ايه وارضيكي
صفاء انا معزومة على فرح يوم الجمعة وعوزاك تيجي معايا
مازن بس كده من عنيا
صفاء بإبتسامة شكرا يا حبيبي
مازن يعني خلاص مش زعلانة ولا متضايقة
صفاء لا خلاص قوم نتغدا سوا
مازن يلا
____________________________________
مرت الأيام وجاء يوم الزفاف وقدمت نور وبعض الصديقات من الصباح ليكونوا بجوار دارين
دارين ايه رأيكم في الفستان
نور بإعجاب واو تحفة يا دارين
لارا بغيظ كويس
دارين كويس بس
لارا شوفت الاحلى منه
دارين مستحيل ده متصمم مخصوص علشاني من احسن مصمم
لارا مش لايق عليكي اصلا
دارين افندم
نور انسة لارا ده فرح لو عندك كلمة حلوة قوليها لو معندكيش اتفضلي
لارا انتي مين انتي علشان تطرديني اصلا
دارين معاكي حق هي مش من حقها تطردك بس انا بقى من حقي بيتهيقلي انتي عارفة طريق الباب
غضبت لارا وغادرت لتلتفت نور لدارين ايه الناس دي
دارين سيبك منها انا عارفة هي جاية ليه اصلا وسبتها تيجي تحرق دمها واهي مشيت
نور يعني هي جاية تحرق دمها ايه الهيافة دي
دارين بصراحة لو مكانها كنت هعمل نفس الموضوع ده فضول
وكملت ما علينا من كل ده خلينا نركز في تجهيزي عبال ما باقي البنات تيجي
نور لو بالرزالة دي همشي دلوقتي
دارين هههههه لا كويسين متقلقيش
نور المهم مبروك
دارين الله يبارك فيكي مش عارفة متوترة ليه
نور لا مش عاوزين توتر النهاردة ___________________________________
وبدأت الاستعدادات للزفاف وكانت الحديقة مليئة بالزينة الراقية وكانت قمة في الروعة وازدادت روعتها في المساء
في داخل الفيلا استعدت دارين امام المرآة وكانت غاية في الجمال
دارين لصديقاتها شكلي حلو
نور قمر يا دودو
كريمان تأخدي العقل يا دارين
تشعر دارين بالسعادة البالغة لسماعها الثناء على مظهرها
سمعوا طرقات على الباب
دارين اتفضل
دخل فؤاد وانبهر من جمالها
دارين بابا
افاق من شروده هاه
دارين روحت فين
فؤاد يقترب منها ويقبل رأسها مبروك يا حبيبتي
دارين الله يبارك فيك
فؤاد يلا علشان نكتب الكتاب
دارين طيب
خرج فؤاد من الغرفة
دارين لصديقاتها يلا يا بنات هيكتبوا كتابي
وبمجرد ان نطقت تلك الجملة شعرت بإحساس غريب جعل الابتسامة تتلاشى
نور مالك يا دارين
دارين متجاهلة ذلك الشعور وتبتسم لا ابدا انا كويسة يلا بينا
وخرجت دارين وتعلقت بذراع والدها ونزلت بجواره وجلسوا معا وكتبوا الكتاب وكانت دارين وشريف غاية في السعادة
فؤاد طب يلا بقى
شريف اتفضلوا انتو يا عمي كلكم واحنا بعدكم
فؤاد ليه يعني
شريف بضيق تعليمات زياد
فؤاد طيب
وغادر فؤاد وصديقات دارين
عندها امسك شريف بيدي دارين
شريف بفرحة انا النهاردة اسعد انسان في الدنيا كلها
دارين ليه يا شريف ملبستش بدلة بيضا
نظر شريف الى ملابسه ثم نظر اليها
_بتتكلمي في ايه دلوقتي
_ما انت لو بتوريني البدلة اللي هتلبسها وتأخد رأيي بس
