روايه بعد النهاية كاملة بقلم الكاتبه يسرا جمال
المحتويات
بخفوت موافقة
ماجد يعني مرتحاله
ليلى اه يا بابا
ماجد خلاص يبقى تكتبوا الكتاب
ليلى كتب كتاب مرا واحدة
ماجد بحدة امال تدخلي وتطلعي معاه بأمارة ايه
ليلى ايوه بس
قاطعها مبسش خلاص انا قولت كلمة
كان ماجد مطمئنا لشادي كثيرا وقد أعجب به لذا أراد اتمام الأمر سريعا فهو يريد الاطمئنان على ابنته يخشى ان يتركها وحيدة بعده
_____________________________________
نور المدير ده مش طايقني كده ليه
دينا مش كنتي قولتي الوضع اتحسن شوية
نور رجع تاني يضايقني ويخنقني
دينا ظبطي مواعيدك
نور والله بحاول بس أحيانا ظروف طارقة
دينا طب النهاردة ايه عذرك
نور عذري اني كنت بدور على الموبيل
دينا مكنش في مخ تفكري ترني عليه
نور فكرت في الموضوع بعد ربع ساعة من التدوير عليه
دينا ههههههههههه شوفتي
نور اعمل ايه بس
رن هاتفها الخليوي
نور الو
ريهام ايوه يا نور
نور ماما بتتصلي من رقم بيت خالتو ليه
ريهام انا عند خالتك خلصي شغلك وتعالي على هنا
نور ليه بس
ريهام انا قاعدة معاها عاوزة تتغدي تعالي مش عاوزة غدي نفسك بقى
نور لا اغدي نفسي ايه جاية طبعا انا فاضية
ريهام سلام
نور سلام
وأغلقت نور الخط وانتبهت الى عملها
____________________________________
في فيلا كمال
كانت صفاء جالسة في شرود امام التلفاز مبتسمة اقترب منها مازن
مازن ماما
فزعت صفاء ايه يا مازن خضتني
مازن مالك قاعدة سرحانة كده ليه
لم تتحدث واعطته الآيباد الخاص بها وقد كان مضبوطا على تطبيق الفيس بوك فلاحظ منشور لدارين
في انتظار طفل صغير يملأ حياتي
مازن يعيد الجهاز اليها هو ده اللي مخليكي سرحانة ومبسوطة
صفاء متتخيلش سعادتي قد ايه
مازن سعادة ايه دي مفكرتش تطلبك تقولك حتى
صفاء مش مهم المهم اني هبقى جدة
مازن يعني هي اول مرا يا ماما
صفاء بحزن كانت قصة وعديت خلاص
مازن انا مش فاهم بتفرحي لناس مفكرتش تسأل عليكي أصلا ازاي
صفاء ابتسمت في حنان لما تبقى اب وعندك أولاد هتفهم مشاعري
مازن انا لو اب وعندي أولاد ازاي هقدر احبهم وهما مبيسألوش عني
صفاء يا حبيبي ده القلب ملناش حكم عليه
مازن صح بس في النهاية عيب اوي لما اولادك ميفكروش يكلموكي ولو مرة في الأسبوع
صفاء ربنا يهديهم
مازن اناهطلع انام شوية احسنلي
صفاء ايه حكاية نومك دي
مازن انتبه لها هو انا نومي زاد
صفاء بيتهيقلي كده
تركها وصعد الى غرفته وهو شارد الذهن
____________________________________
سناء ها ايه رأيك في الموضوع
شادي والله راجل بيفهم طبعا نكتب الكتاب علطول
سناء نعم
شادي يا ماما ده التفكير السليم والمنطقي صدقيني
سناء هههههههههه مالك متحمس كده ليه للجواز
شادي بمرح الاستقرار يا حبيبتي
سناء يا سلام
شادي اه طبعا
سناء طيب ابقى كلم والدها وحدد معاد لكتب الكتاب
شادي حالا أكلمه
وأخرج هاتفه الخليوي
سناء يا ابني اهدا تلاقي الناس دلوقتي بتتغدا
شادي ما انا هفتح نفسه يا ماما
سناء بتحذير شادي
وضع هاتفه في استسلام حاضر
بينما ضحكت هي على تلك التصرفات
__________________________________
في منزل نورهان جلسوا لتناول الطعام
ريهام آمال مصطفى فين
نورهان صحيته وقالي جاي اهو
وضعت نور السلطة وجلست
جاء مصطفى وسلم على خالته ازيك يا خالتو ايه المفاجاءة الحلوة دي
ريهام الحمد لله كويسة ازيك انت
مصطفى الحمد لله كويس
والتفت لنور ازيك يا نور
نور الحمد لله
وجلس مصطفى
ريهام كنتي عزمتي سامية بالمرة معانا
نورهان ما انا كلمتها مبتردش
ريهام انتي كمان
نورهان انا كمان ايه!
