روايه بعد النهاية كاملة بقلم الكاتبه يسرا جمال
المحتويات
تيجي بيها
فارس تعالوا أوصلكوا المطار
شادي لا إحنا مش مسافرين بالطيارة
فارس آمال
شادي بالأتوبيس
فارس أتوبيس
شادي آه ليلى عاوزة كده
فارس طب برضو تعالوا أوصلكوا
أتت ليلى بعد أن سلمت على والديها
شادي فارس صاحبي ليلى مراتي
فارس مبروك
ليلى الله يبارك فيك
فارس طب يلا يا شادي
شادي فارس هيوصلنا
ليلى مفيش داعي تتعب نفسك بابا راح يوقف تاكسي
فارس تاكسي وأنا موجود ما تقول حاجة يا شادي
شادي بمرح لاء خلاص خلينا نحوش فلوس التاكسي روح هات انت عربيتك وأنا هقول لعمي
فارس هههههه طيب
أحضر فارس سيارته وأوقفها
فتح شادي الباب لليلى وأغلق الباب وذهب إلى الإتجاه الأخر ليركب بجوارها وانطلقت السيارة وسط التصفيق والتهنئة
___________________________________
في صباح اليوم التالي استيقظت نور باكرا فقد رحلت البارحة من الحفل في وقت مبكر نهضت واستعدت للعمل خرجت من غرفتها لتناول الفطور فوجدت والدها فقبلته بفرحة
نور وحشتني يا دكتور
وجلست
ماهر وانتي كمان يا حبيبتي عاملة إيه
نور كويسة الحمد لله بس إيه ده أول مرا تنورنا على الفطار على كده هصحى بدري علشانك
ماهر ههههههه مامتك اللي كلمتني وأصرت عليا أجي
نور خير يا ماما
ريهام بصراحة في عريس وأنا موافقة عليه جدا
نور مبرووك بس هتسيبي بابا بس ولا يهمك أخده أنا
ريهام لماهر شايف بنتك
ماهر ههههههههههه يا نور متعصبهاش
نور يا بابا دي بتتكلم على أساس إن المهم هي توافق وأنا أولع
ريهام مقولتش كده
نور آمال
ريهام رأيك إيه يا نور
نور مش أعرف هو مين
ريهام مصطفى
نور بدهشة ابن خالتو نورهان
ريهام آيوه
نور يا ماما ده كان خاطب نسمة
ريهام واتفسخت الخطوبة من زمان وانتي عارفة
نور آيوه بس
قاطعتها بس إيه ده طلبك للجواز امبارح
نور بخجل طلبني أنا ازاي يعني
ريهام ذي الناس يا نور خالتك كلمتني امبارح وأنا خلاص تعبت يا نور إمتى تتجوزي وتفرحيني بقى
نور نشوف يا ماما
ريهام لماهر اتكلم
ماهر ما تشوفيه يا نور
نور أشوف في إيه يا بابا ما أنا عارفاه
ماهر طب إيه رأيك فيه
نور كويس يا بابا بس أنا مش حاسة إنه مناسب ليا
ماهر يا بنتي متحكميش من غير ما تتكلموا
نور نتكلم إيه يا بابا هو أنا فاضية ده أنا عندي شغل ولما برجع بشتغل في البيت وبنام
ريهام اتصرف معاها بقى
نور على فكرة أنا اتأخرت
ماهر علشان خاطري يا نور
نور منهية الحوار طيب يا بابا حاضر هقابله
ريهام بفرحة يعني أقول لنورهان
نور قولي يا ماما قولي
ونهضت وسحبت حقيبتها وقبلت رأس والدها يلا انا همشي سلام
ريهام مفيش بوسة ليا هو بابا وبس يعني
نور وهي تغلق الباب مش كفايا عليكي العريس يا أمي
ماهر هههههههههههههههههه
ريهام انت بتضحك
ماهر بنتك دي عسل
ريهام وعنيدة
ماهر بلاش تجبريها بعدين ترجعي تندمي
ريهام ماهر أنا مش هعشلها العمر كله وعاوزة أتطمن عليها علشان أرتاح
ماهر ليه الكلام ده يا ريهام
ريهام أنا بقول الواقع
ماهر بلاش الكلام الوحش ده الله يكرمك
ريهام حاضر يا ماهر هسكت أهو بس ساعدني نخليها توافق على مصطفى
ماهر مش لما أنا أعرفه أول
ريهام يا سيدي أحكيلك أنا عنه
ماهر اتفضلي يا ستي
ريهام شوف
رن هاتفه الخليوي
ماهر الو طيب أنا جاي سلام
ونهض قائلا معلش يا ريهام في حالة متابعة معايا وشكلها تعبانة أوي فهروح أشوفها
ريهام يا ماهر أنا ملحقتش أتكلم
ماهر حددي معاد معاهم وأنا هاجي أحضر المقابلة ياستي ووقتها هتعرف على مصطفى ده تمام كده
ريهام تمام يا ماهر
وغادر ماهر
لا تدري نور لما اعترضت على مصطفى وهي على علم به فلم يكن يوما شخصا سئ السمعة بالعائلة بل كان دائما الحديث عنه رائعا أتظنها هي خيانة لنسمة لكن نسمة كانت مصرة على فسخ الخطبة أم أنها تعتقدها خيانة لخالتها أم انها خيانة لنفسها التي وعدتها بعدم الاقدام على هذا الأمر لكن هل كان وعدا صائبا أم متهورا
___________________________________
في فيلا فؤاد الحكيم
استيقظت دارين فوجدته ممسكا بكفها
جلست دارين وسحبت كفها
شريف بإبتسامة صباح النور يا حياتي
دارين صباح النور انت إيه اللي مقعدك كده
شريف مستنيكي لما تصحي
دارين طب أنا خلاص صحيت روح شوف شغلك
شريف لا يا ستي أنا فضيت نفسي علشانك قومي البسي علشان نروح للدكتور
دارين دكتور ليه
شريف مش قولتي إنك تعبانة
دارين بقيت أحسن
شريف طب أنا عاوز أتطمن
دارين مليش مزاج أروح في حتة يا شريف
شريف خلاص ذي ما تحبي
ثم اردف أشغلك فلم يسليكي
دارين لا مش عاوزة احم وحاجة كمان
وصمتت للحظات ثم قالت عاوزة أقعد لوحدي
شريف متصنع الابتسامة حاضر هسيبك لوحدك
ونهض شريف وغادر الغرفة في حزن
أمسكت دارين هاتفها الخليوي واتصلت بنور
نور دودوووو وحشتيني
دارين بخنقة نور ممكن طلب
نور مال صوتك