_لاحظي يا دارين انك كمان مورتنيش الفستان
_ماله فستاني محدش شافه الا وقال عليه تحفة
_انا كمان بدلتي شيك جدا وبيتهيقلي يا دارين احنا مش جايين النهاردة نتخانق على الموضة واللبس
_طيب يا شريف انسى الكلام ده احنا برضو فرحنا دلوقتي
_طب كويس انك خدتي بالك
_الساعة بقيت 9
نظر الى ساعته وهز رأسه ايجابا
دارين طب يلا
أمسك كفها وابتسم لها وأزيحت ستار على باب الفيلا حسب ترتيبات زياد وبمجرد أن خرجا حتى تعالت الصيحات تبارك لهن واشتغلت احدى الأغنيات وتساقطت عليهم الأزهار
حينها كادت السعادة تقفز من أعينهم
اشتغلت احدى الأغاني الرومانسية ووقف شريف ودارين للرقص معا
____________________________________
وصل السائق أمام الفيلا
صفاء يلا يا مازن وصلنا
نظر مازن ايه ده
صفاء مكان الفرح
مازن فيلا فؤاد الحكيم
صفاء اه ما النهاردة فرح دارين
مازن اه قولتيلي بقى
صفاء قصدك ايه
مازن قصدي ان العائلة دي انا مليش
صفاء برجاء هتسبني لوحدي يا مازن
مازن مقلتيش من الاول ليه
صفاء بدموع علشان عارفة انك مش هتوافق
مازن ولما عارفة اني مش هوافق ليه تخليني اجي بكدبة
صفاء علشان خاطري يا مازن عديها ولو خايف حد يضايقك فمتخافش النهاردة فرح ومحدش هيقدر يكلمك لان
مازن يقاطعها انا مش خايف من حد منهم فاهمة ده
صفاء تصمت وتهز رأسها ايجابا
بعد لحظات يشعر بالاشفاق على حال والدته
مازن ماشي يا ماما يلا ننزل
فرحت كثيرا وغادرا السيارة سويا
بعد انتهاء الرقصة اقترب الجميع ليباركوا لهم اقترب تامر بعد فؤاد وعانق اخته في ابتسامة
_مبروك يا دارين
دارين بإبتسامة بسخرية الله يبارك فيك مبتتغيرش يا تامر لسه بتخاف على شكل العائلة قدام الناس
_بلاش تضايقيني يوم فرحك
وعانق شريف وابتعد عنهم في هدوء فوجد صفاء تتقدم للتهنئة فابتسم في نفسهتوقيت مناسب
جاءت صفاء واحتضنت دارين بفرحة مبروك يا حبيبتي ده اسعد يوم في حياتي
دارين ببرود الله يبارك فيكي
اما مازن فقد فضل الوقوف بعيدا عن كل تلك الاحداث حتى لا ينفجر غضبا
تقدم فارس وبارك لشريف مبروك يا شيكو
شريف انا مش مصدق انك جيت
فارس انا جاي اقعد معاك ساعة واروح انام
شريف مش بقولك مش مصدق
فارس هههههه والله هموت وانام
شريف خلاص انت هتعيط روح نام
فارس لا انا هقعد معاك ده احلى يوم في حياتك
وعانقه
كان الفرح مليئا بالشخصيات المهمة
اشتغلت بعض الأغاني المجنونة لم يستطع شريف ان ينهض لتلك الرقصات لانه لا يجيدها ولم يحب ان يكون مصدر سخرية في يوم كهذا اما دارين فلم تهتم ونهضت للرقص مع صديقاتها مما أغضب شريف جدا حتى انه كاد ان ينهض ويحطم اسطوانات الاغاني تلك
واستمر الحفل الى ساعة متأخرة نهض البعض في نهاية الحفل ليعطي كلمة للعروسان
مر حفل الزفاف ورحل الجميع
جلس تامر على طاولة أمام حوض السباحة
وفي غرفة دارين استعدوا للسفر