ريهام اصل انا بردو بكلمها ومبتردش
نور سبوها في اللي هي فيه
انتبه الكل
مصطفى هو في ايه
نور يعني نسمة سافرت وفوق كده باسم اترفد و مبيشتغلش الأيام دي والظروف صعبة عندها
ريهام وانتي عرفتي منين
نور من نسمة انا حتى بحاول اجيب شغل لباسم كلمته وبعتله عنوان لشغل بس مردش عليا شاف الرسالة بقى ولا لاء معرفش
مصطفى هبقى اكلمه واشوفه
حتى وإن كانت الأمور ساءت بينه وبين نسمة فباسم هو الصديق الذي لم يفارقه يوما لقد كانوا اصدقاءا منذ الطفولة لا يستطيع التخلي عنه في ظرف كهذا بل انه يعاتبه بداخله ايضا على عدم اخباره بالأمر
_____________________________________
على كورنيش النيل
كريم ايه اليأس والإحباط اللي انت فيه ده
باسم بإستهزاء مفيش شغل والفلوس قربت تخلص تفتكر في حظ اجمل من كده
كريم عملت ايه في عنوان الشركة اللي ادتهولك
باسم محصلش نصيب
كريم وكمان العنوان اللي ادتهولك بنت خالتك مش كده
باسم انتو فاهمين ان شركة كبيرة ممكن تقبلني
كريم ليه محصلش نصيب علشان نتفادى الخطأ ده تاني
باسم كريم انا لو قولتلك في ايه هنقعد انا وانت نعيط جنب الموضوع ده
كريم لاء مش هيحصل انا مش ضعيف ومش هسيبك تضعف قولي المشكلة وهنحلها سوا
باسم المشكلة ان البيه مسيحلي في الشركات شوفت الغل وصل لفين
كريم بتفاؤل هنلاقي شركة هو موصلهاش
باسم بسخرية انت بتحلم ده معارفه كتير
كريم ما انت هتشتغل هتشتغل
باسم وهنعملها ازاي دي
كريم مبدئيا هتنسى تصميم الاعلانات ده شوية وهتشتغل في حاجة تانية مؤقتا لحد ما نلاقي شركة تقبلك
باسم بإستهزاء وهشتغل ايه ان شاء الله طباخ
كريم بلاش سخافة يا باسم وخود الموضوع جد
باسم انا كده واخده جد وانت مش واخد بالك على فكرة
كريم طيب يا سيدي اسمع بقى كويس اوي
انتبه باسم بملل ها
كريم فاكر لما قولتلك على موضوع كتاباتك
باسم كريم اقفل ال
قاطعه المهم في صاحب مجلة اتعرفت عليه بالصدفة وبعتله كتاباتك والنهاردة رد عليا وابدا اعجاب شديد بيها وعاوز يشوفك علشان يعرض عليك عرض
صمت للحظات
كريم عجبتك الفكرة مش كده
باسم كريم شيل الهبل ده من دماغك انا مش كاتب انا بكتب تضييع وقت ماشي
كريم بغضب لا برافو بتسد كل الابواب وتقول ربنا يسهل يا أخي ده انت مش مكلف خاطرك حتى تحاول انا وبنت خالتك حاولنا نجبلك شغل اه متقبلتش بس دورنا وسعينا علشان تشتغل وانت كل اللي بتعمله شوية سلبية واحباط يا اخي فوق بقى
صمت للحظات وباسم ينظر اليه في صدمة
كريم بهدوء بص يا باسم النهاردة قدامك فرصة بجد يا تكسبها يا تخسرها بس خليك عارف انها مش هترجع تاني هستناك انا واستاذ مراد على العشاء النهاردة في مطعم هما 10 دقايق ومش هعطل الراجل اكتر من كده لو مجتش همشي انا وهو وهتبقى خسرتني انا كمان مش بس هتخسر فرصة الشغل
وذهب كريم في حالة من الغضب من صديقه
وباسم يفكر في كلام صديقه
____________________________________
سناء يعني اتفقتوا على يوم ايه
شادي اتفقنا على بكرا بليل
سناء بسرعة كده
شادي يا ماما علشان نلحق نجهز كل حاجة ونعمل الفرح قريب
سناء طيب ربنا ييسر
شادي عموما مش هنأخد وقت كتير البيت اصلا جاهز بس ليلى اكيد عاوزة تجهزه عى ذوقها
سناء حقها يا ابني
شادي طبعا يا ماما انا مقصدش حاجة توضبه ذي ما هي عايزة معنديش مانع
سناء ربنا يتمملكوا على خير يا رب
شادي يا رب
لم يتوقع يوما أن يكون زواجه سريعا هكذا بل لم يتوقع أن تكون ليلى هى زوجة لمستقبل ليس لأي عيب بها لكنها كانت الطفلة التي يلاعبها لم يكن يخطر بباله انها هي من سيخطف قلبه
___________________________________
في المطعم
مراد كأنه اتأخر
كريم بأسى عدوا ال دقايق
مراد نعم
كريم مفيش شكله مش جاي يلا نمشي
مراد يا راجل استنى شوية يمكن ييجي
كريم قولتله انه قدامه 10 دقايق ولو مجاش يبقى خلاص انتهى الموضوع
مراد يبقى خلينا نستنى 5دقايق كمان وانا متأكد انه هييجي
لم تمر ال دقائق إلا وأتى باسم حقا
باسم السلام عليكم
مراد وكريم وعليكم السلام و رحمة الله وبركاته
كريم اتأخرت
باسم بس جيت
مراد صح المهم انك جيت
كريم بإبتسامة أطلبلك حاجة تشربها
باسم ياريت أنا عطشان
كريم متر عصير فواكه لو سمحت
مراد بص يا استاذ باسم أنا صاحب مجلة وعجبتني كتاباتك وبفكر لو أنشرلك بعض من كتاباتك في المجلة ولو زادت نسبة مبيعات المجلة أجرك المادي هيزيد وهتشتغل معايا وقتها
جاء النادل ووضع العصير فتناوله باسم وشرب حتى منتصفه ثم قال بصراحة يعني مش عارف أقول إيه مش متخيل إن حاجات كنت بكتبها تضييع وقت تبقى مهمة وتتنشر في مجلة
مراد يعني موافق ولا لاء
باسم وأي نوع من الكتابات هشارك بيه في المجلة
مراد ذي ما تحب
صمت للحظات ثم قال موافق أبعتلك اللي هكتبه ازاي
مراد ايميلي مع استاذ كريم ابقى ابعتلي عليه بس بلاش تتأخر عليا
باسم طيب
ونظر كريم لصديقه بفرحة