دارين لا أبدا تعبانة بس
نور سلامتك
دارين الله يسلمك
نور قولي طلب إيه
دارين اسأليلي باباكي كده عن تعب ما قبل الولادة إيه سببه
نور هههههه هيشتمني
دارين ليه بس
نور طبيعي يا بنتي إنك تعبانة
دارين لا مش طبيعي التعب ده مضايقني أوي وبعدين اسأليه انتي خسرانة إيه
نور طب إيه رأيك تروحيله المركز دلوقتي وتكشفي
دارين لا بخاف
نور كان نفسي أقولك أجي معاكي بس أنا في الشغل حاليا
دارين أنا مش عاوزة أروح لوحدي
نور روحي مع جوزك يا مدام هههههههههه
دارين بخنقة لا مش هينفع
نور ليه
دارين شريف في الشغل
نور كلمي حد يفيدك او شوفي حد او استنيني
دارين طيب سلام
نور سلام يا حبي وطمنيني عليكي
دارين طيب
وأغلقت دارين الخط
دارين عليااااااااء
لم تجب علياء فاتصلت دارين بها فجاءت علياء
علياء خير يا بنتي
دارين ساعديني أغير هدومي
علياء حاضر يا بنتي ولو إني شايفة إن خروجك وانتي حامل ملوش لازمة
دارين بغضب مكبوح وتعب ساعديني يا علياء وانتي ساكتة أنا مش نقصاكي واعملي حسابك انتي جاية معايا
علياء طيب
____________________________________
في بيت مصطفى
نورهان ومالو نيجي النهاردة بليل
ريهام خلاص يا نورهان هستناكي
نورهان طيب يا ريهام سلام
ريهام معلش بس ماهر الليلة هيكون فاضي حسب ما اتفقت معاه معرفش إمتى تاني ممكن يكون فاضي
نورهان لا بالعكس كده كويس جدا
ريهام طيب سلام
نورهان سلام
وأغلقت نورهان الخط
نورهان مصطفى
جاء مصطفى وهو يستعد خير يا ماما
نورهان انت خارج
مصطفى أها بتسألي ليه
نورهان اتفقت مع خالتك نروحلهم النهاردة بليل
مصطفى نروح لمين وليه
نورهان لخالتك ريهام يا مصطفى علشان نخطب نور
مصطفى طيب يا ماما
نورهان بإستغراب افتكرتك هتعترض
مصطفى مينفعش أعترض بعد ما اتفقتي خلاص
نورهان يعني لولا إني اتفقت مكنتش وافقت
مصطفى ليه نتخانق يا ماما
نورهان أنا بتخانق يا مصطفى
مصطفى أنا خارج
نورهان رايح فين
مصطفى رايح لباسم
نورهان هترجع إمتى
مصطفى هحضر المقابلة الليلة يا ماما سلام
وغادر مصطفى
_____________________________________
وقفت السيارة أمام مركز والد نور
علياء ليه جينا هنا
دارين يا رب صبرني انزلي يا علياء انزلي
علياء طب خلاص نازلة اهو
دارين وتعالي ساعديني انزل
علياء حاضر يا بنتي
وساعدتها على النزول و دخلتا معا
وسألت دارين في الاستقبال
دارين دكتور ماهر هنا
_آيوه يا فندم في مكتبه
دارين شكرا
وتوجهتا معا
استوعبت علياء الموقف فقالت مش كان جوزك ييجي معاكي يا دارين
صمتت دارين ولم تجب هي نفسها لا تدري لما ابعدته ولم ترده معها اليوم بل لما ارادته البارحة واليوم اعتبرته كأن لم يكن زوجها يوما
____________________________________
في فيلا فؤاد الحكيم رن الهاتف
هند الو
شريف الو دارين فين
هند خرجت يا فندم
شريف في نفسهعلشان كده مبتردش على الموبيل
هند أبلغها بحاجة يا شريف بيه
شريف اسمي شريف بس دارين راحت فين
هند معرفش والله هي خرجت مع داده علياء وقالتلي اخود بالي من البيت
شريف أنهي سواق
هند علاء
شريف طيب شكرا يا هند
وأغلق الخط
واتصل بعلاء
شريف الو
علاء الو
شريف أنا شريف يا علاء
علاء آيوه يا فندم
شريف أخدت المدام وعلياء على فين
علاء مركز طبي يا فندم
شريف بقلق ليه مالها جرالها ايه
علاء معتقدش ان فيها حاجة يا فندم هي داخلة على رجليها وكويسة
شريف متأكد
علاء آيوه يا فندم
شريف طيب متشكر
علاء أبلغها بحاجة
شريف لاء وبلاش تعرف إن أنا اتصلت
علاء تحت أمرك يا فندم
شريف شكرا
علاء العفو يا فندم
وأغلق شريف الخط وهو في قمة الغضب
شريف ليه بتعمل كده ما أنا كنت معاها النهاردة
____________________________________
جلسوا لتناول الغداء معا
باسم مالك
مصطفى مخنوق
باسم ليه
مصطفى هروح الليلة أخطب نور
باسم ومخنوق ليه
مصطفى خايف يكون قرار غلط
باسم وليه قرار غلط يا مصطفى إلحق قبل ما العمر يجري بيك
مصطفى فرضا نور مش مناسبة
باسم قدامكوا وقت تتعرفوا على بعض
مصطفى يهز رأسه إيجابا
جاء أحد الأشخاص أستاذ باسم أهلا وسهلا
باسم بحيرة اهلا تعرفني
_أنا من المعجبين بكتاباتك
باسم بإبتسامة متشكر
_منتظر منك كل جديد
باسم إن شاء الله
_عن إذنك
وذهب الشخص
مصطفى بقيت من المشاهير يا باسم يا حظي على عمري اللي ضاع في الطيران
باسم ههههههههههه يخرب عقلك
مصطفى بيتهيقلي مكنتش تتمنى أكتر من كده
باسم فعلا الحمد لله إني اترفدت
مصطفى هههههههه فعلا
باسم حقيقي دي أحسن حاجة حصلت في حياتي
مصطفى أنا فرحان علشانك
ابتسم
مصطفى اللي عاوزه ربنا هيكون
باسم ونعم بالله
____________________________________
في فيلا كمال
نزل مازن للطابق الأول فوجد والدته مغادرة المنزل أيضا
مازن خارجة يا ماما
صفاء آه يا حبيبي
مازن رايحة فين تعالي أوصلك
صفاء لاء أنا هروح مع السواق