دارين يلا يا شيكو علشان نلحق الطيارة
شريف يخرج تذكرتان بفرح خططت لجولة حول العالم هننبسط
دارين ومقولتليش ليه
شريف حبيت اعملهالك مفاجاءة
دارين يا شريف انا حجزت تذكرتين لباريس
شريف كده من
غير ما تقوليلي
دارين ما انا معرفش انك هتحجز
شريف مش مهم طنشي بتوع باريس وخلينا نعمل جولة حول العالم
دارين لا يا شريف انا كان نفسي اوي اقضي شهر العسل بتاعي في باريس اجل انت الجولة حول العالم ويلا علشان منتأخرش
وغادرت الغرفة وعادت ومعها علياء
دارين بالله عليكي يا دادة نزلي الشنط
اقتربت علياء لتحمل الحقائب فأمسك شريف الحقائب
_مين دي اللي تشيل
دارين علياء
شريف ايه الهزار السخيف ده يا دارين انا هشيل روحي انتي يا علياء
ذهبت علياء
دارين هزار فين
شريف ازاي تخلي واحدة ذي دادة علياء تشيل الشنط انتي اتجننتي يا دارين
دارين نعم ليه يعني
شريف تقيل عليها تشيل حاجة ذي دي
دارين انت غريب اوي يا شريف بس ما علينا يلا علشان كده هنتأخر
حمل شريف الحقائب ونزلا و استقلا السيارة الى المطار
___________________________________
في صباح اليوم التالي جلست نسمة تشرب كوبا من النيسكافيه وتتابع شئ ما على الآيباد
استغربت سامية غريبة يعني مروحتيش الشغل النهاردة
نسمة عندي أجازة
سامية مبروك اخيرا
نسمة الله يبارك فيكي
سامية طب كويس قومي روقي معايا الشقة
نسمة ههههههه لا مش هينفع اصلي افتكرت معاد مهم
سامية يا سلام
نسمة بشوف كام حاجة مشغولة
سامية طب طالما انتي اجازة النهاردة انا هعزم نورهان ومصطفى على الغدا
نسمة ليه
سامية نتكلم شوية يا بنتي
نسمة وعلى ايه يا ماما ما بلاش
سامية بشك ليه بلاش
نسمة وقد لاحظت نبرة الشك اعملي اللي يريحك يا ماما
سامية ماشي يا نسمة خلاص هعزمهم
نسمة تظاهرت بالانشغال ولم ترد
__________________________________
في الشركة
تامر الاجتماع كمان 10 دقايق انا بيتهيقلي كل شئ جاهز
فؤاد كأنك متحمس النهاردة او فرحان بزيادة
تامر طبعا مش البيت بقى هادي بعد ما الهانم سافرت
فؤاد عقبال ما افرح بيك انت كمان
نظر اليه في صدمة الموضوع ده انتهى من زمان
ونهض تامر وذهب الى غرفة الاجتماعات وقد حاصرته بعض الذكريات
قابل عمه أشرف
تامر هو انت هنا
أشرف وهو يجلس انت ناسي اني النهاردة هكون شريك رسمي في الشركة
تامر اه صح المفروض العقود هتتمضي النهاردة
أشرف مظبوط
تامر شريف عنده علم
أشرف لا لسه ميعرفش
تامر هو كمان هيكون شريك معانا
أشرف واحنا عملنا كل ده ليه ما هو كله هيروحلهم في الآخر
تامر كأنك طلعتني برا الحسبة
أشرف لاء ازاي ده انت ليك اكبر نصيب لانك مش بس مسؤول عن نصيبك لاء وكمان نصيب دارين
تامر يعني هي دارين بتفهم ايه في البزنس
أشرف عارف بس هي ممكن كمان تقول انها عاوزة جوزها هو اللي يدير نصيبها