مراد أنا مضطر أستأذن سلام
ونهض وغادر
كريم أيوه كده بقى اكسر اليأس ده
باسم هنشوف
كريم بتكبر مصطنع هتشوف إني صح
باسم طب يا عم المتواضع ادفعلي حساب العصير علشان أنا معييش فلوس
كريم إن شاء الله هنحتفل قريب
باسم بص يا كريم أنا مش متفائل وعندي إحساس إن كل الكتابات هتعجب إلا كتاباتي
كريم أبو أم الإحباط يا أخي ده انت اللي يقعد معاك يقوم ينتحر
باسم طب قوم انتحر
كريم قوم انت روح وريحني من سلبيتك دي يا أخي
باسم قايم أنا أصلا عاوز أنام ولولا إني مش عاوز أخسرك بعد كل حاجة خسرتها مكنتش جيت
كريم هتنجح يا باسم وهتعزمني وقتها على العشاء وفي أفخم مطعم في القاهرة
باسم أنا هقوم أروح سلام
كريم استنى يا عم أنا جاي معاك هدفع بس الحساب
رن هاتف باسم الخليوي نظر إلى الرقم فوجده رقم من خارج مصر فعلم أنها نسمة فلم يجب ووضع الهاتف على وضع الصامت يوقن انه لابد من المواجهة بينهما بل وموقن أيضا أنه يغلق الطريق أمامها لكن لازال
____________________________________
في صباح اليوم التالي
في فيلا فؤاد الحكيم استيقظ شريف على صوت دارين تتحدث في الهاتف
دارين الله يبارك فيك يا بابا حاضر حاضر يا بابا ماشي سلام
وأغلقت الخط
شريف صباح الخير
دارين صباح النور
شريف عمو فؤاد متصل ليه
دارين ما أنا كلمته امبارح أقوله إني حامل مردش عليا فاتصل النهاردة
شريف طيب أنا هقوم أفطر وأروح الشغل مش عاوزة مني حاجة
دارين لا يا حبيبي شكرا
شريف إيه رأيك نتعشى النهاردة برا
دارين لا يا شريف مليش مزاج
شريف طيب نتغدا
دارين لا مليش مزاج برضو
شريف طيب ذي ما تحبي
دارين قوم انت شوف هتعمل ايه
شريف طيب
ونهض شريف ودخل إلى الحمام الخاص بالغرفة
بينما دارين تشاهد ملابس للأطفال الصغار وتبتسم
_____________________________________
في شركة عماد
دخل عماد و وليد إلى مكتب عماد فوجدوا فارس جالس على كرسي المكتب وبمجرد أن رأهم هب واقفا
فارس نورت المكتب يا فندم
عماد هو أنا كنت مسافر يا فارس
فارس لا بس برضو وجودك وسطنا حاجة تانية
عماد متشكر يا فارس كنت بتعمل إيه
فارس براجع شوية ملفات
عماد طيب
وذهب عماد وجلس على كرسي مكتبه والتفت إلى فارس
عماد فارس
فارس أيوه يا فندم
عماد معلش هتقل عليك في خدمة
فارس انت تؤمرني يافندم
عماد وليد جه النهاردة معايا ذي ما انت شايف خليه يقعد معاك في المكتب أهو يشوف الشغل بيمشي ازاي ويملا وقته
فارس وهو ينظر لوليد آه أكيد يا فندم اتفضل يا أستاذ وليد
وذهبا سويا إلى مكتب فارس وجلس فارس على كرسي المكتب وجلس وليد على احدى الكرسيين التابعين للمكتب
وليد شوف أنا جاي غصب عني أصلا فياريت متعملنيش على اني جاي أتطفل عليك تمام
فارس مكنتش بفكر أصلا أعمل حاجة ذي دي
وليد تمام يعني ممكن نكمل كام ساعة مع بعض
فارس المهم بس متلعبش في حاجة
وليد أنا مش عيل صغير علشان تقولي الكلام ده
فارس آه طبعا أكيد ما هو واضح
وليد قصدك إيه
فارس لا أبدا مفيش
صمتا لوقت وبدأ فارس عمله وانزعج وليد من الهواتف المتكررة
وليد بملل هو انت كل يوم كده
فارس كده ازاي
وليد يعني تليفونات تليفونات
فارس هو الطبيعي عندي تليفونات بس المرة دي زيادة لإن ولا تليفون بيتحول لمكتب عماد بيه كله بييجي عندي
وليد وهو عنده خبر
فارس لاء طبعا
وليد وانت بتعمل كده ليه
فارس مش عايزه يتعب نفسه النهاردة وكمان أنا بحل كام مشكلة ظهرت ومش عاوزه يحس بحاجة
ونظر في ساعته الإجتماع دلوقتي هتحضر معايا
وليد هو الإجتماع ده فين
فارس الإجتماع هنا في مكتبي
وليد في مكتبك
فارس آه هتحضر ولا هتستنى برا لحد ما الاجتماع يخلص
وليد لاء هحضر ليه لاء
فارس ماشي يا وليد بس أرجوك متنطقش بحرف
وليد هو أنا هكون فاهم حاجة علشان أتكلم
فارس أنا قولت برضو أنبهك
وليد متقلقش
وبدأ الاجتماع و وليد معجب بقدرة فارس على الإقناع حيث لم يأخذ الاجتماع الكثير من الوقت إلا وقد أقنع الجميع
__________________________________
في شركة الحكيم
تامر الو ايوه يا سالي الغيلي مواعيدي برا الشركة مش خارج النهاردة
وأغلق الخط
شريف غريبة اول مرا تلغي مواعيدك برا الشركة
تامر مخنوق شوية
شريف انت اتضايقت من كلام دارين امبارح
تامر بغضب ما تقفلوا الموضوع ده بقى انسوا ايه متعرفوش تنسوا
شريف طب اهدا والله ما أقصد حاجة
تامر بهدوء روح يا شريف على مكتبك شوف شغلك
شريف كنت عاوز أعرف رأيك في صفقة
تامر أجل أي حاجة مليش مزاج أشوف أو أسمع حاجة
شريف آيوه لكن
قاطعه قولتلك أجل كل حاجة مخنوق يا أخي
شريف خلاص خلاص طيب
سمعوا طرقات على الباب تبعها دخول السكرتارية
شريف في حاجة يا جيهان
جيهان الجواب ده وصل لحضرتك يا شريف بيه
شريف يأخذ الظرف متشكر
وذهبت جيهان نظر تامر للظرف بشك
تامر من مين
شريف من البنك
تامر كابحا غضبه خير انت روحت في حتة النهاردة قبل الشركة