مازن ليه يعني
صفاء علشام أنا رايحة مكان انت مش بتحبه
مازن قصدك إيه
صفاء أنا رايحة لدارين
مازن آها طيب عن اذنك أروح أنا بقى مشواري
صفاء قولتلك أنا
مازن هو انتي عاوزاني أروح معاكي يعني
صفاء أكيد آه بس برضو أكيد عارفة ردك كويس
مازن يبقى سلام
صفاء سلام
وغادر الاثنان
_____________________________________
في فيلا فؤاد الحكيم دخلتا معا إلى غرفة دارين
علياء ارتاحي الأيام دي يا دارين ذي ما الدكتور قال
دارين هو بجد ممكن أولد ولادة مبكرة
علياء بإشفاق عادي بتحصل
دارين أنا خايفة
علياء خلاص بقى يا دارين بلاش تشغلي بالك بالخوف
دارين مش قادرة
علياء انشغلي بحاجة حلوة
دارين ذي إيه
علياء ذي انه هيشرف قريب وهتشليه وتفرحي بيه و
قاطعتها دارين انتي خوفتيني اكتر
علياء خلاص خلاص فكك قومي خودي شاور كده ونامي ولما تقومي ابقى كلميني أسليكي
دارين ماشي
علياء اساعدك في حاجة
دارين اه هاتيلي هدوم وساعديني اقوم
ساعدتها علياء ثم غادرت
ودخلت دارين إلى الحمام واغتسلت وخرجت مددت على السرير فسمعت طرقات على باب غرفتها
دارين اتفضل
دخلت صفاء
نهضت دارين انتي إيه اللي جابك
صفاء ليه المقابلة دي يا دارين
دارين جاوبي يا ماما إيه اللي جابك
صفاء جيت أتطمن عليكي
دارين بسخرية لا كتر خيرك
صفاء ليه اللهجة دي
دارين متسألنيش لاني للأسف معنديش إجابة
صفاء مالك يا دارين
دارين مش كنتي تتصلي تقولي إنك جاية
صفاء عوزاني أستأذن
دارين وإيه المشكلة
صفاء بحزن مرة تانية
دارين ده انتي ناوية تيجي كتير بقى
صفاء هو انتي بتقابلي اللي جه يتطمن عليكي كده
دارين أنا عاوزة أنام ممكن تسبيني لوحدي
صفاء طب انتي عاملة إيه
دارين كويسة متتعبيش نفسك وتيجي تاني
صفاء تحاول حبس دموعها يااااه للدرجة دي مقابلتي تقيلة عليكي
دارين عاوزة أنام
صفاء افتكري إني جتلك وطردتيني
اتجهت دارين إلى المرآة
وجلست تمشط شعرها غير مبالية بوجود والدتها
غادرت صفاء وهي تبكي
_____________________________________
استيقظت نور على إزعاج في غرفتها فوجدت والدتها تفتش في خزانة ملابسها
نهضت نور بتعملي إيه يا ماما
ريهام بسرقك
نور وبتضايقي من خفة دمي
ريهام سؤالك غريب
نور هو وقوفك هنا هو اللي غريب
ريهام طيب يا ستي أنا بدورلك على حاجة تقابلي بيها مصطفى الليلة
نور ليه يعني ما هقابله بأي حاجة وخلاص
ريهام معلش تعالي على نفسك
سمعت رنين جرس الباب
ريهام روحي افتحي لأبوكي
نور هو بابا هييجي دلوقتي برضو
ريهام آيوه أنا كلمته وقولتله يجيب شوية حاجات
نور لا أنا هلبس حجاب للضمان
وارتدت حجابها وذهبت لتفتح الباب فوجدت والدها حقا
نور أنا مش مصدقة إن انت موجود دلوقتي في البيت
ماهر طب خودي من إيدي
وحملت الأكياس منه ووضعتها على الطاولة وأغلقت الباب خلفه
نور إيه ده يا بابا
ماهر مامتك عاوزة تضيفهم أحسن ضيافة
نور آها
ماهر يلا يمكن ربنا يكتبهولك يا نور
نور مستعجلين ليه
ماهر الأخبار الحلوة دايما بنستعجل عليها يا نور
وعانقها فعانقته هي الأخرى
_____________________________________
عاد إلى المنزل اتجه إلى غرفته ليفتحها وقبل أن يفتح الباب سمع صوت بكاء والدته فاتجه سريعا إلى غرفتها ودخل فوجدها على سريرها تبكي بشدة ذهب وجلس إلى جوارها
مازن ماما مالك
صفاء خلاص بنتي مبقتش تحبني ولا بقيت تحب وجودي
مازن قولتلك قبل كده هم
قاطعته بإنفعال أنا مش ناقصة يا مازن
فعانقها طب ممكن تهدي طيب
ظلت تبكي بأحضانه
___________________________________
في فيلا فؤاد الحكيم
عاد شريف الى الفيلا واتجه إلى غرفته هو ودارين وأغلق الباب فوجدها ممدة على السرير ممسكة بإحدى المجلات
شريف خرجتي النهاردة يا دارين
دارين دون النظر اليه آه خرجت
شريف روحتي فين
دارين روحت أكشف
شريف ومقولتليش ليه ما أنا قولتلك الصبح نروح رفضتي ليه
دارين معلش يا شريف
شريف معلش بالبساطة دي
دارين إيه عاوزها معقدة أكتر من كده أعقدهالك لو تحب
ونهضت واتجهت إلى الطاولة عند المرآة تضع إحدى الكريمات على يدها
شريف مالك يا دارين متغيرة ليه
دارين خلاص يا شريف بقى
شريف مش قبل ما أعرف مالك
دارين خلاص بقى يا شريف
شريف لا مش خلاص
دارين عاوزة أنام
امسكها قوليلي متغيرة ليه معايا أول
دارين بإنفعال سبني بقى
وسحبت يدها بقوة
شريف بصدمة في إيه يا دارين
دارين بإنفعال عاوز تعرف في إيه
نزلت الدموع من عينيها في إني خايفة في إني احتمال أولد ولادة مبكرة وخايفة
وبدأت تبكي فهمت بقى إني خايفة
ضمها إلى صدره وهو يلوم نفسه أنه انفعل عليها حقك عليا أنا أسف
وقبل رأسها
دارين ببكاء إنتو محدش فيكو بيحس بيا
شريف يا دارين أنا كنت عاوز أكون جنبك مش أكتر
دارين تبتعد وتمسح دموعها أنا لو احتجتك هقولك يا شريف
ومددت على السرير لتنام