تامر كأنك عاوز تقول ان من النهاردة نصيب دارين هيكون تحت تصرف شريف
أشرف ليه لاء مش هو جوزها
تامر جوزها مقولتش حاجة بس انا دايما مسؤول عن نصيبها
أشرف هنشوف لما شريف يرجع
تامر عموما انا مش هموت وادير نصيب دارين ولو شريف عاوزه يبقى شال عني هم كبير
دخل فؤاد كويس انك جيت يا أشرف
أشرف الاجتماع هيبدأ امتى
تامر كمان 5 دقايق
أشرف ممتاز
جلسوا معا بإنتظار بدء الاجتماع
___________________________________
دخل الى الفيلا برفقة صديقه فوجد والداه جالسان على مائدة الطعام
مازن السلام عليكم
كمال وصفاء وعليكم السلام و رحمة الله وبركاته
مازن أحمد معزوم النهاردة على الغدا
صفاء اه ما انت قايلي في التليفون
كمال منور يا ابني
أحمد متشكر انا والله ما كنت حابب اتسبب في اي ازعاج بس مازن هو اللي أصر
مازن نعم يا عنيا
أحمد تنكر
مازن ما انت اللي طلبت أعزمك على الغدا بمناسبة انك اشتغلت
أحمد بس مقولتش عندك في البيت
مازن اقعد يا أحمد بدل ما أطردك
كمال خلاص انتو هتتخانقول يلا روحوا اغسلوا ايديكوا وتعالوا كلوا
وذهب مازن وأحمد وعادا ثم جلسا لتناول الطعام
كمال واشتغلت ازاي يا أحمد وانت لسه مخلصتش كلية
أحمد لا ما انا اشتغلت عند خالي في مركز
كمال مركز ايه
أحمد المركز له علاقة بالتدريب على استخدام الأطراف الصناعية
كمال اها مبروك
أحمد متشكر يا عمي الله يبارك فيك
مازن على كده مرتاح هناك
أحمد جدا الموضوع جميل لان هناك كمان على قد ما تقدر بتحاول ترسم البسمة على وش اي شخص خسر ايده او رجله وبتفهمه انها مش نهاية العالم
مازن لا جميل ربنا معاك
أحمد ومعاك عقبالك
مازن لا لا لا انا مليش في الكلام ده انا عاوز أكون مهندس ديكور كبير ومشهور جداااا
أحمد طب متتبهاش اوي علشان اخرها عجلاتي
مازن عجلاتي في عينك اتكلم على نفسك
أحمد مش بقولك الحقيقة الله
مازن طب يا سيدي متشكر على الصدمة اي خدمة تانية
أحمد طب ما تيجي تشغل وقتك معايا والله الموضوع جميل اوي
مازن انا مشتغلش الا مهندس
أحمد مختلفناش اشغل وقتك ما انا كمان مهندس
مازن لاء وبعدين انا بخطط ازاي أكون اشهر مهندس
كل هذا وصفاء تتابع الحوار بانتباه وقد مر بخاطرها الخوف
كمال معاه حق يا مازن اشغل وقتك
مازن مليش في الكلام ده وبعدين انا عندي حاجات كتير اوي اعملها
أحمد ناوي على الماجستير والدكتوراة
مازن طبعا بلا شك
أحمد اشمعنى ده الموضوع ده صعب
مازن علشان بيقولوا صعب يبقى لازم اثبت اني هتخطاها
صفاء بإرتباك مالك يا مازن بتتكلم كده ليه
مازن بإستغراب ما انا طبيعي اهو يا ماما
صفاء لاء نبرتك اتغيرت
أحمد لا لا هو طول عمره كده
مازن طول عمري ده على أساس انك صاحبي من امتى بقى
أحمد من وانت في بطن مامتك
مازن ده انت طلعت توأمي بقى
أحمد لا انا ذي القمر
مازن قمر ايه هو انا اعمى
أحمد بمرح قمر 14 بس انت طول عمرك عينيك زايغة