شريف لا أكيد دارين
تامر بغضب ليه خير
شريف مالك يا تامر
تامر لا أبدا بس شايفها تعبانة خرجت إمتى
شريف مش لازم تخرج بتشتري وهي قاعدة في مكانها ولا يمكن خرجت ورجعت وبعدين انت عارف إنها حامل أكيد اشترت حاجات للبيبي
تامر إيه ده إنتو عرفتوا نوع الجنين
شريف لاء لسه
تامر آمال اشترت ازاي
شريف أكيد اشترت على أساس الاحتمالين
تامر ولما يطلع واحد من الاحتمالين هتعملوا إيه
شريف انت بتسألني أنا دي أختك انت
تامر ما هي مراتك يا أستاذ
شريف أنا شخصيا مبكلمهاش الأيام دي في أي حاجة تضايقها خلي فترة حملها دي تعدي على خير أنا مش عاوز نكدها يطلع عليا وعلى الطفل اللي في بطنها
تامر دارين مش نكدية دارين تعرف تخليك متنكد وانت في أحسن حالاتك
شريف حرام عليك دي طيبة أوي بس عندها داء التكبر ده ربنا يهديها بس
تامر يا رب
شريف أنا هقوم أكلمها أشوفها اشترت إيه
تامر هتلاقي اشترت دهب في الاخر
شريف ههههههههه لا ما أنا شايفها لابسة سلسلة جديدة معتقدش هتشتري مرتين ورا بعض
تامر لا عادي أختي وعارفها
شريف الأمومة هتغيرها
تامر لما نشوف
شريف عن إذنك
ونهض شريف واتجه إلى غرفة مكتبه فرن هاتفه الخليوي وهو في الطريق
شريف الو
دارين شيكو حبيبي جبت شوية لبس هايل يا شيكو هايل لازم تشوفه
شريف إنتي خرجتي إمتى
دارين بعد ما انت نزلت بشوية
شريف بضيق طيب
دارين أنا دلوقتي نفسي في بنت هدوم البنات كيوت أوي يا شريف
شريف اللي يجيبه ربنا حلو يا دارين
دارين أنا عاوزة أروح أعرف نوع الجنين
شريف طيب يا حبيبتي وقت ما تحبي قوليلي ونروح
دارين ممكن لما ترجع من الشغل إنت قدامك قد إيه
شريف ساعة أو اتنين
دارين لا أنا عاوزة وقت محدد
شريف 3 ساعات
دارين كل ده يا شريف يعني مش كفايا هتغدا لوحدي
شريف معلش يا حبيبتي ما هو كله علشانك إنتي والمولود اللي هينور عائلتنا كمان كام شهر
دارين لا مليش فيه إنت تتصرف وتيجي
شريف طيب يا روحي هتصرف خلصي غدا وإن شاء الله هتلاقيني قدامك
دارين انت بتنيمني يا شريف
شريف ليه بتقولي كده
دارين علشان انت قولت 3 ساعات هتختصرهم ازاي
شريف طب كويس إنك عارفة إن مينفعش أختصرهم
دارين برافو بتضحك عليا يعني
شريف بنفاذ صبر دارين ورايا شغل هخلص وأجي علطول وهحاول أخلص بسرعة وأجيلك تمام
وأغلق الخط بسرعة ونظر في جدول مواعيده اليوم فوجدها كلها مواعيد مهمة فأخذ يفكر ماذا يفعل
__________________________________
وليد إحنا مش هنتغدا
فارس جعان
وليد طبيعي
فارس يغلق اللاب توب الخاص به طيب نروح نتغدا في مطعم جنب الشركة ولا تحب إيه
وليد أحب نروح نتغدا مع بابا
فارس طيب يلا بينا
نهض وليد مع فارس واتجها إلى غرفة عماد
وفي غرفة عماد
فارس نتغدا يا فندم
عماد آه ياريت
فارس تحبوا نتغدا برا
عماد ومالوا يلا بينا
وذهبوا لتناول الغداء معا وعماد يمني نفسه بانتهاء اليوم بصداقة وليد وفارس لطالما أراد لابنه صديقا متميزا بعيدا عن أصدقاءه السلبيين
_____________________________________
في بيت شادي إيه رأيك يا ماما أقول لخالي ماهر ييجي معانا كتب الكتاب
سناء مش هيكون فاضي يا حبيبي خليها الفرح مرة واحدة
شادي طب أقول لمراته وبنته
سناء لا يا شادي بلاش نبقى نبلغهم وخلاص بالفرح بلاش نوسع أوي ده كتب كتاب مش فرح يعني
شادي طيب يلا علشان منتأخرش
سناء يلا
_____________________________________
في منزل باسم
جلس في غرفته يكتب ليرسل إلى معتز وهو يشعر بشعور غريب إحساس بالحماس وآخر بالخوف وآخر بالتراجع لكن إن تراجع ماذا سيحدث وهل سيجد عملا بعد كل هذا أم لا
اغلق اللاب توب وتراجع عن كل هذا
قطع حبل أفكاره صوت هاتفه الخليوي يرن
باسم الو
كريم اتقي الله واكتب وابعت
باسم وانت عرفت منين إني قفلت اللاب توب
كريم علشان عارفك كويس يا باسم أينعم عمري ما شوفت كمية الضعف اللي انت فيها دي بس برضو أنا حافظك
باسم طب وبعدين يا كريم
كريم بعدين بالنسبة لإيه
باسم بالنسبة للشغل لو كتبت حاجة واتنشرت هيبقى الأجر المادي ضعيف مش هيكفيني أنا وأمي
كريم علشان كده لازم تخطط لقدام
باسم ازاي
كريم يعني تخطط إن اللي هتكتبه هينجح وبعدها يا سيدي هتنشر كتاب خاص بيك
باسم متفائل أوي انت يا كريم
كريم ومش هسيبك يا صاحبي إلا لما تبقى متفائل ذيي
باسم تعبان أوي يا كريم بجد تعبان
كريم ليه بس
باسم حاسس إني لوحدي أوي
كريم مين قال كده ربنا موجود وأنا جنبك ومش هسيبك
باسم يمكن انت الشخص الوحيد اللي واقف جنبي دلوقتي
كريم وقولتلك مش هسيبك وعاوزك تخلص بقى من الإحباط ده فاكر لما والدك اتوفي وقولتلي أنا هشيل أمي وأختي في عنيا راحت فين القوة دي ما مامتك دلوقتي محتجالك برضو
باسم عارف يا كريم عارف بس يمكن علشان أول مرا أحس بالظلم فمش قادر خالص
كريم لازم ننسى يا باسم وعلى فكرة ربنا مش بيسيب حق حد هتدور الدنيا وربنا هيأخدلك حقك منه