وشريف لا يفهم ما القصة لما لا تطيقه بما أخطأ هل أخبرها أحد بشئ ما عنه لو كان الأمر كذلك لعلم فلن تصمت دارين عن اي شئ كهذا
كانت تدرك مدى كذبها عليه فلم تعلم بأمر الولادة المبكرة الا اليوم لكنها كانت مجبرة على أن تختلق كدبة فلم تكن بحالة تسمح لها بالحديث معه عن اي شئ
___________________________________
في منزل ماهر بالمساء
جلسوا معا وتحدثوا وأعجب ماهر بشخصية مصطفى
وجاءت نور وجلست معهم
ماهر طب نسيبكم تتكلموا شوية
ونهض كل من ماهر ونورهان وريهام
وبقي نور ومصطفى معا
مصطفى ازيك
نور بخجل الحمد لله
مصطفى نور إنتي أكيد تعرفيني وتعرفي عني كل حاجة
نور أكيد
مصطفى طب إنتي موافقة عليا
نور قبل ما أجاوب عاوزة أسألك سؤال
مصطفى اتفضلي
نور عندك مشكلة أشتغل بعد الجواز
مصطفى لا معنديش بالعكس هشجعك على الشغل علشان تملي وقت فراغك
نور طيب يا مصطفى أنا عاوزة اسأل سؤال كمان بس ارجوك بلاش تعلي صوتك
استغرب من كلامها وأنا هعلي صوتي ليه
نور بلاش تعلي صوتك وخلاص
مصطفى حاضر يا نور مش هعلي صوتي اسألي
نور بإرتباك نسمة لسه ليها مكان في قلبك
غضب مصطفى وظهر ذلك على ملامحه فخافت نور منه وقالت بسرعة أنا قولتلك متعليش صوتك
مصطفى بهدوء نسمة من يوم ما سابت الخاتم وهي برا قلبي
نور بجد
مصطفى آه بجد وبعدين إنتي بتسألي ليه
نور مش حابة أكون في حياتك وانت قلبك مع حد تاني
مصطفى اطمني محدش في قلبي
نور طيب يا مصطفى أنا موافقة
مصطفى تحبي ننزل بكرا نجيب الشبكة
نور نأخد رأي ماما وبابا وخالتو
مصطفى هو مين هيتجوز
نور ولو اسألهم
مصطفى قصدك تقوللهم لإن ده قرارك في النهاية
نور أيا يكن
مصطفى طيب أنا هروح اكلمهم
نور طيب
ونهض
نور في نفسهاهو ده الصح أكيد هو ده الصح مصطفى مفهوش عيب مش هفضل طول عمري رافضة الموضوع يعني ثم انا مش هقدر على الزن ده كل شوية
واتفقوا على أن يذهبوا غدا لشراء الشبكة لنور ربما لم يلتئم جرحه من نسمة ربما بداخله لازال هناك شئ لكنه أصر على المضي قدما
__________________________________
في فيلا كمال
دخل مازن الى غرفته بعد أن اطمأن والدته أصبحت بخير هم أن يبدل ملابسه فشعر بتعب شديد وقاسي و هوى على أقرب مقعد في تعب ووجد نفسه يتصل بحسام
حسام الو
مازن بتعب حسام الحقني
حسام إيه في إيه
مازن بصوت مختنق تعبان أوي
حسام مالك في إيه طب في حد جنبك
لم يسمع منه رد
حسام طب أنا هبعتلك عربية إسعاف اديني العنوان
مازن إسعاف إيه لاء طبعا كده هيصحوا وبعدين مش مستهلة أنا فايق وواعي
حسام بس صوتك تعبان أوي
مازن انا دماغي وجعاني مش أكتر ممكن تقولي على اسم مسكن أقوى
حسام مسكن تاني يا مازن
مازن انت ليه مصمم تخليني أندم إني بكلمك
حسام المسكنات مش بتحل المشكلة
مازن بانفعال يعني اعمل ايه يعني
حسام اسمع كلامي وتعلالي
مازن باستسلام انت فين
حسام في المستشفى
مازن طب أنا جايلك
حسام طب خود بالك على نفسك وسوق براحة
أغلق مازن الخط واتجه إلى المشفى
____________________________________
في منزل نورهان
نورهان الحمد لله ربنا يتمم على خير
مصطفى يا رب
نورهان انت مش مبسوط
مصطفى لا مبسوط ولا متضايق عادي
نورهان مش عجباك نور
مصطفى لا بالعكس عجباني بس سؤالها ضايقني
نورهان سؤال إيه
مصطفى متشغليش بالك
نورهان طب قولي
مصطفى خلاص انسي أنا كمان هطنش الموضوع ده
نورهان آيوه كده يا حبيبي طنش شوية حاجات ملهاش لازمة
مصطفى حاضر يا ماما تصبحي على خير
نورهان وانت من اهله
ودخل مصطفى لينام
___________________________________
دخل إلى مكتب حسام في المشفى
مازن حسام
نهض حسام وذهب إليه وأجلسه على الأريكة في المكتب
حسام اهدا واقعد
جلس مازن في حالة تعب
حسام حاسس بإيه
مازن أنا عندي صداع جامد
هم حسام بفحصه
فأبعد مازن يده
حسام إيه يا مازن
مازن انت اللي إيه يا حسام بقولك عندي صداع يا اخي بتكشف ليه
صمت حسام للحظات وقد راوده الشك ثم قال
حسام ممكن تهدا وتقوم معايا نأخد عينة من دمك ونعمل التحاليل والفحوصات اللازمة وياريت تسمع الكلام من غير ما تعترض
مازن فحوصات وتحاليل انت لسه الفكرة مسيطرة عليك
حسام خلينا نأخد عينة دلوقتي تعالا معايا
مازن
حسام يا مازن بلاش نتأخر في حاجة ذي دي
مازن خلاص يا حسام أنا غلطان علشان جتلك
هم أن ينهض امسكه حسام
حسام انسى أنا مش هسيبك تخرج من هنا غير لما أخد منك عينة وأعمل اللازم
صمت مازن
حسام أنا مش فاهم انت ليه خايف تعمل تحاليل
مازن أنا مش خايف بس شايف إن ملهاش لزوم
حسام وأمسك ذراعه طب قوم معايا يا مازن نعمل تحاليل أنا شايف إن ليها لزوم معلش استحمل غتاتي شوية
نهض مازن في حالة تعب وأخذه حسام إلى احدى الغرف حسام شوية وهجيلك
أمسك مازن رأسه وقد شعر بالألم
حسام مالك
مازن بألم ااااااااه
فقد مازن وعيه وسقط على الفراش في الغرفة
اقترب حسام منه مازن مازن