ضحك مازن بشدة
أحمد اضحك اضحك بكرا مش هتلاقي ضفري
مازن بضحك يضربه في كتفه اسكت بقى هتوقف اللقمة في زوري
أحمد دراعي يا عم العضلات انت
مازن طبعا البيه بطل يروح الجيم وكرش
أحمد احم احم هو بان عليا
مازن طبعا هو انت همك غير على بطنك
أحمد عموما هي موجعتنيش اوي
مازن طب استنى اما اضرب جامد شوية
وضع أحمد كأس الماء بسرعة ونهض ساحبا جاكيته
_يا سبحان الله الواحد بينسى المواعيد بشكل غير عادي متشكر يا طنط على الأكل عزومة هايلة وسلامو عليكو
واتجه الى الباب
مازن على فكرة انا اللي عزمت مش ماما
أحمد هقابلك في الجيم واعرفك مقامك صبرك عليا بس 3 اسابيع استعيد نشاطي
مازن هههه وبتقولها من بعيد ليه طيب
كمال يا ابني تعالا كمل اكلك ميصحش كده
أحمد متشكر يا عمي شبعت
مازن يلا يا جبان من هنا ههههه
أحمد لولا ان عندي موعد كنت وريتك شغلك
مازن هجيلك والله يا أحمد ههه
رحل احمد مصطنعا الخوف
ومازن يضحك بشدة
كمال كده تقوم صاحبك من على الأكل
مازن يا بابا ده بيستهبل
كمال ولو مينفعش تقومه كده
مازن متقلقش لا زعل ولا اتضايق
صفاء عوزاك بعد الأكل
مازن بلامبالاة حاضر
كمال هو في اسرار في البيت
صفاء لاء طبعا انا بس هتكلم معاه شوية واكيد هقولك في الآخر
كمال بشك طيب
___________________________________
جلسوا لتناول الغداء بدا على نسمة
نورهان مش هنفرح بيكو بقى يا نسمة
نسمة قريب ان شاء الله
نظرت نورهان بضيق لمصطفى
مصطفى قريب امتى
نسمة دماغي مش فيا يا مصطفى مستنية ايميل ضروري
مصطفى وانتي امتى بتكوني مش مشغولة
نسمة حاضر يا مصطفى شوية كده وأرد عليك
سامية خلاص نتفق انا ونورهان ومصطفى
نسمة وانا اللي هتجوز مليش رأي
مصطفى انا ملاحظ انك فاضية للاعتراض بس
نسمة بلاش كلام فاضي يا مصطفى
تسمع صوت جوالها فتمسك به وتبدأ تقرأ الرسالة
مصطفى وقد شعر بالغضب نسمة انا بكلمك
لم تنتبه له
نهض مصطفى يلا يا ماما
نهضت نورهان مؤيدة لموقفه
سامية بإحراج استنوا بس
نورهان ملوش لزوم
باسم بإنفعال نسمة
نظرت اليه في برود ثم الى مصطفى مصطفى ممكن نتقابل النهاردة
مصطفى ليه
نسمة هنتكلم
مصطفى عاوزة تقولي حاجة قوليها دلوقتي
نسمة لا مينفعش هكلمك في موضوع هيريحنا احنا الاتنين
مصطفى ماشي يا نسمة امتى
نسمة ممكن نتعشى سوا
مصطفى تمام
نورهان اما نشوف اخرتها
مصطفى يلا يا ماما
سامية طب كملو اكل
مصطفى لا شكرا يا خالتو خلاص شبعنا
وغادر مصطفى مع نورهان
سامية يعني مش عارفة تكلميه عدل شوية
نسمة من فضلك يا ماما انا هحل الموضوع ده
سامية الصبر من عندك يا رب
ثم انتبهت الى ابنها الذي لم ينطق بحرف من بداية الاجتماع على المائدة الى نهايته
سامية باسم
نظر اليها نعم
سامية مالك من ساعة ما قعدت وانت ساكت
باسم انا اترفدت
شهقت سامية ايه
نسمة ليه