باسم ماشي يا كيمو هنسى
كريم يلا اكتب بقى
ابتسم باسم حاضر سلام وشكرا يا كيمو
كريم الكلمة البايخة دي أنا مبحبهاش ماشي
باسم ههههههه طيب
كريم يلا شوف شغلك
باسم طيب سلام
كريم سلام
وأغلق
باسم الخط وبدأ يكتب بحماس
____________________________________
عاد شريف إلى الفيلا منهك دخل إلى غرفته هو ودارين
كانت دارين ممدة على السرير
دارين
شريف أسف يا حبيبتي معرفتش أخلص الشغل اللي ورايا كانت كلها مواعيد مهمة
دارين قولتلك قبل الجواز أنا لازم أكون أهم
شريف متكبريش الموضوع يا دارين وبعدين أنا عمري ما اتأخرت عنك مش هيحصل حاجة من مرا يعني
دارين مرا النهاردة ومرا بكرا ومرا بعدو وأتفلق أنا بقى مش كده
شريف لا طبعا مش هكررها تاني يا حبي خلاص بقى
دارين لا يا شريف مش خلاص ومش هعديها على فكرة انت فاهم ده كويس ولا لاء
شريف طب وريني اشتريتي إيه النهاردة
دارين متاكلش بعقلي حلاوة يا شريف
شريف طب إيه اللي يرضيكي وأنا أعمله
دارين بغضب تقفل النور علشان أنام
وسحبت الغطاء عليها في غضب
أخذ ملابسه وأغلق النور ودخل إلى الحمام
_____________________________________
في منزل ماجد
المأذون زواج مبارك ان شاء الله
سناء لولولييي
ماجد مبروك يا ابني
شادي الله يبارك فيك يا عمي
ماجد أنا مديك أغلى حاجة عندي
شادي متقلقش ليلى في عنيا الاتنين
ماجد ربنا يسعدكم
وبعد رحيل المأذون جلس العروسان معا
شادي مبروك يا حبيبتي
ليلى بخجل الله يبارك فيك
شادي بس
ليلى آمال عاوزني أقولك إيه يعني
شادي يعني تروديلي كلمة كده قولتها في الأخر
ليلى بتحذير شادي اتلم
شادي والله كتبنا الكتاب من شوية
ليلى هههه عارفة
شادي لحظة
وأخرج علبة صغيرة بها خاتمان وألبسها احداهما وأعطاها الأخر
شادي لبسهولي
ليلى إيه ده
شادي متخافيش مش الشبكة مش هشتريها من غيرك
ليلى بلاش بواخة أكيد مش قصدي كده
شادي هههههههه طيب دول يا ستي الدبل يعني بما إننا معملناش خطوبة بس أنا كان نفسي أوي ألبس دبلة البنت اللي حبتها واتجوزتها
ابتسمت في خجل وألبسته الخاتم فأمسك يدها
ليلى احم ايدي يا شادي
شادي جوزك والله يا ليلى
سحبت ليلى يدها بصعوبة
شادي لولا إن الشقة مش جاهزة كنت خطفتك دلوقتي
ليلى يا سلام
شادي آه والله
جلسوا يتحدثون لوقت طويل
دخل ماجد منور يا شادي
شادي بإستغراب ده نورك يا عمي
فابتسمت ليلى في إحراج وكتمت ضحكتها وأشارت على معصمها مكان الساعة لتلفت انتباه شادي إلى أن الوقت قد تأخر
شادي بانتباه آه طب نستأذن إحنا يا عمي
ماجد شرفتو يا ابني
شادي بكرا إجازة هعدي أخود ليلى علشان تجهيزات الشقة وتختار شبكتها
ماجد وهو كذلك
وغادر شادي برفقة والدته وهو في قمة الفرحة
___________________________________
بدأت الحياة تبتسم لشادي وكانت أسعد أيام حياته وهو يجهز الشقة برفقة ليلى التي كانت معه كابنته لا فقد كزوجته كان يعمل على احتوائها قدر الإمكان كما أنها كانت لاتشتكي إذا تأخر عنها
شريف كل يوم يحاول مصالحة دارين وكل يوم تقوم هي بفتح مشاجرة جديدة وقد مل هو من ذلك ويحاول قدر الإمكان المحافظة على ذلك الزواج من أجل حبه لها وذلك المولود
_____________________________________
مدد على سريره بعد أن أنهكه التفكير فقد أنهى قصته أمس وانعزل عن العالم منذ بدأ في ارسالها ولم يعد يفتح هاتفه الخليوي
دخلت والدته عليه
سامية بسرعة قوم يا باسم رد على التليفون صاحبك عاوزك ضروري وصوته تعبان
نهض في فزع صوته تعبان
اتجه سريعا الى الهاتف وأخذ السماعة
باسم الو
قاطعه أنا تعبان أوي يا باسم تعالا بسرعة مش قادر
باسم بقلق مالك
كريم بتعب تعالا بسرعة يا باسم مش قادر أتكلم
باسم طب انت فين
كريم في البيت
نهض باسم أنا جاي حالا
كريم بسرعة يا باسم متتأخرش
باسم طيب طيب
وأغلق الخط وانطلق مسرعا إلى صديقه وصل في غضون دقائق طرق الباب فوجده مفتوح دخل ولم يستطع رؤية شيء فقد كان الظلام دامسا
باسم بحذر كريم
وفجاءة اشتعلت الأضواء وتعالت الصيحات والتصفيق
باسم هو في ايه
كريم مبروووووك يا حبي
باسم مبروك على إيه
يقترب منه نسبة مبيعات المجلة زادت في الشهر الأخير يعني لما بدأت انت تنشر قصتك وفي ناس راسلت المجلة وعاوزة الجزء التاني من الأحداث نجحت يا باسم
باسم بفرحة انت بتهزر أنا مش مصدق نفسي
كريم هههههههههههه أجل المشاعر دي لحد ما نبقى لوحدنا ده أنا جايبلك كل صحابك حتى قريبك مصطفى وعاملك حفلة جنااااان
نظر باسم بعينيه فوجد مصطفى
مصطفى مبروك يا باسم
باسم لكريم انت أجدع صاحب في الدنيا
كريم وانت أغلى انسان في حياتي ومستحيل أسيبك أو أتخلى عنك
باسم يعانقه
____________________________________
في منزل شادي الجديد وقف هو وليلى
ليلى خلاص هو كده كل حاجة بقيت مظبوطة
شادي وأنا كمان حجزت القاعتين وطبعت الدعاوي واتوزعت