وطلب الممرضين ليساعدوه
____________________________________
في صباح اليوم التالي في فيلا فؤاد الحكيم جلسوا لتناول الفطور فسمعوا رنين الجرس
تامر ابقى خود نتائج الاجتماع من جيهان
شريف بلامبالاة طيب
لاحظ وجوههم العابسة
ألقى الشوكة والسكين في غضب هو في مصيبة على الصبح
نهضت دارين فجاءة في فرح
دارين بابا
وذهبت إليه فعانقها
دارين وأخيرا يا بابا جيت
فؤاد بإبتسامة معلش يا حبيبتي الشغل كان كتير
دارين حمدا لله على السلامة
فؤاد الله يسلمك يا حبيبتي
دارين متسافرش تاني انت فاهم
فؤاد هههههههه هو إنتي لوحدك يا دارين ما إنتي معاكي جوزك وأخوكي
تامر جوزها بس من فضلك أنا رايح الشغل هتيجي على الساعة كام يا شريف باشا
نهض شريف في هدوء وذهب إلى دارين
شريف عاوزة حاجة مني وأنا جاي
دارين لا شكرا
شريف تحبي أقعد معاكي النهاردة
دارين لا روح شغلك
اقترب ليقبلها فاحتضنت والدها
دارين شريف من فضلك الحمل تاعبني وهرموناتي متلخبطة
ابتعد في حزن اخفاه في إبتسامة مريرة
تامر بغضب مكبوح مش يلا يا شريف
وذهب تامر فمر من امام والده
فؤاد مسلمتش عليا يعني
تامر بسخرية ودي تيجي ازاي و دارين في حضنك وكمان هرموناتها متلخبطة
دارين متجاهلة إياه بابا تعالا عاوزة أتكلم معاك كتير أوي
وذهبا معا
وكذلك ذهب شريف مع تامر
____________________________________
استيقظت نور واستعدت للذهاب إلى عملها سمعت طرقات على الباب تبعها دخول والدتها
ريهام صباح النور يا حبيبتي
نور يا عيني على الحنية
ريهام بتقولي حاجة يا نور
نور لا يا حبي أنا متأخرة عاوزة مني حاجة
ريهام لا تعالي افطري
نور لا هتأخر هبقى أكل هناك
ريهام يا بنتي بلاها الشغل اللي مضايقك اوي ده
نظرت اليها نور وابتسمت ماما حبيبتي وافقت على مصطفى آه لكن أقعد في البيت لاء ده حلم بعيد أوي تمام
ريهام أنا مقصدش يا حبيبتي بس إنتي كل ما تروحي ترجعي متعصبة منه
نور لا أنا مبسوطة أوي فيه عن اذنك
وغادرت نور وفي نفسها دلوقتي بس خدتي بالك إني برجع منه متعصبة مخدتيش بالك قبل كده ولا خدتي بالك وطنشتي يلا مبقتش تفرق
_____________________________________
أفاق مازن فوجد نفسه راقدا على فراش في المشفى
وبعد لحظات دخل حسام الغرفة
حسام مصطنعا الابتسامة حمدا لله على السلامة
اعتدل مازن وأسند ظهره هو إيه اللي حصل بالظبط
حسام مفيش أغمى عليك
مازن ضغطي نزل ولا إيه
حسام لا مش ضغطك
مازن آمال
حسام هتعرف
مازن طبعا انت لقيتها فرصة وعملت التحاليل والفحوصات وكل حاجة مش كده
حسام هز رأسه إيجابا صح
مازن والنتيجة
حسام أنا امبارح وانت مغمى عليك عملتلك أشعة علشان شكيت في الصداع اللي بيجيلك
مازن أشعة
حسام آه
مازن ومالها الأشعة
حسام بصوت مختنق دكتور حاتم هييجي دلوقتي يتكلم معاك
مازن دكتور حاتم مين وليه انت متقولش
حسان هو متخصص وهيعرف يشرحلك الموضوع
مازن متخصص في إيه
حسام هو هيشرحلك كل حاجة
مازن بعصبية حسام متلعبش بأعصابي الأشعة فيها إيه
هنا سمعوا طرقات على الباب ودخل حاتم وأغلق الباب خلفه
حاتم صباح الخير
حسام صباح الخير
ووجه حديثه لمازن دكتور حاتم
مازن طيب تمام اشرحلي يا دكتور اللي دكتور حسام مش عارف يقوله أصله درس سبع سنين ومش عارف يقولي نتيجة الأشعة إيه
حاتم طب اهدا طيب
مازن بلاش الكلمة دي علشان بتعصبني زيادة
حاتم معلش أكيد علشان إنتو أصحاب هو مش قادر يقولك
مازن إحنا مش أصحاب هو دكتور أعرفه وبس
نظر إليه حسام في أسف
حاتم طيب اسمع وحاول تفهم الموضوع وتكون هادي
مازن ممكن بلاش لعب بالأعصاب وتقولي في إيه علطول
حاتم الأشعة نتيجتها إن عندك ورم في المخ واكتشفنا إن الورم
صمت للحظات ثم أردف الورم خبيث
مازن في صدمة قصدك إيه
حاتم سرطان في المخ
مازن بعدم تصديق لا أكيد ده مش صحيح في غلط أكيد أعملوا الأشعة تاني أحيانا بيحصل أخطاء
حسام اهدا يا مازن
مازن بإنفعال متقوليش اهدا أهدا إيه وازاي
حاتم اهدا بس مينفعش العصبية دي
مازن بهدوء أكيد انتو بتهزروا ومفيش حاجة من اللي قولتوها دي صح
حاتم أستاذ مازن ممكن رقم حد من أهلك نتكلم معاه
مازن هو أنا مش مالي عينك
حاتم مقصدش بس نتفاهم معاه هيكون أفضل
مازن بحزن إتكلم في إيه تاني
حاتم في عملية لازم تعملها
مازن حابسا دموعه عملية إيه
حسام عملية علشان نشيل الورم
مازن ناظرا اليه ببعض من الأمل العملية دي ناجحة
حاتم مش هكدب عليك وأقولك نسبة نجاحها 100
مازن وقد ذهب الأمل من عينيه يعني إيه
حاتم يعني العملية ممكن تنجح أو تفشل ممكن تقوم منها أو ممكن تخوش في غيبوبة
مازن محاولا التماسك وإيه كمان
حاتم في آثار جانبية لو إن شاء الله العملية نجحت يعني هيكون عندك شوية مشاكل في الحركة والنطق بعد العملية
مازن واو وكمان هبقى عاجز
ثم أردف
مازن سرطان عملية عجز