باسم كان في ايدي تصميم المفروض اني خلصته بس اتفاجئت انه اتمسح من على كمبيوتر المكتب قبل ما اسلمه ومكنش معايا نسخ تانية وطبعا خسرت الشركة فلوس وبالتالي اترفدت
نسمة شكلها حكاية متدبرة
باسم انا متأكد من ده بس معنديش دليل
نسمة وهتعمل ايه
باسم ضعت وضاع مستقبلي صعب الاقي شغل ذي اللي كنت فيه
نسمة متيأسش هتلاقي شغل بإذن الله
باسم ربنا يسهل
ثم اردف وهو ينهض انا محتاج اكون لوحدي شويه عن اذنكم
ودخل الى غرفته فرن هاتفه الخليوي
_الو
كريم باسم انت كويس
باسم لا يا كريم انا مش كويس خالص
كريم ليه بس ده قضاء ربنا خليك واثق انه خير
باسم يا كريم انا ضعت عارف يعني ايه اترفد ظلم
ثم أردف بمرارة والم ده طلع احساس صعب اوي
كريم هتتخطى كل ده انا متأكد
باسم انا بقى حاسس اني ضايع ومش هقدر اعمل اي حاجة كل حاجة قفلت في وشي
كريم لا انا مش عاوزك ضعيف كده قولي امتى هتنزل تدور على شغل وانا هنزل معاك
باسم انا محتاج فترة اكون لوحدي
كريم متخليش احساس انك مظلوم يتمكن منك يا باسم
باسم ربنا يسهل سلام
كريم سلام
وأغلق باسم الخط ومدد على سريره في تعب خانته دمعة نزلت على خده دمعة لم يذرفها منذ توفي والده فقد اخذ على نفسه عهدا يومها الا يبكي وان يكون الصخرة القوية التي تمد اخته و والدته بالقوة لكن اليوم يشعر ان تلك الصخرة قد تهشمت من الضغوط والتفكير يحدثه قلبه ان هناك ما هو أسوأ قادم
___________________________________
انهوا طعامهم
رامي خليكي يا حبي هلم انا الحاجة
هناء يا ابني قوم شوف مصلحتك
رامي ودي تيجي برضو يا باشا مكانك
هناء تبتسم ربنا يبارك فيك يا ابني
قام بتوضيب المكان بينما نهضت هي في تعب واتجهت للأريكة وجلست ليأتي مشاركا لها بعد ذلك
رامي ايه يا جميل مش عاوز مني حاجة قبل ما امشي
هناء لا يا حبيبي تسلم
رامي طب همشي انا بقى
وضعت يدها على قلبها في تعب ليقترب منها مذعورا
رامي مالك في ايه
هناء مفيش حاجة كويسة
رامي كويسة ايه لا شكلك تعبان
هناء يا ابني انا كويسة ده تعب بسيط بييجي ويروح علطول
رامي طب معلش مش هنخسر حاجة لما نروح نتطمن عليكي
هناء مش عاوزة يا رامي انا كويسة
رامي هو في ايه انتي مخبية ايه
ارتبكت هناء وصمتت للحظات ثم نظرت في عينيه توعدني متقولش لحد
رامي بقلق مقولش ايه
هناء اوعدني
رامي اوعدك
هناء ولا حتى عائشة
رامي قلقتيني
هناء يا ابني ريحني
رامي اوعدك ولا حتى عائشة
___________________________________
مازن خير يا ماما
صفاء انت وانت بتتكلم النهاردة قصدت كل كلمة قولتها
مازن انهي كلام بالظبط
صفاء انك عاوز تكون مشهور
مازن اه طبعا قصدت
صفاء ومالك مصر عليها اوي كده ليه
مازن علشان اثبت لولاد الحكيم انهم ولا اي حاجة
هنا صدمت صفاء ايه اللهجة دي يا مازن
مازن دي لهجتي من زمان بس انتي مش واخدة بالك
صفاء ليه بقيت كده
مازن ابدا عندي هدف وبحاول اوصله