ليلى تمام أنا شوفت كام فستان امبارح مع صحابي بس لسه مختارتش حاجة محتارة أوي
شادي لو تحبي أجي أختار معاكي
ليلى لاء فال وحش تشوف الفستان
شادي انت بتصدقي التخاريف دي
ليلى بجد بخاف منها
شادي بطلي عبط بقى وخوف ملوش داعي وتعالي نشوف ورانا إيه نعمله
ليلى روحني البيت اتفقت مع كام واحدة صاحبتي هنروح نشوف فساتين
شادي اتفقتي من غير ما تقوليلي وبليل كده
ليلى ما أنا بقولك أهو يا حبيبي
شادي هوصلك واستنى معاكي ومش هشوف الفستان ياستي لو ده يريحك
ليلى وتتعب نفسك وتيجي ليه
شادي مش هسيبك لوحدك يا ليلى
ليلى طيب
شادي وبعد كده من قبل ما تتفقي تسأليني يا هانم
ليلى خلاص بقى يا شادي متزودهاش
شادي طب هاتي بوسة
ليلى بحدة هضربك يا شادي
شادي والله العظيم متجوزين يا ليلى أقسم بربي متجوزين أغنهالك
ليلى برضو لاء متقولش الكلام ده علشان بتكسف
شادي أمري لله عموما هانت
ليلى طب كويس والله إنك واخد بالك بطل الكلام ده بقى
شادي طب يلا خليني أوصلك
ليلى يلا
وذهبا سويا
____________________________________
في فيلا كمال
شعر مازن بتعب شديد فاتصل بحسام
مازن الو
حسام آيوه يا مازن خير
مازن أنا تعبت زيادة يا حسام
حسام آه صحيح نتيجة التحاليل إيه
مازن مفيش تحاليل معملتش
حسام هو أنا مش قولتلك أعمل تحاليل
مازن تجاهلت الموضوع
حسام الصراحة بستغربك يا أخي ازاي مستهتر كده أعمل تحاليل وابعتهالي أطمنك
مازن لا وأبعتهالك ليه ما اللي هيعملها هيفهمني
حسام لا ابعتلي أحسن
مازن أبعتلك ايه بس اااااه
حسام مالك
مازن بقيت بصدع الأيام دي
حسام بشك صداع
مازن آه مش عارف في إيه
حسام مازن ممكن تسمع كلامي وتيجي نعمل اللازم
مازن ليه انت شاكك في ايه
حسام لا للاطمئنان مش أكتر
مازن اطمئنان على إيه بالظبط
حسام على إن الصداع ده طبيعي
مازن ملوش لزوم
حسام أعمل اللي بقولك عليه
مازن أنا مبحبش أكبر المواضيع وانت عارف ده كويس أنا كنت بس عاوز أسألك على مسكن كويس
حسام طب وبعد ما يخلص مفعول المسكن
مازن هأخده تاني
حسام طب بقولك إيه أنا في المستشفى دلوقتي إيه رأيك تيجي أعملك اللازم
مازن انت عارف الساعة كام
حسام مش متأخر أوي يعني
مازن لا خلاص أنا هنزل الصيدلية أسأل الدكتور على مسكن
حسام ماشي يا مازن وابقى كلمني طمني أخبارك إيه ولو الصداع جه تاني كلمني ضروري
مازن إن شاء الله
حسام سلام
مازن سلام
وأغلق مازن الخط ونزل إلى الصيدلية في تعب
___________________________________
في صباح اليوم التالي في منزل ماهر
استيقظت نور متأخرة عن معاد عملها فنهضت بسرعة واستعدت وقبل أن تغادر
ريهام تعالي يا نور سلمي على خالتك
نور والله متأخرة مش هقدر سلام
وغادرت نور
ريهام معلش يا نورهان
نورهان عادي يا حبيبتي خليها تشوف مصلحتها
ريهام منوراني يا نورهان
نورهان تسلمي يا حبيبتي بالمناسبة أنا جايبة عريس لنور
ريهام ريحي نفسك مش هتوافق وهتلاقي مليون حجة
نورهان مش هتقدر
ريهام ليه
نورهان لإن العريس ده مصطفى فمتقدرش تقول إن في عيوب ومتقدرش تقول عاوزة أتعرف عليه لإنه ابن خالتها فطبعا تعرفه
ريهام بس موضوع نسمة
قاطعتها بعصبية موضوع نسمة خلص من زمان وهو نساها خلاص
ريهام متقدريش تحكمي على حاجة ذي دي يا نورهان لإن هو بس اللي حاسس بقلبه
نورهان بس هو قالي نساها
ريهام الكلام مش بفلوس
نورهان يعني بترفضي مصطفى
ريهام مقولتش كده ومصطفى ممتاز بس مش هروح أكلم بنتي وأقنعها ويطلع في الأخر بيفكر في نسمة ولسه بيحبها
نورهان لا اطمني أنا هكلم مصطفى وأنا متأكدة إنه نسي نسمة نهائي
ريهام ربنا يعمل اللي فيه الخير
___________________________________
شريف دارين دارين اصحي
فتحت عيناها في نعاس فوجدته جالس إلى جوارها
دارين في إيه
شريف قومي نفطر سوا
دارين ده تعويض عن غدا وعشا امبارح
شريف يا ساتر عليكي ده انتي قلبك إسود أوي
دارين نعم
شريف يا دارين بهزر معاكي بقى
دارين مش فيقالك يا شريف وقوم سبني عاوزة انام
شريف طب أفضل أعتذر لحد إمتى
دارين معرفش انت وحظك
شريف طب مش كنتي عاوزة تروحي تعرفي نوع الجنين
دارين غيرت رأيي ولو هروح هروح لوحدي
شريف بضيق براحتك يا دارين وأنا حاولت معاكي بس الظاهر إنها طقت في دماغك تخاصميني وخاصمتيني وخلاص
دارين هو انت تغلط وتقول إنها طقت في دماغي
شريف هو علشان كنت بخلص شغلي أبقى غلطت
دارين خلاص يا شريف قوم وسبني أنام
نهض شريف في غضب متجها إلى عمله
فنهضت دارين وجلست
دارين إيه اللي بيحصل ده
بدأت تشعر بنفس الشعور الذي راودها عندما كتب كتابها عليه لا تدري ماذا يحدث معها انه شعور غريب
____________________________________
في
أحمد إيه ده انت صاحي
مازن آه وخارج كمان في حاجة
أحمد لا أبدا جيت أشوفك بكلمك كتير امبارح مردتش عليا
مازن آه معلش نسيت أكلمك
أحمد ولا يهمك أنا قولت فرصة أجي أفطر معاكوا