ثم ضحك ده بجد ولا بحلم
حسام انت كويس
مازن بصرامة عاوز أقعد لوحدي اطلعوا برا
حسام مازن إح
مازن يقاطعه بعصبية قولت عاوز أقعد لوحدي اطلعوا برا
حسام طب خلاص اهدا طيب
وغادر حسام مع حاتم ومازن في حالة صدمة من ما سمعه
_____________________________________
في فيلا كمال
صفاء ترمي الهاتف بتوتر مبيردش برضو
كمال ربنا يستر
صفاء انت متأكد إنه خرج امبارح بليل
كمال الحارس أكدلي ده
صفاء بتوتر والحارس مسألهوش هو رايح فين ليه
كمال يسأله ازاي يا صفاء
صفاء استر يا رب
كمال يا رب
رن هاتف كمال فانتبه الاثنان
كمال الو
أحمد آيوه يا عمو معلش كنت نايم ومسمعتش في حاجة
كمال مازن عندك
أحمد بإستغراب لاء هو مش في الفيلا
كمال بأسف مكنتش هكلمك لو كان في الفيلا يا أحمد
أحمد طب خرج إمتى
كمال خرج امبارح بليل ومرجعش لحد دلوقتي
أحمد طب يا عمو أنا هكلم أصحابنا وأشوفه راح فين
كمال طيب يا أحمد وابقى طمني
أحمد طبعا يا عمي متقلقش انت بس اتطمن
كمال ربنا يستر
أحمد يا رب سلام
كمال سلام
وأغلق أحمد الخط
أحمد يا ترى روحت فين يا مازن
وبدأ يتصل ببعض الأصدقاء وهو قلق على مازن
الفصل 14 و
في منزل نورهان
نورهان هنروح امتى نجيب الشبكة يا مصطفى
مصطفى معرفش قولوا انتو انا فاضي النهاردة
نورهان خلاص يبقى نروح نتغدا برا سوا ونجيب الشبكة
مصطفى قوللهم يا ماما يمكن عندهم خطط تانية
نورهان لا دي ريهام هتفرح اوي
مصطفى ونور لعبة ملهاش رأي
نورهان بإبتسامة ومالك متعصب اوي كده علشانها ليه
مصطفى ميروحش عقلك لبعيد يا ماما انا بس مبحبش التصرفات دي
نورهان بإبتسامة خلاص هكلم نور بنفسي وأسألها المعاد يناسبها ولا لاء
مصطفى يبقى احسن
نورهان ربنا يتمم على خير يا رب
____________________________________
في المشفى دخل حسام الى مازن فوجده بدل ثيابه ويربط حذائه
حسام انت رايح فين
نهض مازن البيت
حسام هتكلم اهلك
مازن لاء
حسام مينفعش
مازن ده شيء يخصني
حسام انت عارف لو معملتش العملية دي هيحصل إي
يقاطعه مازن هو في أسوأ من العجز
حسام في طبعا الموت
مازن لا صدقني الموت اهون من اني أعيش عاجز
حسام يا مازن قولتلك ان بالمتابعة مع دكتور بإذن الله هتبقى احسن
مازن ده احتمال وفي احتمال كمان اني ممكن مفوقش بعد العملية ممكن اخوش في غيبوبة ووقتها مش هبقى حاسس بحاجة حواليا
حسام ليه التشاؤم ده
مازن انا بعيش على ارض الواقع
حسام طب ممكن نتكلم مع اهلك في الموضوع
مازن انسى يا حسام
حسام يا مازن دكتور حاتم بيقول ان انت في حالتك دي قدامك ست شهور ده لو معملتش العملية
صدم مازن من ما سمعه
امسك حسام بكتفي مازن ارجوك يا مازن فكر شوية في حياتك
مازن الموضوع مش قابل للتفكير يا حسام
حسام بدهشة حياتك مش قابلة للتفكير
مازن انا كده بفكر فيها
وابعد يدي حسام قائلا عن اذنك
وسحب مازن مفاتيحه وجواله وذهب لا يدري ماذا سيقول لاهله عن سبب غيابه فبالتأكيد انهم عرفوا انه خرج من الامس والأكيد انهم اتصلوا بأحمد أيضا فبدأ يفكر في كذبة
____________________________________
في بيت أحمد
أحمد طيب يا سليم شكرا لا معرفش ممكن يكون راح فين هبقى اكلمك حاضر سلام
وأغلق الخط بيأس
أحمد اكلم مين تاني انا
فوجد هاتفه الخليوي يرن بإسمصاحبي
أحمد يرد بسرعة انت فين يا مازن
مازن بابا وماما كلموك يسألوك عني صح
أحمد ايوه صح ممكن بعد اذنك تعرفني مكانك علشان اطمنهم
مازن لا انا رايح على الفيلا اهو خلاص وصلت أصلا انا بس كلمتك اطمنك
أحمد انت روحت فين يا مازن امبارح
مازن روحت عند واحد صاحبي
أحمد صاحبك مين
مازن واحد صاحبي يا أحمد كان تعبان شوية وفضلت معاه خلاص مش حكاية
أحمد انا كلمت كل اصحابنا يا مازن وكلهم اكدوا انك مروحتش لحد فيهم
مازن لا ده واحد صاحبي انت متعرفهوش
أحمد اسمع يا مازن انت ممكن تألف الحكاية دي على باباك ومامتك لكن انا لاء
مازن وانا هكدب عليك ليه يعني
أحمد علشان مش عاوز تقولي كنت
مازن سلام يا أحمد انا لازم ادخل اطمن بابا وماما
واغلق الخط ودخل الفيلا فهرعت اليه والدته واحتضنته
صفاء كنت فين قلقتني عليك
مازن معلش يا ماما كان في واحد صاحبي تعبان امبارح وفضلت قاعد جنبه لحد ما بقى كويس
صفاء طب كنت كلمنا او رد علينا حتى
مازن معلش يا ماما مسمعتش الموبيل فين بابا
صفاء راح الشغل وقالي اكلمه لما انت تيجي
مازن طيب انا هطلع اوضتي ارتاح
صفاء ابقى كلم أحمد طمنه
مازن حاضر
وصعد الى غرفته وجلس على سريره لا يدري فيما سيقضي ستة اشهر تبقت له
___________________________________
في فيلا فؤاد الحكيم اجتمعوا على الغداء معا
دارين يا سلام يعني انت عاوز ولد يا بابا
فؤاد ايوه انا عاوز حفيد
دارين وليه متبقاش بنت شبهي
تامر احنا ناقصين مش كفايا واحدة عندنا
دارين نعم
تامر ايه في ايه