صفاء هدف ايه بقى
مازن اثبت للعالم اني ممتاز
صفاء بلاش تخاريف وفوق بقى
مازن انا مش بخرف يا ماما انا بتكلم جد
صفاء وانا اللي فاكرة اني خلصت من لعنة الحكيم بتاعت السلطة والفلوس اتاريها لسه موجودة
مازن دي مش لعنة يا ماما الحاجات دي اساسية في الحياة
صفاء شيل الهبل ده من دماغك واوعى اسمعك بتتكلم فيه تاني انت فاهم انت بتقول ايه
مازن انا فاهم يا ماما ومبقتش صغير علشان اسمع الكلام ده
ونهض وصعد الى غرفته
صفاء مازن تعالا هنا انا لسه بتكلم مااااازن
___________________________________
في المساء ذهب كل من باسم ونسمة الى احدى المطاعم للقاء مصطفى
باسم انا هقعد في الطربيزة اللي جنبكم
نسمة طيب
جلست مقابلة لمصطفى
نسمة ازيك
مصطفى تمام وانتي
نسمة تمام
مصطفى ها موضوع ايه
نسمة لا براحة شوية عليا انا لسه جاية اطلبلي حاجة اشربها وبعدين انا قولتلك نتعشى سوا
مصطفى اول مرا تقولي نتعشى وتكوني صادقة
نسمة مصطفى بلاش كلام يعصب بقى
مصطفى طيب يا نسمة شوفي هتأكلي ايه وهطلبهولك لكن انا اتعشيت لاني عملت حسابي انك اتعشيتي
نسمة خلاص يا مصطفى ملوش لزوم بس اطلبلي عصير اشربه
مصطفى طيب
واشار الى النادل لو سمحت واحد عصير فواكه
وذهب النادل
مصطفى هتستني العصير ولا تبدأي
نسمة هبدأ
نظر اليها في انتباه
نسمة انت طبعا عارف ان شغلي مهم جدا بالنسبالي
مصطفى وانتي كمان عارفة رأيي في موضوع الشغل ده كويس اوي انا معنديش مانع انك تشتغلي بالعكس الشغل كويس
نسمة انا مش بتكلمك علشان اعرف رأيك لاني عارفاه ذي ما انت قولت
مصطفى آمال
نسمة انا كان هدفي اني امسك فرع الشركة في أمريكا
مصطفى وبعدين
نسمة بفرحة جتلي الفرصة يا مصطفى قدامي فرصة كويسة اني امسك فرع الشركة في أمريكا بس ده هيستدعي سفري لأمريكا ولازم هقعد هناك فترة لحد طبعا ما انجح او افشل لا قدر الله انا عندي امل كبير اني اكسب واوصل لادارة فرع الشركة المدير نفسه بشرني وقالي اني ممكن اوصل للموضوع ده
جاء العصير فصمتت حتى ذهب العامل ثم أكملت بحماس
_بص يا مصطفى انا قررت اني اسافر بس طبعا مش هسيب موضوعنا متعلق كده مش هينفع
ثم ارتشفت القليل من العصير واكملت
_انا قررت نكتب الكتاب واسافر بعدها أمريكا تمام
مصطفى صامت شابك يديه معا ووجهه خالي من اي تعابير
نسمة انت ساكت ليه
مصطفى هو انتي مستنية مني رد
نسمة اكيد
مصطفى اصل كل كلامك ميوحيش بكده كل كلامك انا قررت انا قررت وكأنك بتقوليلي كلامك مش مهم
نسمة لا طبعا مقصدش كده
مصطفى آمال
نسمة عاوزة اسمع رأيك
مصطفى عاوزة رأيي بجد
نسمة اكيد
يتبع
الفصل 8 و
مصطفى رأيي في ايه يا نسمة ها رأيي في ايه في انك عاوزة تسافري وتحققي كل اللي نفسك فيه ومش مهم انا
نسمة انا مقولتش كده