مازن لا أنا صايم
أحمد من إمتى التقوى دي
مازن ينهض هههههههههههه لا دي مش تقوى أنا صايم علشان تحل عن سمايا
أحمد لا أنا لازقلقك
مازن يا رب تحل عن سمايا يا أحمد
أحمد يا رب نفضل طول العمر سوا
مازن أنا خارج يا ميدو هتلزقلي في دي كمان
أحمد وأنا أقدر أستغنى عنك
مازن أنا عارف إني مش هخلص منك
أحمد يلا بينا بس وبعدها هتعزمني على الفطار
مازن ده على أساس مين رامي بلاه على التاني
أحمد لا أنا جاي معاك مش رامي بلايا ولا حاجة هو أنا عندك كل يوم
مازن لا يا راجل متقولش كده ده انت تقريبا بس نقلت إقامتك من بيتك لبيتي
أحمد هو في فرق بنا يا صاحبي
مازن يا عم انت معندكش أهل يسألوا عليك
أحمد وهو لو كان فيه كنت جيت عندكوا برضو
مازن ليه راحوا فين طفشوا من عمايلك
أحمد هاهاها لا خفة
مازن طب راحوا فين
أحمد مسافرين الإمارات عند أختي بيزروها
مازن مروحتش معاهم ليه
أحمد وأسيبك يا جدع
مازن أهي اللطافة دي أنا مش ناقصها بجد
أحمد طب يلا يلا خلينا نروح نشوف هتوديني فين
مازن يلا
___________________________________
دينا عديت على خير
نور خصم من المرتب
دينا الحمد لله جت على قد كده
نور الحمد لله
دينا شكلك ماسكة أعصابك بالعافية
نور بالظبط كده فاسكتي بدل ما تطلع فيكي انتي وانتي ملكيش ذنب
دينا خلاص خلاص اهدي يا حبيبتي
___________________________________
في فيلا ابراهيم
استيقظ يبحث في الغرفة بفوضى فرن هاتفه الخليوي
فارس الو
شادي إزيك يا فارس وحشتني أوي
فارس الحمد لله انت عامل إيه
شادي كويس مال صوتك
الفصل 12 و
فارس الاوضة كلها أوراق وبقالي ساعتين بدور على ورقة مهمة ومش لاقيها
شادي إيه اللي بهدل الأوضة كده
فارس أنا يا سيدي برجع من الشغل أحط كل حاجة على المكتب أنا دلوقتي قدرت اللي بابا كان بيعمله في أوضتي ويقولي النظام سر النجاح
شادي آه يعني انت غلطان أهو
فارس متشكر
شادي ههههههههه خلاص متزعلش وهاتلك خدامة يا سيدي تظبطلك مكتبك ده
فارس شكلي هعمل كده خصوصا بابا شكله مطول في سفريته
شادي يلا ييجي بالسلامة
فارس آه صحيح انت متصل ليه
شادي بفرحة احم بعتلك دعوة وصلتك
فارس دعوة إيه وبعتها إمتى
شادي بعتها من فترة
فارس والله يا شادي وصلتني حاجات كتير أوي ومبصتش في أي حاجة منهم
شادي بأسى طيب
فارس المهم دعوة إيه
شادي دعوة فرحي يا أستاذ
فارس بفرحة مش ممكن أخيرا
شادي هههههه ليه هو أنا عنست
فارس أيوه يا شادي معاك
شادي إيه بتقول إيه
فارس معلش مكنتش مركز معاك لقيت الورقة أخيرا دعوة إيه بقى
شادي بضيق لا فارس ركز معايا علشان بجد هتخنق منك كده
فارس معاك أهو
شادي بعتلك دعوة فرحي
فارس بفرحة مبروووك يا شادي
شادي بفرحة الله يبارك فيك عقبالك
فارس تسلم يا حبيبي إمتى الفرح
شادي افتح الدعوة وشوف
فارس احتمال أنسى قول إمتى
شادي الليلة
فارس بتهزر
شادي لا والله بتكلم جد
فارس بسرعة كده
شادي بسرعة إيه أنا بقالي شهر بجهز في بيتي
فارس واضح إني أخر من يعلم
شادي لو بتفتح الرسايل اللي بتجيلك كنت هتكون أول من يعلم
فارس خلاص المهم ألف مبروك يا جدع فرحك الساعة كام
شادي الساعة 9
فارس خلاص إن شاء الله جاي بس موعدكش أحضر الفرح من أوله
شادي عادي ولا يهمك المهم تيجي
فارس إن شاء الله جاي سلام
شادي سلام
وأغلق شادي الخط وابتسم
_____________________________________
جلس في غرفته يكتب الجزء الثاني من الأحداث وهو في قمة الفرح
سمع طرقات على باب غرفته
باسم اتفضل
دخلت سامية باسم انت قاعد يا ابني بتعمل إيه
باسم بشتغل يا ماما
سامية بفرحة انت لقيت شغل
باسم آه صحيح نسيت أقولك أنا اشتغلت في مجلة
سامية بتصمم إعلانات لمجلة
باسم ههههههه لا خلاص انسي موضوع الإعلانات ده
سامية أنساه ازاي آمال انت بتشتغل إيه
باسم كاتب بكتب قصة وبنشرها في المجلة
سامية ودي شغلانة مناسبة يا ابني
باسم ما أنا شغال فيها بقالي شهر وأجري هيزيد كمان
سامية من إمتى وانت ليك في الكتابة
باسم من زمان ومكنتش واخد بالي
سامية ربنا يوفقك يا ابني
باسم يا رب
سامية نسمة بتسألني عنك هو انت قافل موبيلك
باسم بضيق آه قافله
سامية انت لسه زعلان من نسمة
نظر باسم إلى عينيها اقفلي الموضوع يا ماما من فضلك
سامية بحزن أقفله ازاي بس ده إنتو أولادي وأحب إن العلاقة بينكم تكون كويسة
باسم ربنا يسهل يا ماما سبيني أشتغل دلوقتي
سامية بأسى طيب يا ابني
وغادرت الغرفة
أمسك جواله وهم بالاتصال بها لكنه تراجع وأعاد الجوال مكانه
وأكمل عمله
عادت نور من عملها وهي تشعر بالضيق من مديرها
ريهام وهي تمسك دعوة عرس بيدها إيه ده يا نور
نور دعوة فرح ذي ما إنتي شايفة كويس إنك فكرتيني إن النهاردة فرح شادي
ريهام هي العائلة كلها بقيت بتتجوز بسرعة كده
نور متصنعة البلاهة سبحان الله
ريهام بلاش استفزاز يا نور
نور كنت لسه هقول نفس الكلمة