فؤاد بس متصدعونيش
دارين منتاش سامع يا بابا
فؤاد بطل بقى يا تامر الله
تجاهله تامر
نظرت دارين الى شريف الجالس بحوارها فوجدته يتناول طعامه في هدوء غير مبالي بأحاديثهم
دارين شريف
نظر اليها ايه يا روحي
دارين انت مش معانا ليه سرحان في ايه
شريف لا يا حبيبتي انا معاكم
دارين طب ايه نفسك في ولد ولا بنت
شريف اللي يجيبه ربنا حلو
دارين مختلفناش بس قول انت عاوز ايه عادي يعني
شريف انا عاوز الاتنين يا دارين
دارين نعم عاوز توأم
شريف هههههه لاء انا قصدي اني عاوز الاتنين فاللي ييجي منهم انا راضي بيه
غضبت دارين لا تدري لماذا جاءت علياء ووضعت لها عصير جزر
دارين ايه ده
علياء ده عصير جزر مفيد ومغذي
دارين بعصبية شيلي البتاع ده من قدامي مبحبهوش
علياء بإنكسار طيب
شريف علياء استني انا عاوزه
فتركته له وانصرفت
دارين لشريف مقولتليش انك بتحب عصير الجزر قبل كده
شريف مفتكرش انك طلبتي مني قبل الجواز قائمة باللي بحبه ومبحبهوش
دارين قصدك ايه
شريف ولا حاجة انا مبحبش عصير الجزر يا دارين بس محبتش اكسفها
فؤاد انا هقوم انام تصبحوا على خير
صعد فؤاد الى غرفته
تامر مش عارف ليه نفسي مسدودة
دارين هو انت تقريبا غدا وعشا وفطار نفسك مسدودة
تامر اه بس سبحان الله بتفتح نفسي لما بتكوني مسافرة او أكون برا البيت
دارين من القلب للقلب
تامر لا والله
دارين اه والله
القى الشوكة والسكين اسمعي يا بت انتي مش علشان حامل تخنقينا
نهضت دارين ولا انت كمان تخنقنا
تامر ايه هو انا طابق على نفسك ولا ايه
دارين هو انت اول مرا تعرف
شريف خلاص يا تامر من فضلك دارين حامل
نهض تامر دي حاجة تخنق
وصعد تامر الى الطابق الثاني
دارين لشريف انا اتخنقت من تامر
شريف تحبي نسافر
دارين وليه هو ميسافرش
شريف وهو ايه اللي هيسفره يا دارين
دارين مليش دعوة اتصرف
شريف اسفره يعني يا دارين
دارين قولتلك اتصرف
شريف ربنا يسهل
وتركته دارين وذهبت الى الحديقة الخلفية
____________________________________
جلسوا يتناولون الغداء في احدى المطاعم معا
مصطفى خلصتوا نروح نجيب الشبكة
ريهام اه يلا
كتم مصطفى غضبه ونظر لنور خلصتي يا نور
شعرت بالخجل اه يلا بينا
نورهان حاسب يا مصطفى وانا هروح الحمام واجي
نور خوديني معاكي يا خالتو
ريهام وانا كمان
ذهبوا
دفع مصطفى الحساب غاضبا من تدخلهم في شيء لا يخصهم فهذا يخص نور وهو فقط
وذهبوا الى احدى محلات الذهب
وقفت نور حائرة
مصطفى مفيش حاجة عجباكي نروح محل تاني
نور بخجل لا هختار اهو
نورهان ايه رأيك في الخاتم ده يا نور
نور بإحراج حلو يا خالتو
مصطفى سيبيها يا ماما تختار
نورهان طيب يا حبيبي
نظرت له نور بحيرة
مصطفى يهمس لها لو اعرف انهم هيتدخلوا كنت جيت انا وانتي بس
ابتسمت نور فهمست له ميصحش كده يا مصطفى
مصطفى يبتسم هامسا يا سلام واللي بيعملوه ده يصح يعني
ضحكت نور طب بس بقى لحسن يسمعوا ويزعلو
مصطفى طب اختاري
نور انا بصراحة محتارة اصلها اول مرة
مصطفى يعني مشترتيش دهب قبل كده
نور لا اشتريت
مصطفى طب اعملي نفسك بتشتري دهب ذي اي مرة عادية
نور امممم
وبدأت تشاهد بعض الأشياء
مصطفى طب هساعدك
نور ياريت
امسك مصطفى احدى الاطقم الراقية
مصطفى ايه رأيك
نور لا مش حلو
ثم لفت انتبهاها بعض الاساور وأشارت الى احداها
نور دي حلوة اوي
مصطفى بإبتسامة لو سمحت نشوف دي
وأشار الى الاسورة التي اختارتها نور
أعطاها البائع الإسورة فأخذتها نور
فإبتسمت نور بفرحة خلاص يا مصطفى نأخد دي
مصطفى بإبتسامة طيب خودي حاجة كمان
نور لا خلاص كفايا دي
مصطفى انتي بتوفريلي يعني ولا ايه
نور لا خالص بس هي دي اللي عجبتني ولو فكرت اختار حاجة تانية هقعد للصبح
مصطفى يعني مش عاوزة اكيد
نور اه خلاص كده
فاختار مصطفى دبلتان واعطاها واحدة وارتدى الأخرى
نور بس احنا اتفقنا ان مفيش خطوبة
مصطفى بإبتسامة دي هدية مني ليكي بذمتك منفسكيش تلبسي دبلة
ابتسمت نور في خجل ونظرت أرضا
مصطفى شكلها مش عجباكي تنقي غيرها
نور لا لا دي حلوة اوي
ولبستها بسرعة
فدفع مصطفى الحساب وكانت نورهان و ريهام سعيدتان بمشاركة مصطفى لنور في الاختيار
وغادروا
_____________________________________
استيقظ مازن على صوت أحمد
مازن انت ايه اللي جابك هنا
أحمد قولت اجي اعرف انت كنت فين
مازن يا الله انا مش قولتلك
أحمد ما انا كمان قولتلك اكدب الكدبة دي على غيري
مازن انت ليه مصمم اني بكدب
أحمد مازن انسى هتقولي يعني هتقولي
مازن بإستسلام كنت في المستشفى تمام كده
أحمد محاولا إخفاء قلقه عملت تحاليل
مازن اه عملت علشان اخلص من زن حسام
أحمد وايه النتيجة
اعتدل مازن واسند ظهره الى الوسادة تمام الحمد لله التحاليل كويسة انا بس علشان كنت مضغوط فقالي ان انا مرهق شوية فلازمني شوية راحة
أحمد يعني انت قعدت طول الليل علشان الكلمتين دول