مصطفى اه صح مقولتيش تحبي اكمل الكلام اللي كنتي هتقوليه يا نسمة اسمعي بقى تعالى نكتب الكتاب ونسافر مع بعض مش مهم الفرح اصله هياخد وقت وهنقضي اجمل ايام حياتنا في أمريكا ولما ترجع الشغل نبقى نتقابل في سكايب صح
نسمة يا مصطفى افهم ده حلمي ومش ممكن اتنازل عنه
مصطفى وانا ايه يا نسمة مش مهم نتجوز ونبعد عادي عندك ولا انتي شايفاها طريقة كويسة علشان نحافظ على مشاعرنا ومتبقاش حياتنا مملة وتتبلد المشاعر وكل ما نشوف بعض تبقى وكأنها اول مرة نشوف فيها بعض ويبقى الشوق هيوجعنا مش كده ولحظة لقانا تبقى لحظة نادرة وتحتاج التصوير وكلامنا كله يبقى واتس آب ده اللي كنتي عاوزة تقوليه انك هتنسيني مش كده
نسمة لا مش كده انا هحاول انزل خميس وجمعة نقضيهم سوا لحد ما اح
قاطعها خميس وجمعة لا كتر خيرك وجاية على نفسك كده ليه وفري اليومين دول كمان لشغلك علشان انا مش هكون فاضي انتي عارفة بقى اجازات والسفر هيكون كتير بري بحري جوي كله
نسمة ايه يا مصطفى اللهجة دي ما تتكلم معايا بأسلوب كويس مالك
مصطفى معلش بقى اللهجة مش عجباكي يا سمو الاميرة
نسمة مصطفى بلاش جنان
مصطفى هو فعلا جنان انا مجنون اني خطبتك سنة وبوهم نفسي اننا هنتجوز وانك بتحبيني وصبرت على كل تصرفاتك بس انتي طلعتتي انانية اوي يا نسمة
نسمة انا كنت فكراك متحضر اكتر من كده لكن انا غلطانة
مصطفى انا عارف انتي متضايقة ليه علشان كنتي مستنية مني رد تاني كنتي عوزاني اقولك اوك وسافري وانا اختار يا اسافر معاكي ويضيع عمري يا ما اسافرش بس المهم انتي مش كده
نسمة انا غلطانة اني ضيعت وقتي معاك اصلا
مصطفى اه طبعا انتي شايفة انك اهنتي نفسك معايا ما انتي عمرك ما شوفتي تصرفاتك انانية طول عمرك بتشوفيها عزة نفس
نظرت اليه في صدمة
مصطفى ايه كنتي فكراني عمري ما هفهمك
نهضت نسمة وخلعت خاتمها ووضعته على الطاولة ورحلت في غضب بينما لم يلاحظ باسم فقد كان غارقا في بحر افكاره
التفت مصطفى الى باسم وناداه بصوت عالي فنظر اليه
باسم فين نسمة
مصطفى الحق
نهض باسم وهو لايفهم شئ نظر الى مصطفى فوجده ممسكا بخاتم الخطبة في حزن فذهب وقد فهم ما حدث لكن مازال يجهل السبب
في السيارة
باسم حصل ايه يا نسمة
نسمة محصلش حاجة
باسم آمال فسختي الخطوبة ليه
نسمة قدر هنعمل ايه بقى
باسم ونعم بالله بس عاوز برضو اعرف السبب
نسمة مهواش الشخص المناسب
اوقف السيارة ونظر اليها محاولا الهدوء يعني ايه مش هو الشخص المناسب
نسمة يعني مش الشخص المناسب يا باسم هي عايزة توضيح اكتر من كده
باسم جايا تعرفي ده بعد سنة من الخطوبة
نسمة أمر الله هعمل ايه
باسم نسمة بلاش البرود ده معايا ايه اللي حصل خلاكي تكتشفي ده
نسمة جاتلي فرصة امسك فرع الشركة في أمريكا قولتله اني لازم اسافر اتعصب وعمل حوار عبيط
باسم أمريكا هتسافري
نسمة ايوه طبعا
باسم عارفة لو مصطفى كان وافق كنت انا هفسخ
متابعة القراءة