ريهام بحدة نور اتكلمي بأدب
نور ماما أنا راجعة مخنوقة من كل حاجة حتى من نفسي فأرجوكي بلاش خناق دلوقتي على موضوع لا بإيدي ولا بإيدك
ودخلت إلى غرفتها ومددت على سريرها في تعب وتتساءل كيف لها ان تلومها وهي السبب الرئيسي في تأخر زواجها فهي من ولد المخاوف بداخلها
___________________________________
في منزل نورهان أنهوا تناول الغداء
نورهان مصطفى عوزاك
مصطفى اتفضلي يا ماما
نورهان مش ناوي تفرحني بيك يا حبيبي
مصطفى ربنا يسهل
نورهان طب إيه رأيك في نور
مصطفى نور مين
نورهان نور بنت خالتك ريهام
مصطفى لا أنا اتعقدت من العائلة كلها
نورهان جرا ايه يا مصطفى هو علشان نسمة تقفل من كل البنات
مصطفى بغضب موضوع نسمة انتهى خلاص كام مرا لازم أقول
نورهان طيب نور لاء ليه
مصطفى يا ماما أنا ونور بحس إننا مش مناسبين
نورهان وانت كنت قعدت واتكلمت معاها يا ابني اسمعني نور ذي القمر ومؤدبة ونعرفها
مصطفى ما نسمة كمان كنا نعرفها
نورهان يادي نسمة هو إحنا مش هنخلص
مصطفى أنا بأكدلك إن الموضوع خلص بس ده مش معناه إن أعيد التجربة تاني
نورهان مين قال نعيد التجربة تاني
مصطفى آمال نور دي تبقى إيه
نورهان نور تختلف عن نسمة
مصطفى أوعي تفتكري إني مبسوط بالعزوبية نفسي أتجوز النهاردة قبل بكرا نفسي يكون عندي أولاد بس تقدري تقوليلي بقى نور كويسة ليه
نورهان اؤكدلك إن نور غير
مصطفى تمام يا ماما نشوف موضوع نور
نورهان بفرحة خلاص اتفقنا
_________________________________
في فيلا فؤاد سمعت دارين طرقات على باب غرفتها
دارين اتفضل
دخلت علياء خلصتي غدا يا دارين
دارين آه خودي الصنية
نظرت علياء الى الصنية فوجدتها لم تأكل إلا القليل
علياء إيه ده يا بنتي ده بس اللي أكلتيه كلي كمان ده انتي جواكي طفل عاوز غذا
دارين أنا شبعت خودي الأكل وسبيني لوحدي
اخذت علياء الصنية وانصرفت
شعرت دارين بالتعب أمسكت الهاتف واتصلت بشريف
شريف الو
دارين بدموع شريف
شريف بقلق مال صوتك
دارين أنا تعبانة أوي يا شريف أوووي
شريف مالك
دارين بعياط تعالا أنا تعبانة أوي
شريف أنا جاي حالا اهدي
وأغلق شريف الخط وغادر المكتب أوقفه تامر
تامر انت رايح فين ورانا اجتماع
شريف اجتماع إيه دارين تعبانة
تامر تلاقيها بتدلع علشان مش حمل التعب اللي هي فيه
شريف بص يا تامر مليش دعوة بالعداوة اللي بينك وبين أختك أنا كل اللي أعرفه إن دارين تعبانة ومحتجالي
غضب تامر و ذهب شريف إلى فيلا فؤاد الحكيم
___________________________________
في شركة عماد
أنهوا الاجتماع
فارس أنا هروح مكتبي تؤمرني بحاجة يا فندم
عماد لاء متشكر روح انت
وذهب فارس إلى مكتبه فوجد وليد جالس على احدى الكرسيين التابعين للمكتب
أغلق فارس الباب
فارس خير
وليد مفيش زهقت من قعدة البيت قولت أجي
فارس عماد بيه فاضي ممكن تروحله
وليد لا أنا جايلك انت حتى بابا ميعرفش إني هنا
فارس وجايلي أنا ليه
وليد عاوزك تعملي ميزانية أو تشوفلي حد يعملي ميزانية
جلس فارس مقابلا له ميزانية
وليد آه
فارس لإيه
وليد لمطعم
فارس آه انت مصمم على الموضوع ده
وليد بالظبط كده
فارس طب ما تقول لباباك
وليد إيه السخافة دي ما أنا قايلك بابا مش موافق
فارس اتفاهم معاه واقنعه
وليد مش هيوافق أنا عارف
فارس آيوه بس أنا مقدرش أعمل حاجة ذي دي
وليد ليه
فارس أنا مش عاوز أتدخل يا وليد من فضلك
وليد آه طبعا حقك ياريت بس بابا ميعرفش بالكلام ده
ونهض وليد وغادر وشعر فارس أن وليد غير راض عن رده
___________________________________
في فيلا فؤاد الحكيم دخل شريف إلى الغرفة فوجدها تبكي فجلس إلى جوارها واحتضنها
شريف اهدي يا حبيبتي اهدي خلاص أنا جنبك
دارين أنا تعبانة أوي يا شريف الحمل متعب أوي
شريف طب اهدي بس اهدي
استمرت دارين في البكاء
شريف تحبي نروح لدكتور
دارين ببكاء طفولي يعني هو هيتعب مكاني
شريف هههههه لا يا حبيبتي بس ممكن يقولنا حاجة
دارين معرفش
شريف طب أنا هنزل أجهز العربية وإنتي اجهزي تمام
دارين تمسك بجاكيت بدلته لا خليك
شريف بحنان طيب يا حبيبتي اهدي أول وبعد كده نبقى نروح للدكتور
دارين ذي ما تحب
تعجب شريف منها فقد كانت تشاجره في الصباح والآن هي كالأطفال في أحضانه بل وتستمع إلى كلامه أيضا
_________________________________
في المساء كان حفل زفاف هادئ لكن ملئ بالفرح
وفي قاعة السيدات
أمضت نور الحفل بجانب ليلى فقد تعرفت عليها وأحبت شخصيتها للغاية
وفي قاعة الرجال
حضر فارس في نهاية حفل الزفاف والعروسان يغادران استوقفهم و ذهب وعانق شادي
فارس مبروك
شادي رخم وبايخ هو ده اللي جاي
فارس لا على فكرة والله كنت جاي بس لما خلصت شغل قولت أروح البيت أغير هدومي مددت على السرير نمت من غير ما أحس شوف حتى ملحقتش أغير هدومي وجيتلك بيها
شادي ههههههههه مكتوبلك
متابعة القراءة