مازن مش تحاليل يا ابني
أحمد حاسس بشوية صدق في كلامك
مازن هي دي الحقيقة ومعنديش غيرها بس متقولش لبابا وماما
أحمد اكيد مش هقول المهم طالما حسام قال انك محتاج راحة يبقى هتقوم معايا دلوقتي نعمل اي حاجة تريح الاعصاب
مازن انا فعلا محتاج اريح اعصابي
أحمد يبقى قوم يلا اجهز
مازن طيب
نهض مازن واستعد وذهب مع أحمد
___________________________________
في المساء ظلت نور تنظر الى السوار وهي سعيدة وتدور في الغرفة سمعت طرقات على باب غرفتها فوضعت السوار على المنضدة وذهبت وفتحت الباب فوجدت والدتها
نور خير يا ماما
ريهام انتي قافلة على نفسك ليه
نور مفيش يا ماما عاوزة اقعد مع نفسي شوية
ريهام طب نورهان كلمتني علشان تظبطي شقتك انتي ومصطفى
نور بيتهيقلي ده شيء يخصني انا ومصطفى
ريهام يعني ايه
نور انا هبقى اشوف الموضوع ده واشوف امتى فاضية واروح
ريهام طيب بس متتهربيش يا نور
_________________________________
استعدت عائشة في صباح احد الايام فدخلت اليها هناء فوجدتها تستعد للخروج
عائشة خير يا نونو
هناء انتي اللي رايحة على فين كده
عائشة ما انتي عارفة اني هرجع البلد لبابا فقولت انزل اشتري كام حاجة علشان لما اجي تكون جاهزة
هناء ماشي يا حبيبتي تحبي اجي معاكي
عائشة لا ملوش لزوم
هناء طب خودي بالك من نفسك
عائشة ماشي يا حبيبتي سلام
هناء سلام يا حبيبتي
لم تجرؤ على اخبارها ان تبقى معها وانها متعبة للغاية فكونها ذاهبة الى والدها فهذا في حد ذاته هم فوق رأسها لا تقوى على تحمله وسيكون من الأفضل ألا تزيد الأمر عليها
_________________________________
تامر صفقة هايلة يا شريف مش كده
شريف صامت ويبدو انه يفكر
تامر شريف بكلمك شرييييف
افاق شريف من تفكيره ها بتقول حاجة يا تامر
تامر انت سرحان في ايه
شريف مفيش قلقان الأيام دي على دارين
تامر انت هتمثل
شريف قصدك ايه
تامر انا ملاحظ ان معاملتك اتغيرت بقيت بتمثل انك بتحبها قدامنا او قدامها أيا يكن بس واضح جدا ان في حاجة تانية جوا منك
شريف بعد لحظات بص هو انت كلامك صح بس انا مش بمثل اني بحبها لاني فعلا بحبها بس هي بقالها كام يوم متغيرة كده فده مضايقني
تامر دارين مبتتغيرش يا شريف انت بس اللي متعرفهاش كويس
شريف يمكن وهو في النهاية انا مش مرتاح محتاج أتكلم معاها بس مش عاوز اضايقها وهي حامل
تامر هي بتحس على دمها أصلا
شريف بإنزعاج تامر من فضلك لو تكرمت متضايقش دارين تاني انا خايف على الجنين
تامر خايف على الجنين ومش خايف عليها
شريف هي مش هتتأثر بكلامك لانها بترد عليك وبتحرق في دمك هي كمان بس انا خايف من تأثير كلامك اللحظي على نفسيتها اللي ممكن بدوره يأثر على الجنين
تامر طيب يا شريف انا هسبلكوا الفيلا وامشي
شريف تامر انا مق
تامر يقاطعه خلاص يا شريف انا هسيب الفيلا علشان اخلص أصلا من حوار الحمل السخيف ده
شريف انا مش عاوزك تزعل مني بس ده ابني او بنتي في النهاية حتة من روحي وخايف عليه
تامر مش زعلان منك بس بلاش الحب الاعمى ده
شريف قصدك ايه
تامر قصدي افتح عينيك
شريف انت عاوزني اروح اتخانق مع دارين ولا ايه
تامر لا عاوزكوا تتكلموا مش اكتر
شريف ما انا عارف والله وهنتكلم بس اما تولد بالسلامة
تامر طيب انت هتروح امتى
شريف شوية وقايم
تامر بدري يعني النهاردة
شريف هحاول أكون جنبها الفترة دي
تامر طيب وانا هبقى اروح متأخر وأخد حاجتي وامشي
شريف هتقعد فين
تامر في أي فندق
شريف طيب واسف يا تامر
تامر مفيش حاجة يا شريف أصلا كده احسن
___________________________________
في فيلا فؤاد الحكيم
في غرفة دارين كانت ممدة على السرير تتصفح احدى المجلات سمعت طرقات على باب غرفتها
دارين ادخل
دخلت علياء واحدة اسمها نور تحت مستنياكي
دارين خليها تطلعلي
علياء
وبعد لحظات جاءت نور واحتضنت دارين وقبلتها ثم جلست على طرف الفراش بجوارها
نور وحشتيني يا دودو
دارين وانتي كمان يا حبي امال بقالك مدة غايبة
نور معلش يا حبي مشغولة شوية
دارين طيب
نور عاملة ايه
دارين كويسة وزعلانة منك
نور ليه بس
دارين بقى تتخطبي ومتعزميش على الخطوبة
نور انا معملتش خطوبة أصلا احنا لبسنا الدبل وانا بنقي الشبكة
دارين ليه معملتوش خطوبة
نور ملهاش داعي تقريبا نفس حالتك انتي وشريف كده
دارين قصدك ايه
نور قرايب علشان كده معملناش خطوبة
دارين بجد مين
نور مصطفى ابن خالتي
دارين مصطفى حاسة اني سمعت الاسم ده قبل كده
نور طبعا ما انتي حضرتي خطوبته هو ونسمة قبل كده
دارين بتذكر اه صح
ثم اردفت طب ازاي خطبك
نور هو ونسمة انفصلوا وارتبطنا انا وهو
دارين اها المهم مبسوطة
نور هو مصطفى كويس يعني مفهوش عيب
دارين يعني مبسوطة
نور اه الحمد لله وبجهز في الشقة حاليا وقريب هنكتب الكتاب بس هنأجل موضوع
متابعة القراءة
